អន្តរជាតិ
នយោបាយអន្តរជាតិ
×![]()
កាលពីថ្ងៃអាទិត្យសប្តាហ៍មុន មនុស្សរាប់លាននាក់ នៅប្រទេសបារាំង និងមនុស្សជាច្រើននាក់នៅប្រទេសផ្សេងៗទូទាំងពិភពលោក បាននាំគ្នាដង្ហែក្បួនបាតុកម្មអន្តរជាតិ បរិហារអំពើភេរវកម្មដែលបានសម្លាប់មនុស្ស១៧នាក់ នៅទីក្រុងប៉ារីស ក្នុងនោះមាន១២នាក់ ជាអ្នកបំរើការនៅសារព័ត៌មានស្ហាលីអេបដូ (Charlie Hebdo)។ គេសង្កេតឃើញ ក្នុងបាតុកម្មនេះ មនុស្សភាគច្រើនប្រើបដាចែងថា "ខ្ញុំជាស្ហាលី" ឬ "យើងជាស្ហាលី"។ ប៉ុន្តែ នៅបារាំង មានជនមួយចំនួន ដូចជាសិស្ស និស្សិត ឬបណ្តាជននៃសមាគមអ្នកកាន់ សាសនាអ៊ីស្លាម មិនបានសំដែងការគាំទ្រនឹងពាក្យថា "ខ្ញុំជាស្ហាលី"នេះទេ។
សូមស្តាប់ការបកស្រាយរបស់ ព្រំសឿន សូលីណា ពីប្រទេសបារាំង
បដាចែងថា "ខ្ញុំជាស្ហាលី" រឺ "យើងជាស្ហាលី" គឺសំដៅបង្ហាញទៅក្រុមភេរវជនអោយបានដឹងថា ថ្វីបើអំពើភេរវកម្មវាយប្រហារសារព័ត៌មានស្ហាលីអេបដូ (Charlie Hebdo) នៅក្រុងប៉ារីស សម្លាប់អ្នកគូររូបត្លុករិះគន់ប្រមុខដឹកនាំសាសនាអ៊ីស្លាម៉ាហូមេត បានទទួលជោគជ័យក៏ដោយចុះ ក៏ភេរវកម្មនេះមិនអាចបំបាត់គំនិត រឺទស្សនៈយល់ឃើញ អោយផុតចេញពីទ្វីបលោកយើងនេះដែរ។ គេមិនអាចហាមឃាត់មនុស្សម្នាក់មិនអោយមានទស្សនៈផ្ទាល់ខ្លួននោះទេ។ ដោយសារការគាំទ្រលើសេរីភាពនៃការបញ្ចេញមតិនេះហើយ ទើបកាលពីថ្ងៃអាទិត្យ ១១មករា មានមនុស្សរាប់លាននាក់ ក្នុងនោះមានមេដឹកនាំរដ្ឋាភិបាលជាង៤០ប្រទេស បាននាំគ្នាបាតុកម្មជាលក្ខណៈអន្តរជាតិ នៅក្រុងប៉ារីស។
ដោយឡែក នៅប្រទេសបារាំង ជនមួយចំនួន មានដូចជាសិស្ស ឬនិស្សិត មិនបានសំដែងការគាំទ្រចំពោះពាក្យបដា ខ្ញុំជាស្ហាលី នេះទេ។ ពួកគេមិនបានជំទាស់ប្រឆាំងនឹងសិទ្ធិនៃការបញ្ចេញមតិ រឺទស្សនៈយល់ឃើញនោះទេ តែពួកគេយល់ថា ការបញ្ចេញមតិគឺត្រូវតែឆ្លើយតបទៅនឹងការគោរពគ្នាទៅវិញទៅមក។ ពោលគឺថា គ្រប់គ្នាមានសិទ្ធិបញ្ចេញគំនិតផ្ទាល់ខ្លួនតែក៏ត្រូវតែគោរពលើគំនិតនិងជំនឿរបស់អ្នកដទៃផងដែរ។
