អន្តរជាតិ
រដ្ឋអាជ្ញាកូរ៉េសុំឲ្យកាត់ទោសប្រហារជីវិតអ្នកបើកនាវាលិចព្រោះឆ្វេសប្រហែស ![](https://image.thmeythmey.com/pictures/2015/04/09/south-korea-ship-sink_ster.jpg)
×![]()
រដ្ឋអាជ្ញាកូរ៉េខាងត្បូងបានទទូចស្នើសុំឲ្យតុលារការឧទ្ធរណ៍កាត់ទោសប្រហារជិវិតអ្នកទោសដែលជាអ្នកបើកនាវាលិចកាលពីឆ្នាំមុនដែលបានបណ្តាលអោយនិស្សិតនិងអ្នកដំណើរសរុបជាង៤០០នាក់បានស្លាប់និងបាត់ខ្លួនផង។
លោក មុំ ពិទួរ្យ លម្អិតព័ត៌មាននេះ
ម្សិលមិញនេះ រដ្ឋអាជ្ញាកូរ៉េខាងត្បូងបានទទួចស្នើសុំទៅកាន់តុលាការឧទ្ធរណ៍សារជាថ្មីដើម្បីសម្រេចកាត់ទោសប្រហារជិវិតអ្នកទោសដែលជាអ្នកបើកនាវាលិចកាលពីឆ្នាំមុនដែលបណ្តាលឲ្យជនរងគ្រោះ៤៧៦នាក់ដែលភាគច្រើនជាសិស្សនិស្សិតបានស្លាប់និងបាត់ខ្លួន។
នៅក្នុងឆ្នាំ២០១៤ក្រោយពីការកើតហេតុតុលាការកូរ៉េខាងត្បូងបានសម្រេចកាត់ទោសលោកLee Jun-Seokនិងជំនួយការរបស់លោកទាំង១៤នាក់ដែលបានរួចផុតពីការសា្លប់ឲ្យជាប់ពន្ធធនាគាររយៈពេលពី៥ឆ្នាំទៅ៣៦ឆ្នាំដោយយោងតាមការទទួលខុសត្រូវរបស់ពួកគេពីបទឃាតកម្មដោយការធ្វេសប្រហែស។
យ៉ាងណាមិញសេចក្តីសម្រេចនេះមិនបានឆ្លើយតបនឹងការទាមទាររបស់រដ្ឋអាជ្ញានិងទោសកំហុសដែលនាវិកបានប្រព្រឹត្តឡើយ។ ជាមួយគ្នានេះរដ្ឋអាជ្ញាបានទទួចសារជាថ្មីម្តងទៀតទៅកាន់តុលាការឧទ្ធរណ៍និងតុលាការកំពូលធ្វើការពិចារណាឡើងវិញលើបទល្មើសនិងទោសដែលបានធ្វើកន្លងមក។ ក្នុងនោះលោកបានបញ្ជាក់ថានាវិកលីជុនស៊ុកគួរតែត្រូវបានកាត់ទោសប្រហារជីវិត ព្រោះតែការគេចខ្លួនពីការសង្គ្រោះជនរងគ្រោះទាំងអស់។
មានមតិរិះគន់ជាច្រើនចាត់ទុកថាជាការបង្កឡើងដោយសកម្មភាពមនុស្សពោលគឺជាភាពអសមត្ថភាពក្នុងការគ្រប់គ្រងរបស់នាវិកនិងភាពធូររលុងក្នុងការចេញបទបញ្ជារបស់រដ្ឋាភិបាលផងដែរ។
ទាក់ទិននឹងឧបទ្ទវហេតុនេះដែរ រដ្ឋាភិបាលបានសម្រេចចេញ នូវដំណោះស្រាយលើកដំបូង ជូនក្រុមគ្រួសារជនរងគ្រោះទាំងអស់ ដែលសំណងនោះនឹងត្រូវ ផ្តល់ឲ្យដោយយោងតាមអាយុរបស់ជនរងគ្រោះម្នាក់។ ជាមួយគ្នាដែរ សម្រាប់ជនរងគ្រោះ ដែលជាគ្រូទាំង១១នាក់ នឹងត្រូវទទួលបានសំណងក្នុង១នាក់ ប្រមាណ ៧០ម៉ឺនដុល្លាសហរដ្ឋអាមេរិក។ រីឯ ជនរងគ្រោះដែលជានិស្សិត នឹងត្រូវទទួលបាន ៣៨ម៉ឺនដុល្លារក្នុងម្នាក់។
យ៉ាងណាក៏ដោយ សំណងនេះមិនបានធ្វើឲ្យក្រុមគ្រួសារជនរងគ្រោះស្ងប់ចិត្តនោះទេ។ ផ្ទុយ ទៅវិញ ពួកគេបានប្រឆាំងទៅលើសេចក្តីប្រកាសនោះ ហើយចោទប្រកាន់រដ្ឋាភិបាល ថាកំពុងតែព្យាយាមបង្វែររឿង ដែលក្រុមគ្រួសារជនរងគ្រោះបានទាមទារឲ្យការស៊ើបអង្កេត ដោយឯករាជ្យ និង ត្រឹមត្រូវ ដើម្បីរកមូលហេតុពិតប្រាកដនៃឧបទ្ទវហេតុនោះ៕
© រក្សាសិទ្ធិដោយ thmeythmey.com