អន្តរជាតិ
នយោបាយអន្តរជាតិ
ISIS ហាមសមាជិកក្រុមស្លៀកខោខូវប៊យរឹបរាង ជក់បារី និងស្ដាប់ចម្រៀងក្នុងទូរសព្ទ
×![]()
ក្រុមភេរវកម្មរដ្ឋអ៊ីស្លាម ដែលគេស្គាល់ថា ក្រុម ISISនោះ បានចេញច្បាប់ថ្មីមួយនៅក្នុងបន្ទាយរបស់ពួកRaqqaដើម្បីហាមឃាត់យុវជនដែលជាសមាជិករបស់ក្រុមខ្លួន មិនឲ្យស្លៀកខោខូវប៊យរឹបរាងជក់បារីនិងដាក់កាស់ស្ដាប់ចម្រៀងនៅលើទូរសព្ទដៃជាដើម។ នេះបើយោងតាមកាសែត new york post ។
កាសែតបានរាយការថា បណ្ដាញអ្នកផ្ដល់ព័ត៌មានក្នុងទីក្រុងស៊ីរី បានឲ្យដឹងថា ក្រុម ISIS ចាប់ផ្ដើមយុទ្ធនាការហាមឃាត់នេះទៅលើក្រុម Raqqaដែលជាពួកសកម្មប្រយុទ្ធសម្លាប់មនុស្សដោយសម្ងាត់ទាំងអស់។ ច្បាប់ថ្មីនេះគឺនឹងផ្ដន្ទាទោសដាក់ពន្ធនាគាររយៈពេលម្ដង១០ថ្ងៃប្រសិនបើពួកគេមិនព្រមគោរពតាមច្បាប់ថ្មីនេះ។
បើតាមច្បាប់ថ្មីនេះ ក្នុងពេលស្ថិតនៅជាប់ឃុំក្នុងពន្ធនាគារ ពួកគេត្រូវបង្ខំឱ្យទទួលការរៀនសូត្រពីច្បាប់របស់សាសនាអ៊ីស្លាមហើយនៅពេលដែលពួកគេជាប់គុកគ្រប់ចំនួនថ្ងៃហើយនោះ ពួកគេត្រូវតែឆ្លងកាត់ការប្រឡង ដើម្បីវាយតម្លៃពីអ្វីដែលពួកគេបានរៀន។ ចំពោះអ្នកដែលបានប្រឡងជាប់ នោះពួកគេនឹងត្រូវបានដោះលែងភ្លាមចំណែកឯអ្នកដែលប្រឡងធ្លាក់ ត្រូវបង់ប្រាក់ពិន័យនិងបន្តនៅជាប់ក្នុងពន្ធនាគាររហូតដល់ពួកគេប្រឡងជាប់។
ក្រុមឃាតករសម្ងាត់ Raqqaបានរាយការណ៍ថាបម្រាមថ្មីនិងការដាក់ទោសនេះ ត្រូវបានគេអនុវត្តនៅក្នុងរយៈពេលប៉ុន្មានថ្ងៃកន្លងទៅនេះហើយច្បាប់ថ្មីនេះក៏នឹងត្រូវអនុវត្តផងដែរ ទៅលើអ្នកមកអធិដ្ឋានក្នុងវិហារអ៊ីស្លាមយឺតយ៉ាវ៕
© រក្សាសិទ្ធិដោយ thmeythmey.com