គួរបញ្ជាក់ ថា នៅប្រទេសបារាំង គ្រប់គ្នាមានសិទ្ធិគោរពប្រណិបត្តិសាសនាដែលខ្លួនពេញចិត្ត ឬក៏មានសិទ្ធិមិនជឿសាសនាក៏បាន។ ការដែលយើងគោរពសាសនាមួយ ឬក៏ថា ការដែលយើងមិនជឿសាសនាអ្វីទាំងអស់ មិនមែនមានន័យថា យើងត្រូវមើលងាយសាសនាផ្សេងៗនោះទេ។ ហេតុនេះ ជនមួយចំនួនដែលមិនបានគាំទ្រពាក្យថា ខ្ញុំជាស្ហាលីនោះ ដោយសារតែពួកគេគិតថាការដែលសារព័ត៌មានស្ហាលី បានគូររូបត្លុកប្រមុខសាសនាអ៊ីស្លាមម៉ាហូមេត ដែលបានស្លាប់រាប់រយសតវត្សមកហើយនោះ ថ្វីបើរូបត្លុកខ្លះធ្វើអោយអ្នកមើលផ្ទុះសំណើចក្អាកក្អាយ តែវាជាការប្រមាថចំអកសាសនាអ៊ីស្លាម ជាទង្វើដែលដើរហួសពីសិទ្ធិនៃការបញ្ចេញមតិ ព្រោះថា ជាការមិនគោរពជំនឿសាសនារបស់អ្នកដទៃ។
គួរបញ្ជាក់ដែរថា សារព័តមានស្ហាលីក៏ធ្លាប់គូររូបត្លុកចំអកសាសនាផ្សេងទៀត ដូចជាសាសនាជ្វីហ្វ ឬសាសនាយេស៊ូផងដែរ។ មុននឹងមានភេរវកម្មធ្ងន់លើសារព័ត៌មានស្ហាលី កាលពីសប្តាហ៍មុននេះ កាលពីប៉ុន្មានឆ្នាំមុន រូបត្លុករបស់សារព័ត៌មានស្ហាលី ធ្លាប់បានបង្កភាពចម្រូងចម្រាស ក្នុងប្រទេសបារាំងរួចមកហើយហើយសារព័តមាននេះក៏ធ្លាប់រងអគ្គិភ័យម្តងហើយដែរ។ កាលពីប៉ុន្មានឆ្នាំមុន គេឃើញក្នុងរូបគំនូររបស់ស្ហាលីអេបដូ មានរូបត្លុកស្រាតរបស់ប្រមុខសាសនាម៉ាហូមេត រឺក៏រូបប្រមុខសាសនាម៉ាហូមេត ថើបមាត់គ្នាជាមួយអ្នកគំនូរត្លុកបស់សារព័ត៌មានស្ហាលីខ្លួនឯង។
ប្រាកដណាស់ ក្រុមអ្នកជឿស៊ប់ក្នុងសាសនាអ៊ីស្លាម រឺក្រុមភេរវជនអ៊ីស្លាមនិយមជ្រុល ពិតជាមិនអាចទទួលយករូបត្លុកបែបនេះទេ។ ប៉ុន្តែ អ្នកកាន់សាសនាអ៊ីស្លាមក៏មិនបានគាំទ្រអំពើភេរវកម្មសម្លាប់ អ្នកគូររូបត្លុកសារព័ត៌មានស្ហាលីដែរ។ ពួកគេមានតែថ្កោលទោសភេរវកម្ម។ ដោយឡែក ពួកគេក៏ភិតភ័យចំពោះការសងសឹកណាមួយពីជនអនាមិកក្នុងប្រទេសបារាំងផងដែរ ព្រោះថាក្រោយមានភេរវកម្មប្រឆាំងសារព័ត៌មានស្ហាលី វិហារអ៊ីស្លាមជាច្រើនកន្លែងនៅបារាំង ត្រូវបានរងការវាយប្រហារ។
