ជាតិ
សង្គមជាតិ
សេដ្ឋកិច្ច
ពលរដ្ឋសង្កាត់អាចារ្យលាក់ មានទម្លាប់បង់ថ្លៃ «ទឹកតែ» អត្តសញ្ញាណបណ្ណរបស់ពលរដ្ឋស្រុកពួកខេត្តសៀមរាប (រូបថត៖ អគ្គស្នងកការនគរបាលជាតិ)
× កំពង់ធំ៖ នាពេលថ្មីៗនេះ ប៉ុស្តិ៍នគរបាលសង្កាត់អាចារ្យលាក់ ក្រុងស្ទឹងសែន ខេត្តកំពង់ធំ បានរៀបចំធ្វើអត្តញ្ញាណបណ្ណជូនប្រជាពលរដ្ឋ។ កិច្ចការនេះ ជាកាតព្វកិច្ចរបស់នគរបាលក្នុងសង្កាត់ស្របទៅតាមបញ្ជាថ្នាក់លើ ក្នុងការបម្រើប្រជាជន។ នៅតែមានការផ្តល់ថ្លៃសេវាក្រៅផ្លូវការ បើទោះបីក្រសួងបានកំណត់តម្លៃត្រឹមត្រូវ និងច្បាស់លាស់រួចហើយក៏ដោយ។
បើទោះជាបានដឹងច្បាស់ហើយថា ការធ្វើអត្តសញ្ញាណបណ្ណមិនតម្រូវឲ្យពលរដ្ឋបង់ថ្លៃលើសតម្លៃសេវាដែលត្រូវបានកំណត់ដោយរដ្ឋក៏ដោយ បងស្រី លី សុខារី នៅតែចំណាយប្រាក់បន្ថែមទៅជូនមន្ត្រីអត្រានុកូលដ្ឋាន។ ទំនងការប្រើប្រាស់លុយ «ទឹកតែ» ឬ «សគុណ» បានក្លាយជាវប្បធម៌ ឬទម្លាប់ដែលមិនអាចឈប់បានទៅហើយ បានជាបងស្រី សុខារី នៅអនុវត្តសកម្មភាពដែលត្រូវបានចាត់ទុកថា ខុសច្បាប់នេះទៀត។ បងស្រី បានពន្យល់ថា៖«ខ្ញុំបានឲ្យជាសគុណ ថ្លៃទឹកប៊ិចនៅតាមកន្លែងនិមួយៗ ដូចជា កន្លែងផ្តិតដៃ កន្លែងថតរូប និងកន្លែងចុះហត្ថលេខាពីមេយប៉ុស្តិ៍។ គេអត់មានបង្ខំឲ្យយើងបង់ទេ ប៉ុន្តែខ្ញុំជូនពួកគាត់»។
បងស្រី សំ ចាន់ មិនបានចំណាយប្រាក់សេវាក្រៅផ្លូវការនោះឡើយ។ បងស្រីមិនក៏បានទទួលស្គាល់ថា មន្ត្រីអត្រានុកូលដ្ឋានក៏មិនបានទាមទារលើសថ្លៃកំណត់ដែរ។ ប៉ុន្តែបងស្រីបញ្ជាក់ប្រាប់អំពីសាច់ញាតិរបស់ស្រី ដែលស្ម័គ្រចិត្តជូនប្រាក់សគុណទៅមន្ត្រី ដែលយល់ព្រមទទួលយកប្រាក់នោះដែរ។ បើតាមប្រសាសន៍របស់បងស្រី ចាន់ ប្រជាពលរដ្ឋតែងតែបានផ្តល់ថ្លៃសេវាក្រៅផ្លូវការ ថាជាថ្លៃទឹកប៊ិច ដោយសារតែមន្ត្រីជាអ្នកសរសេរបំពេញឯកសារឲ្យពួកគាត់។
មេប៉ុស្តិ៍អាចារ្យលាក់នៃក្រុងស្ទឹងសែន លោក ស៊ុន គ្រឿន បានប្រាប់អំពីការងារមធ្យ័តរបស់ក្រុមលោកលើការធ្វើអត្តសញ្ញាណបណ្ណ ដែលត្រូវមានការផ្តល់វិក្ក័យបត្រដល់ពលរដ្ឋដែលបានបង់ថ្លៃសេវា។ មេប៉ុស្តិ៍ហាក់មិនបានបដិសេធអំពីការទទួលយកប្រាក់របស់ពលរដ្ឋដែលផ្តល់ថ្លៃសេវាសគុណ ពីសំណាក់មន្ត្រីឡើយ ដោយលោកនិយាយថា «នេះគឺអាស្រ័យលើពលរដ្ឋ»។
តើវាអាស្រ័យលើទឹកចិត្តពលរដ្ឋ ឬអាស្រ័យលើការអនុវត្តច្បាប់ ?
© រក្សាសិទ្ធិដោយ thmeythmey.com