អន្តរជាតិ
នយោបាយអន្តរជាតិ
ម៉ាឡេស៊ី៖ ភេរវជននឹងត្រូវជាប់ទោសពន្ធនាគារដោយមិនឆ្លងតុលាការ ![](https://image.thmeythmey.com/pictures/2015/04/09/942015152348malaysia.jpg)
×![]()
សភាម៉ាឡេស៊ីបានអនុម័តសេចក្តី្ពព្រាងច្បាប់ប្រឆាំងទៅនឹងអំពើភេរវកម្មជាប្រវត្តិសាស្ត្ររបស់ម៉ាឡេស៊ី។យ៉ាងណាមិញច្បាប់នេះមិនមានការសាទរពីសំណាក់សង្គមស៊ីវិលនិងបណ្តាអ្នកច្បាប់មួយចំនួននោះទេព្រោះវាបានដាក់បញ្ចូលនូវបញ្ញត្តិមួយចំនួនដែលបំពានទៅនឹងសិទ្ធិមនុស្សនិងអំណាចតុលាការ។
ក្រោយពីបញ្ចប់នូវការជជែកយ៉ាងតឹងសរសៃកដាក់គ្នាអស់រយៈពេលជិត១២ម៉ោងសភាបានម៉ាឡេស៊ីបានសម្រេចអនុម័តលើសេចក្តីព្រាងច្បាប់ប្រឆាំងទៅនឹងអំពើភេរវកម្មទោះបីជាច្បាប់នេះត្រូវបានទទួលរងនូវការរិះគន់ពីសំណាក់សង្គមស៊ីវិលយ៉ាងណាក៏ដោយ។
ការកើនឡើងនៃចលនាផ្តាច់ខ្លួនរបស់ក្រុមភេវវករបានក្លាយជាបញ្ហាក្តៅក្នុងការគំរាមកំហែងដល់សន្តិសុខ និងសណ្តាប់ធ្នាប់របស់ម៉ាឡេស៊ី។ក្នុងនោះដើម្បីទប់ស្កាត់អំពើភេរវកម្មនេះរដ្ឋាភិបាលម៉ាឡេស៊ីបានធ្វើសេចក្តីព្រាងច្បាប់ស្តីការការពារនិងប្រឆាំងអំពើភេរវកម្មហើយបានលើកយកទៅពិភាក្សានៅក្នុងសភាតាំងពីសបា្តហ៍មុនមកម្ល៉េះ។ក៏ប៉ុន្តែសេចក្តីព្រាងច្បាប់នេះមិនត្រូវបានអនុម័តភា្លមៗនោះទេព្រោះមានចំនុចចម្រូងចម្រាស់ជាច្រើនដែលត្រូវពិភាក្សាបន្ថែមមុននឹងអនុម័ត។
យ៉ាងណាក៏ដោយក្រោយពីការពិភាក្សាមិនឈប់រយៈពេល១២ម៉ោងព្រមជាមួយនឹងការពន្យល់បកស្រាយដោយភាគីរដ្ឋាភិបាលដែលដឹកនាំដោយលោកនាយករដ្ឋមន្ត្រីណាជិបរ៉ាហ្សាក់ សភាម៉ាឡេស៊ីបានសម្រេចអនុម័តសេចក្តីព្រាងច្បាប់នេះដោយជោគជ័យ។
ទាក់ទិននឹងច្បាប់នេះដែរសង្គមស៊ីវិលបានរិះគន់យ៉ាងខ្លាំងទៅលើបទបញ្ញត្តិមួយចំនួនដែលបានផ្តល់អាទិភាពដល់រដ្ឋាភិបាលក្នុងការចាប់ខ្លួនជនសង្ស័យដោយមិនចាំបាច់មានដីការបស់តុលាការហើយមិនបានទុកលទ្ធភាពដល់ជននោះដើម្បីតស៊ូតាមផ្លូវតុលាការ។ជាមួយគ្នានេះដែរក្រុមប្រឹក្សាច្បាប់ម៉ាឡេស៊ីក៏បានចាត់ទុកច្បាប់នេះថាជាការបំពានទៅនឹងធម្មជាតិនៃច្បាប់ព្រោះដោយយោងតាមបទបញ្ញត្តិនោះ អ្នកដែលប្រព្រឹត្តសកម្មភាពទាក់ទងនឹងភេរវកម្មត្រូវជាប់ទោសពន្ធធនាគារយៈពេល២ឆ្នាំ ដោយពុំចាំបាច់ឆ្លងកាត់នីតិវិធីតុលាការនោះទេ។
ទោះបីជាសកម្មភាពនយោបាយនិងសាសនាមិនត្រូវបានបញ្ចូលនៅក្នុងច្បាប់នេះក៏ដោយសភាបក្សប្រឆាំងក៏បានសម្តែងការព្រួយបារម្ភដោយខ្លាចក្រែងរដ្ឋាភិបាលនឹងយកច្បាប់នេះដើម្បីប្រឆាំងនឹងពួកគេផងដែរ។
គួររម្លឹកផងដែរនៅក្នុងរយៈពេលចុងក្រោយនេះម៉ាឡេស៊ីទទួលរងនូវការកំរាមកំហែងពីក្រុមភេវករតាមរយៈការបំផ្ទុះគ្រាប់បែកជាពិសេសនោះនៅក្នុងរាជធានីកូឡាឡាំពួរតែម្តង។ហើយអ្វីដែលគួរកត់សម្គាល់នោះនៅថ្ងៃដែលសភាបានអនុម័តលើសេចក្តីព្រាងច្បាប់មានជនសង្ស័យមួយក្រុមបានព្យាយាមសំរុកចូលទីស្នាក់ប៉ូលីសនិងទាហានដែលនៅខាងក្រៅនៃវិមានរដ្ឋសភាម៉ាឡេស៊ីដើម្បីប្រឆាំងទៅនឹងការអនុម័តច្បាប់នេះផងដែរ៕
© រក្សាសិទ្ធិដោយ thmeythmey.com