បកមក និយាយពីសេរីភាពនៃការបញ្ចេញមតិយោបល់វិញ យើងឃើញថា ខណៈមនុស្សម្នាក់មិនជឿសាសនាអ្វីទាំងអស់ ហើយបែរជាបញ្ចេញទស្សនៈរិះគន់ជនណាមួយក្នុងសាសនាណាមួយ បើខ្លួនមិនប្រយ័ត្ន ទស្សនៈនោះអាចនឹងដើរជ្រុលហួសរហូតប៉ះទង្គិចបំពានសាសនាដទៃបាន។ ផលវិបាកគឺគ្រោះថ្នាក់ធ្ងន់ បែបយ៉ាងការសងសឹកពីក្រុមជ្រុលនិយម ដែលមិនគោរពច្បាប់បែបយ៉ាងក្រុមភេរវជនអ៊ីស្លាមជ្រុលនិយមនេះឯង។ ក្រោយភេរវកម្មសម្លាប់បុគ្គលិកខ្លួនច្រើននាក់ សារព័ត៌ស្ហាលីអេបដូមិនបានញញើតនឹងបន្តការតស៊ូមតិយល់ឃើញខ្លួនទេ ថែមទាំងបានបោះពុម្ពលេខថ្មី មានរូបត្លុកប្រមុខសាសនាម៉ាហូមេតស្រក់ទឹកភ្នែក និងកាន់បដាសរសេរថា "ខ្ញុំជាស្ហាលី"ទៀតផង។ មនុស្សជាច្រើនបានគាំទ្រសារព័ត៌មាននិងបានទិញសារព័ត៌មានស្ហាលីយកមកអាន រហូតអស់ពីតូប។
ថ្វីបើ សារព័ត៌មានទទួលជោគជ័យពីសំណាក់អតិថិជននៅបារាំង និងនៅបរទេសក៏ដោយចុះ ក៏មានប្រទេសមួយចំនួនមិនបានស្វាគមន៍លេខថ្មីរបស់ស្ហាលីដែលមានរូបត្លុក ម៉ាហូមេតស្រក់ទឹកភ្នែកនេះដែរ។ ប្រទេសកាន់សាសនាអ៊ីស្លាមជាច្រើនបានបរិហារកាសែតស្ហាលីថា បានដៀលត្មះសាសនាអ៊ីស្លាម។ អ្នកដឹកនាំសាសនាអ៊ីស្លាមច្រើននាក់ក៏បារម្ភថារូបត្លុករបស់សារព័ត៌មាននេះ មានតែញុះញង់អោយមានការស្អប់ខ្ពើមគ្នាថែមទៀតប៉ុណ្ណោះ។
ការគិត បែបនេះក៏មិនអាចខុសនោះដែរ។ ថ្ងៃព្រហស្បតិ៍១៥មករានេះ ក្រុមតាលីបង់បានបរិហារសារព័ត៌មានស្ហាលី ថាបានធ្វើទង្វើអមនុស្សធម៌ គួរអោយខ្ពើម និងបានចាត់ទុកអ្នកគូរគំនូររូបត្លុកថា ជាសត្រូវនៃមនុស្សលោកទៀតផង។ ក្រុមតាលីបង់ថែមទាំងអំពាវនាវអោយរដ្ឋាភិបាលប្រទេសជាប់ពាក់ព័ន្ធនានា ហាមឃាត់ទង្វើរបស់កាសែតស្ហាលីទៀតផង៕
សូមស្តាប់ការបកស្រាយរបស់ ព្រំសឿន សូលីណា ពីប្រទេសបារាំង
បដាចែងថា "ខ្ញុំជាស្ហាលី" រឺ "យើងជាស្ហាលី" គឺសំដៅបង្ហាញទៅក្រុមភេរវជនអោយបានដឹងថា ថ្វីបើអំពើភេរវកម្មវាយប្រហារសារព័ត៌មានស្ហាលីអេបដូ (Charlie Hebdo) នៅក្រុងប៉ារីស សម្លាប់អ្នកគូររូបត្លុករិះគន់ប្រមុខដឹកនាំសាសនាអ៊ីស្លាម៉ាហូមេត បានទទួលជោគជ័យក៏ដោយចុះ ក៏ភេរវកម្មនេះមិនអាចបំបាត់គំនិត រឺទស្សនៈយល់ឃើញ អោយផុតចេញពីទ្វីបលោកយើងនេះដែរ។ គេមិនអាចហាមឃាត់មនុស្សម្នាក់មិនអោយមានទស្សនៈផ្ទាល់ខ្លួននោះទេ។ ដោយសារការគាំទ្រលើសេរីភាពនៃការបញ្ចេញមតិនេះហើយ ទើបកាលពីថ្ងៃអាទិត្យ ១១មករា មានមនុស្សរាប់លាននាក់ ក្នុងនោះមានមេដឹកនាំរដ្ឋាភិបាលជាង៤០ប្រទេស បាននាំគ្នាបាតុកម្មជាលក្ខណៈអន្តរជាតិ នៅក្រុងប៉ារីស។
