ជាតិ
សេដ្ឋកិច្ច
រយៈពេល ៤ឆ្នាំ វិស័យអចលនវត្ថុរបស់កម្ពុជាកើនឡើងជាង ២៩ភាគរយ ភ្នំពេញ៖ នៅអំឡុងឆ្នាំ២០១០ ដល់ ២០១៤កន្លងមកនេះ វិស័យសំណង់ និងអចលនវត្ថុកម្ពុជា មានការកើនឡើងចំនួន ២៨,១០ភាគរយ។ នេះបើតាមការឲ្យដឹង លោកស្រី ងួន សុខា រដ្ឋលេខា ធិការក្រសួងសេដ្ឋកិច្ច និងហិរញ្ញវត្ថុ។
ថ្លែងទៅកាន់តំណាងក្រុមហ៊ុនអចលនវត្ថុជាង ៥០នាក់ ដែលបានចូលរួមក្នុងពិធីបើកមហា សន្និបាតបូកសរុបការងារ និងផ្សព្វផ្សាយផែនការយុទ្ធសាស្ត្ររបស់សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា នៅរសៀលថ្ងៃទី៣០ មករាម្សិលមិញនេះ រដ្ឋលេខាធិការក្រសួង សេដ្ឋកិច្ច លោកស្រី ងួន សុខា បានថ្លែងថា ក្នុងអំឡុងឆ្នាំ២០១០ ដល់ ២០១៤ កម្ពុជាបានរក្សា កំណើនផលិតសសរុបក្នុងស្រុកក្នុងអត្រា ៧ភាគរយ ក្នុងនោះវិស័យសំណង់ និងអចលនវត្ថុ កើនឡើងជាង ២៨,១០ភាគរយ។
លោកស្រីបានបន្តប្រាប់ថា មូលហេតុដែលនាំឲ្យមានកំណើននេះ ដោយសារថា កម្ពុជារក្សា បាននូវស្ថិរភាពនយោបាយ និងស្ថិរភាពម៉ាក្រូសេដ្ឋកិច្ច។ លោកស្រីបានបន្ថែមថា ដើម្បីទាក់ ទាញវិនិយោគគិនបរទេសឲ្យកាន់តែច្រើននោះ ក្រសួងបាននឹងកំពុងបន្តពង្រឹងវឌ្ឍនភាពនៃ ក្របខណ្ឌច្បាប់ និងបទប្បញ្ញត្តិសម្រាប់វិស័យធុរកិច្ច និងវិស័យហិរញ្ញវត្ថុផងដែរ។
បើតាមរដ្ឋលេខាធិការខាងលើ គិតត្រឹមបំណាច់ឆ្នាំ ២០១៤កន្លងមកនេះ ក្រសួងសេដ្ឋកិច្ច និងហិរញ្ញវត្ថុបានផ្តល់អាជ្ញាប័ណ្ណឲ្យក្រុមហ៊ុនអចលនវត្ថុជាង ១៥០ក្រុមហ៊ុន ក្នុងនោះរួមមាន ក្រុមហ៊ុនសេវាកម្មវាយតម្លៃ និងភ្នាក់ងារអចលនវត្ថុមានចំនួន ៩៥ក្រុមហ៊ុន និងក្រុមហ៊ុន អភិវឌ្ឍន៍អចលនវត្ថុចំនួន ៥៦ក្រុមហ៊ុន ដែលស្មើនឹង ៨៣ គម្រោងផងដែរ៕
© រក្សាសិទ្ធិដោយ thmeythmey.com