អន្តរជាតិ
ការស្រាវជ្រាវ៖ មនុស្សដែលគ្មានការអប់រំ ក៏អាចមានសុភមង្គលដូចអ្នករៀនបានខ្ពស់ដែរ ![](https://image.thmeythmey.com/pictures/2015/03/28/2832015103244happeness.jpg)
×![]()
លទ្ធផលនៃការសិក្សាស្រាវជ្រាវថ្មីមួយបានរកឃើញថាឱកាសនៃការទទួលបានសុភមង្គល នៅក្នុងជីវិត គឺមានដូចគ្នាទាំងអ្នកដែលបានទៅនៅមហាវិទ្យាល័យឬមនុស្សដែលមិនធ្លាប់បានទទួលកម្រិតនៃការអប់រំណាមួយនោះ។ នេះបើយោងតាមការសិក្សាស្រាវជ្រាវសុខភាពផ្លូវចិត្តថ្មីមួយដែលចេញផ្សាយដោយទស្សនាវដ្តីចិត្តសាស្ត្រBritish Journal of Psychiatryនៅចក្រភពអង់គ្លេស។
បើតាមសេចក្តីប្រកាសព័ត៌មានរបស់ក្រុមអ្នកស្រាវជ្រាវ មកពីសាលាវេជ្ជសាស្ត្រ Warwick បានបញ្ជាក់ថា គ្មានភាពជាប់ពាក់ព័ន្ធគ្នានោះទេ រវាងកម្រិតនៃការអប់រំនិងសុភមង្គលផ្ទាល់ខ្លួនរបស់មនុស្ស។
លោកស្រីSarah Stewart-Brown អ្នកដឹកនាំការសិក្សានេះបាននិយាយថាការរកឃើញទាំងនេះគឺវាផ្ទុយទៅនឹងលទ្ធផលដែលបានរំពឹងថាកត្តាអប់រំមានទំនាក់ទំនងជាមួយនឹងបញ្ហាផ្លូវចិត្តរបស់មនុស្ស នៅក្នុងសង្គមសេដ្ឋកិច្ចមួយ ប៉ុន្តែអ្វីដែលពួកគេរកឃើញនោះ មិនមែនដូចអ្វីដែលគេគិតទុកនោះទេ។
ក្រុមអ្នកស្រាវជ្រាវបានទទួលទិន្នន័យពីការស្ទង់មតិសុខភាពនៅក្នុងចក្រភពអង់គ្លេសដែលត្រូវបានធ្វើឡើងទៅលើមនុស្សចំនួន ១៧ ០៣០ នាក់ក្នុងឆ្នាំ២០១០0 និងឆ្នាំ ២០១១ ។លោកស្រី Stewart-Brown បានឱ្យដឹងថាការរកឃើញរបស់គាត់នេះគឺមានន័យថាកត្តាសេដ្ឋកិច្ចសង្គមកិច្ច និងការអប់រំគ្មានឥទ្ធិពលអ្វីទៅលើគោលបំណងដែលមនុស្សធ្វើ ដើម្បីទទួលបានសុភមង្គលនោះទេ៕
© រក្សាសិទ្ធិដោយ thmeythmey.com