ដោយឡែក នៅប្រទេសបារាំង ជនមួយចំនួន មានដូចជាសិស្ស ឬនិស្សិត មិនបានសំដែងការគាំទ្រចំពោះពាក្យបដា ខ្ញុំជាស្ហាលី នេះទេ។ ពួកគេមិនបានជំទាស់ប្រឆាំងនឹងសិទ្ធិនៃការបញ្ចេញមតិ រឺទស្សនៈយល់ឃើញនោះទេ តែពួកគេយល់ថា ការបញ្ចេញមតិគឺត្រូវតែឆ្លើយតបទៅនឹងការគោរពគ្នាទៅវិញទៅមក។ ពោលគឺថា គ្រប់គ្នាមានសិទ្ធិបញ្ចេញគំនិតផ្ទាល់ខ្លួនតែក៏ត្រូវតែគោរពលើគំនិតនិងជំនឿរបស់អ្នកដទៃផងដែរ។
គួរបញ្ជាក់ ថា នៅប្រទេសបារាំង គ្រប់គ្នាមានសិទ្ធិគោរពប្រណិបត្តិសាសនាដែលខ្លួនពេញចិត្ត ឬក៏មានសិទ្ធិមិនជឿសាសនាក៏បាន។ ការដែលយើងគោរពសាសនាមួយ ឬក៏ថា ការដែលយើងមិនជឿសាសនាអ្វីទាំងអស់ មិនមែនមានន័យថា យើងត្រូវមើលងាយសាសនាផ្សេងៗនោះទេ។ ហេតុនេះ ជនមួយចំនួនដែលមិនបានគាំទ្រពាក្យថា ខ្ញុំជាស្ហាលីនោះ ដោយសារតែពួកគេគិតថាការដែលសារព័ត៌មានស្ហាលី បានគូររូបត្លុកប្រមុខសាសនាអ៊ីស្លាមម៉ាហូមេត ដែលបានស្លាប់រាប់រយសតវត្សមកហើយនោះ ថ្វីបើរូបត្លុកខ្លះធ្វើអោយអ្នកមើលផ្ទុះសំណើចក្អាកក្អាយ តែវាជាការប្រមាថចំអកសាសនាអ៊ីស្លាម ជាទង្វើដែលដើរហួសពីសិទ្ធិនៃការបញ្ចេញមតិ ព្រោះថា ជាការមិនគោរពជំនឿសាសនារបស់អ្នកដទៃ។
គួរបញ្ជាក់ដែរថា សារព័តមានស្ហាលីក៏ធ្លាប់គូររូបត្លុកចំអកសាសនាផ្សេងទៀត ដូចជាសាសនាជ្វីហ្វ ឬសាសនាយេស៊ូផងដែរ។ មុននឹងមានភេរវកម្មធ្ងន់លើសារព័ត៌មានស្ហាលី កាលពីសប្តាហ៍មុននេះ កាលពីប៉ុន្មានឆ្នាំមុន រូបត្លុករបស់សារព័ត៌មានស្ហាលី ធ្លាប់បានបង្កភាពចម្រូងចម្រាស ក្នុងប្រទេសបារាំងរួចមកហើយហើយសារព័តមាននេះក៏ធ្លាប់រងអគ្គិភ័យម្តងហើយដែរ។ កាលពីប៉ុន្មានឆ្នាំមុន គេឃើញក្នុងរូបគំនូររបស់ស្ហាលីអេបដូ មានរូបត្លុកស្រាតរបស់ប្រមុខសាសនាម៉ាហូមេត រឺក៏រូបប្រមុខសាសនាម៉ាហូមេត ថើបមាត់គ្នាជាមួយអ្នកគំនូរត្លុកបស់សារព័ត៌មានស្ហាលីខ្លួនឯង។
