ជាតិ
សង្គមជាតិ
×![]()
ដោយ: លីម តុលា
ភ្នំពេញ៖ លោក ខៀវ កញ្ញារីទ្ធ រដ្ឋមន្ត្រីក្រសួងព័ត៌មានបាននិយាយថា សេចក្តីព្រាងច្បាប់ស្តីពីសិទ្ធិទទួលព័ត៌មានដែលកំពុងតាក់តែងនឹងមានវិសាលភាពធំជាងច្បាប់មួយចំនួនផ្សេងទៀត។ ការធ្វើអត្ថាធិប្បាយរបស់លោករដ្ឋមន្ត្រីកាលពីថ្ងៃចន្ទកន្លងមកនៅក្នុងកិច្ចប្រជុំក្រុមការងារតាក់តែងសេចក្តីព្រាងច្បាប់ស្តីពីសិទ្ធិទទួលបានព័ត៌មាន គឺជាការឆ្លើយតបទៅនឹងក្តីកង្វល់របស់អ្នកចូលរួមមួយចំនួនដែលលើកឡើងថា សេចក្តីព្រាងច្បាប់ស្តីពីឧក្រិដ្ឋកម្មអ៊ីធឺណែត និងសេចក្តីព្រាងច្បាប់ស្តីពីការសម្ងាត់សន្តិសុខជាតិអាចរឹតត្បិត ឬប៉ះពាល់ដល់សេចក្តីព្រាងច្បាប់ស្តីពីសិទ្ធិទទួលព័ត៌មាន។
នៅក្នុងកិច្ចប្រជុំកាលពីថ្ងៃចន្ទកន្លងមកនេះ លោក ខៀវ កញ្ញារីទ្ធ រដ្ឋមន្ត្រីក្រសួងព័ត៌មាន បានបញ្ជាក់ជំហរយ៉ាងច្បាស់នៅចំពោះមុខអង្គការសង្គមស៊ីវិលក្នុងស្រុក អង្គការយូណេស្កូ និងតំណាងអង្គការសហប្រជាជាតិថា ច្បាប់នេះ(សេចក្តីព្រាងច្បាប់ស្តីសិទ្ធិទទួលព័ត៌មាន)ត្រូវតែគ្របដណ្តប់លើច្បាប់ដទៃទៀត។ លោករដ្ឋមន្ត្រីបញ្ជាក់យ៉ាងដូច្នេះ ដោយលោកចង់បញ្ជាក់ថា ច្បាប់នេះ មានវិសាលភាព និងគ្របដណ្តប់លើសេចក្តីព្រាងច្បាប់ស្តីពីឧក្រិដ្ឋកម្មអ៊ីធឺណែត និងសេចក្តីព្រាងច្បាប់ស្តីពីការសម្ងាត់សន្តិសុខជាតិ។
ការធ្វើអត្ថាធិប្បាយរបស់លោករដ្ឋមន្ត្រីកាលពីថ្ងៃចន្ទកន្លងមកនៅក្នុងកិច្ចប្រជុំក្រុមការងារតាក់តែងសេចក្តីព្រាងច្បាប់ស្តីពីសិទ្ធិទទួលបានព័ត៌មាន គឺជាការឆ្លើយតបទៅនឹងក្តីកង្វល់របស់អ្នកចូលរួមមួយចំនួនដែលលើកឡើងថា សេចក្តីព្រាងច្បាប់ស្តីពីឧក្រិដ្ឋកម្មអ៊ីធឺណែត និងសេចក្តីព្រាងច្បាប់ស្តីពីការសម្ងាត់សន្តិសុខជាតិអាចរឹតត្បិត ឬប៉ះពាល់ដល់សេចក្តីព្រាងច្បាប់ស្តីពីសិទ្ធិទទួលព័ត៌មាន។
លោករដ្ឋមន្ត្រីបញ្ជាក់ថា៖«ច្បាប់នេះធំណាស់។ ច្បាប់នេះគ្របដណ្តប់លើច្បាប់ដទៃទៀត។ ច្បាប់នេះ គឺបញ្ជាក់ពីសិទ្ធិក្នុងការបញ្ចេញមតិ និងសិទ្ធិទទួលបានព័ត៌មាន»។ តាមគម្រោងច្បាប់នេះ ត្រូវតាក់តែង និងអនុម័តអោយបានចប់សព្វគ្រប់នៅមុនការបោះឆ្នោតឆ្នាំ២០១៨ខាងមុខនេះ។ លោក កញ្ញារីទ្ធ បានបញ្ជាក់ថា លោកត្រូវការពេលវេលាយូរដើម្បីតាក់តែងច្បាប់នេះអោយច្បាស់លាស់ និងត្រូវការការចូលរួមពីគ្រប់ភាគីទាំងអស់៕
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
