ជាតិ
សេដ្ឋកិច្ច
×![]()
ដោយ: ខន ចំប៉ា
ក្នុងរយៈពេល១ខែដើមឆ្នាំ២០១៥នេះ កម្ពុជានាំចេញអង្ករទៅកាន់ទីផ្សារអន្តរជាតិបានចំនួន៣៥,៩២១តោន កើនឡើងចំនួន១៤,៣៨៥តោន បើធៀបទៅនឹងរយៈពេលដូចគ្នាក្នុងឆ្នាំ២០១៤ ។ នេះបើយោងតាមទីភ្នាក់ងារសារព័ត៌មានជាតិAKP។
សារព័ត៌មានជាតិAKP បានដកស្រង់របាយការណ៍របស់លេខាធិការដ្ឋានច្រកចេញចូលតែមួយសម្រាប់បំពេញបែបបទនាំចេញអង្ករថាអង្ករដែលនាំចេញទាំងនោះ រួមមានអង្ករក្រអូបនាងម្លិះអង្ករក្រអូបសូមាលីអង្ករក្រអូបសរីរាង្គនិងអង្ករក្រអូបភ្លឺបានចំនួន២១,៣០១តោនអង្ករចម្រុះគ្រាប់វែងនិងអង្ករសប្រណិតបាន ចំនួន១៣,៣១២តោននិងអង្ករចំហុយគ្រាប់វែងចំនួន១,៣០៨តោន។ របាយការណ៍ដដែលបានបញ្ជាក់ទៀតថាទីផ្សារដែលកម្ពុជាបាននាំទៅរួមមានទីផ្សារសមាជិកសហគមន៍អ៊ឺរ៉ុបមានចំនួន១៦ប្រទេសសមាជិកអាស៊ានចំនួន២ប្រទេស និងបណ្តាប្រទេសផ្សេងៗទៀតចំនួន៩ប្រទេស។ចំណែកឯក្រុមហ៊ុនដែលនាំអង្ករចេញមានចំនួន៤៧ក្រុមហ៊ុន។ តាមគម្រោងរាជរដ្ឋាភិបាលកម្ពុជា នឹងសម្រេចឲ្យបាននូវការនាំចេញអង្ករឱ្យបាន១លានតោននៅក្នុងឆ្នាំ២០១៥នេះដែលនឹងផ្តល់នូវកំណើនផលទុនសរុបជាតិឲ្យកាន់តែធំថែមទៀត និងរួមផ្តល់ចំណូលកាន់តែខ្ពស់ដល់ប្រជាជនខ្មែរ។វិស័យស្រូវ អង្ករជាគន្លឹះមួយយ៉ាងសំខាន់សម្រាប់កាត់បន្ថយភាពក្រីក្រឲ្យកាន់តែលឿនថែមទៀត។ សូមបញ្ជាក់ថាកាលពីឆ្នាំ២០១៤កន្លងទៅកម្ពុជាបាននាំអង្ករចេញទៅកាន់ទីផ្សារអន្តរជាតិបានចំនួន៣៨៧,០៦១តោន៕
សារព័ត៌មានជាតិAKP បានដកស្រង់របាយការណ៍របស់លេខាធិការដ្ឋានច្រកចេញចូលតែមួយសម្រាប់បំពេញបែបបទនាំចេញអង្ករថាអង្ករដែលនាំចេញទាំងនោះ រួមមានអង្ករក្រអូបនាងម្លិះអង្ករក្រអូបសូមាលីអង្ករក្រអូបសរីរាង្គនិងអង្ករក្រអូបភ្លឺបានចំនួន២១,៣០១តោនអង្ករចម្រុះគ្រាប់វែងនិងអង្ករសប្រណិតបាន ចំនួន១៣,៣១២តោននិងអង្ករចំហុយគ្រាប់វែងចំនួន១,៣០៨តោន។ របាយការណ៍ដដែលបានបញ្ជាក់ទៀតថាទីផ្សារដែលកម្ពុជាបាននាំទៅរួមមានទីផ្សារសមាជិកសហគមន៍អ៊ឺរ៉ុបមានចំនួន១៦ប្រទេសសមាជិកអាស៊ានចំនួន២ប្រទេស និងបណ្តាប្រទេសផ្សេងៗទៀតចំនួន៩ប្រទេស។ចំណែកឯក្រុមហ៊ុនដែលនាំអង្ករចេញមានចំនួន៤៧ក្រុមហ៊ុន។ តាមគម្រោងរាជរដ្ឋាភិបាលកម្ពុជា នឹងសម្រេចឲ្យបាននូវការនាំចេញអង្ករឱ្យបាន១លានតោននៅក្នុងឆ្នាំ២០១៥នេះដែលនឹងផ្តល់នូវកំណើនផលទុនសរុបជាតិឲ្យកាន់តែធំថែមទៀត និងរួមផ្តល់ចំណូលកាន់តែខ្ពស់ដល់ប្រជាជនខ្មែរ។វិស័យស្រូវ អង្ករជាគន្លឹះមួយយ៉ាងសំខាន់សម្រាប់កាត់បន្ថយភាពក្រីក្រឲ្យកាន់តែលឿនថែមទៀត។ សូមបញ្ជាក់ថាកាលពីឆ្នាំ២០១៤កន្លងទៅកម្ពុជាបាននាំអង្ករចេញទៅកាន់ទីផ្សារអន្តរជាតិបានចំនួន៣៨៧,០៦១តោន៕
© រក្សាសិទ្ធិដោយ thmeythmey.com