ប្រាកដណាស់ ក្រុមអ្នកជឿស៊ប់ក្នុងសាសនាអ៊ីស្លាម រឺក្រុមភេរវជនអ៊ីស្លាមនិយមជ្រុល ពិតជាមិនអាចទទួលយករូបត្លុកបែបនេះទេ។ ប៉ុន្តែ អ្នកកាន់សាសនាអ៊ីស្លាមក៏មិនបានគាំទ្រអំពើភេរវកម្មសម្លាប់ អ្នកគូររូបត្លុកសារព័ត៌មានស្ហាលីដែរ។ ពួកគេមានតែថ្កោលទោសភេរវកម្ម។ ដោយឡែក ពួកគេក៏ភិតភ័យចំពោះការសងសឹកណាមួយពីជនអនាមិកក្នុងប្រទេសបារាំងផងដែរ ព្រោះថាក្រោយមានភេរវកម្មប្រឆាំងសារព័ត៌មានស្ហាលី វិហារអ៊ីស្លាមជាច្រើនកន្លែងនៅបារាំង ត្រូវបានរងការវាយប្រហារ។
បកមក និយាយពីសេរីភាពនៃការបញ្ចេញមតិយោបល់វិញ យើងឃើញថា ខណៈមនុស្សម្នាក់មិនជឿសាសនាអ្វីទាំងអស់ ហើយបែរជាបញ្ចេញទស្សនៈរិះគន់ជនណាមួយក្នុងសាសនាណាមួយ បើខ្លួនមិនប្រយ័ត្ន ទស្សនៈនោះអាចនឹងដើរជ្រុលហួសរហូតប៉ះទង្គិចបំពានសាសនាដទៃបាន។ ផលវិបាកគឺគ្រោះថ្នាក់ធ្ងន់ បែបយ៉ាងការសងសឹកពីក្រុមជ្រុលនិយម ដែលមិនគោរពច្បាប់បែបយ៉ាងក្រុមភេរវជនអ៊ីស្លាមជ្រុលនិយមនេះឯង។ ក្រោយភេរវកម្មសម្លាប់បុគ្គលិកខ្លួនច្រើននាក់ សារព័ត៌ស្ហាលីអេបដូមិនបានញញើតនឹងបន្តការតស៊ូមតិយល់ឃើញខ្លួនទេ ថែមទាំងបានបោះពុម្ពលេខថ្មី មានរូបត្លុកប្រមុខសាសនាម៉ាហូមេតស្រក់ទឹកភ្នែក និងកាន់បដាសរសេរថា "ខ្ញុំជាស្ហាលី"ទៀតផង។ មនុស្សជាច្រើនបានគាំទ្រសារព័ត៌មាននិងបានទិញសារព័ត៌មានស្ហាលីយកមកអាន រហូតអស់ពីតូប។
ថ្វីបើ សារព័ត៌មានទទួលជោគជ័យពីសំណាក់អតិថិជននៅបារាំង និងនៅបរទេសក៏ដោយចុះ ក៏មានប្រទេសមួយចំនួនមិនបានស្វាគមន៍លេខថ្មីរបស់ស្ហាលីដែលមានរូបត្លុក ម៉ាហូមេតស្រក់ទឹកភ្នែកនេះដែរ។ ប្រទេសកាន់សាសនាអ៊ីស្លាមជាច្រើនបានបរិហារកាសែតស្ហាលីថា បានដៀលត្មះសាសនាអ៊ីស្លាម។ អ្នកដឹកនាំសាសនាអ៊ីស្លាមច្រើននាក់ក៏បារម្ភថារូបត្លុករបស់សារព័ត៌មាននេះ មានតែញុះញង់អោយមានការស្អប់ខ្ពើមគ្នាថែមទៀតប៉ុណ្ណោះ។
ការគិត បែបនេះក៏មិនអាចខុសនោះដែរ។ ថ្ងៃព្រហស្បតិ៍១៥មករានេះ ក្រុមតាលីបង់បានបរិហារសារព័ត៌មានស្ហាលី ថាបានធ្វើទង្វើអមនុស្សធម៌ គួរអោយខ្ពើម និងបានចាត់ទុកអ្នកគូរគំនូររូបត្លុកថា ជាសត្រូវនៃមនុស្សលោកទៀតផង។ ក្រុមតាលីបង់ថែមទាំងអំពាវនាវអោយរដ្ឋាភិបាលប្រទេសជាប់ពាក់ព័ន្ធនានា ហាមឃាត់ទង្វើរបស់កាសែតស្ហាលីទៀតផង៕
© រក្សាសិទ្ធិដោយ thmeythmey.com
