Brickfields៖ កូនប្រទេសឥណ្ឌាក្នុងទីក្រុង គូឡា ឡាំពួរ

អន្តរជាតិ

Brickfields៖ កូនប្រទេសឥណ្ឌាក្នុងទីក្រុង គូឡា ឡាំពួរ

11, Apr 2015 , 8:21 am

រូបភាព

Thosai អាហារពេលព្រឹករបស់ជនជាតិឥណ្ឌាដ៏ពេញនិយម

ដោយ: វិច្ឆិកា

គូឡាឡាំពួរ៖ Brickfields គឺជាតំបន់ទេសចរណ៍ដ៏មានសក្តានុពលមួយដែលស្ថិតនៅជាយទីក្រុងគូឡាឡាំពួរនៃប្រទេសម៉ាឡេស៊ី។ Brickfields ត្រូវបានជនជាតិម៉ាឡេស៊ី និងអ្នកទេសចរដែលស្គាល់ប្រទេសម៉ាឡេស៊ី ហៅថាជាកូនប្រទេសឥណ្ឌានៅក្នុងគូឡាឡាំពួរ។ ពួកគេហៅ Brickfields ថាជាកូនប្រទេសឥណ្ឌា ដោយសារតែនៅក្នុងតំបន់នោះមានជនជាតិម៉ាឡេស៊ីដើមកំណើតឥណ្ឌារស់នៅច្រើន ហើយក៏មានជំនួញរបស់ក្រុមហ៊ុនឥណ្ឌាច្រើនដែរ។ ម្យ៉ាងវិញទៀត ក្នុងតំបន់នោះនិយាយជារួម និងនៅតាមហាងរបស់ជនជាតិឥណ្ឌាជាច្រើននិយាយដោយឡែក ក៏មានពលករឥណ្ឌាជាច្រើនកំពុងធ្វើការដែរ ដែលជាហេតុធ្វើឲ្យតំបន់នោះ ហាក់ជាប្រទេសឥណ្ឌាមួយអ៊ីចឹង។

បើទោះជាមានអគារពាណិជ្ជកម្ម និងអគារការិយាល័យធំៗ ខ្ពស់ដូចក្នុងទីក្រុងទំនើបមែន ប៉ុន្តែនៅតាមផ្លូវ ឬនៅតាមផ្ទះល្វែងអមសងខាងផ្លូវ គឺជាហាងអាហារ ហាងលក់វត្ថុអនុស្សាវរីយ៍ ហាងលក់សម្ភារៈប្រើប្រាស់ ហាងអេឡិចត្រូនិក ដែលមានដាក់ស្លាក ប៉ាណូជាអក្សរឥណ្ឌា ជារូបភាពនានាដែលគេអាចសម្គាល់បានថា ជាសហគមន៍ឥណ្ឌា។ នៅតំបន់នោះក៏មិនស្ងាត់ដែរ ស្ទើរតែគ្រប់ហាង សុទ្ធតែចាក់ភ្លេង និងចម្រៀងឥណ្ឌាលាន់ឮរំពង ប្រណាំងជាមួយនឹងសំឡេងយានយន្តតូចធំលើទ្រូងផ្លូវ។

នៅក្នុងឱកាសនៃការរៀបចំព្រឹត្តិការណ៍អន្តរជាតិ Mega Meet 2015 របស់ក្រសួងទេសចរណ៍ម៉ាឡេស៊ី (Tourism Malaysia) អ្នកកាសែត និងក្រុមហ៊ុនភ្នាក់ងារទេសចរណ៍មកពី៣៩ប្រទេសត្រូវបានអញ្ជើញឲ្យចូលរួម ដើម្បីកម្សាន្តនៅតាមរមណីយដ្ឋានទេសចរណ៍របស់ប្រទេសម៉ាឡេស៊ី។

អ្នកកាសែតមួយក្រុមមកពីប្រទេសកម្ពុជា ប្រ៊ុយណេ ឡាវ អារ៉ាប់ អេមីរ៉ាត ត្រូវបាននាំទៅទស្សនកិច្ចតំបន់ Brickfields ឬប្រទេសឥណ្ឌាក្នុងទីក្រុងគូឡាឡាំពួរនេះ ដើម្បីភ្លក់អាហារឥណ្ឌា ដ៏ពេញនិយមដែលគេលក់តាមផ្លូវក្នុងតំបន់នេះ។

Thosai គឺជាប្រភេទអាហារឥណ្ឌាដែលគេបរិភោគពេលព្រឹកដ៏ពេញនិយម។ វាជាប្រភេទនំក្រែបយ៉ាងវែង ដែលចម្អិនពីអង្ករ ហើយត្រូវបរិភោគសម្លរការី និងទឹកជ្រលក់ដែលមានរសជាតិហិរ២ ឬ៣មុខទៀត។

នំផ្អែម ភេសជ្ជៈ ម្ហូបបួស និងអាហារជាច្រើនទៀតត្រូវបានដាក់លក់នៅតាមហាងអាហារនៃផ្ទះល្វែងជាប់ៗគ្នាយ៉ាងវែង៕

តើ «និង, នឹង, ហ្នឹង» មានន័យខុសគ្នាយ៉ាងដូចម្តេច?

2 ថ្ងៃ

«សោភណ»,«សោភ័ណ្ឌ»,«សោភ័ន»និង«សោភ័ណ»ពាក្យណាត្រឹមត្រូវ?

1 ថ្ងៃ

តើពាក្យ «សូម, សុំ» មានន័យខុសគ្នាយ៉ាងដូចម្តេច?

9 ម៉ោង

តើពាក្យ «បរិបូរ, បរិបូណ៌ និង បរិបូរណ៍» មានអត្ថន័យខុសគ្នាឬដូចគ្នា?

3 ថ្ងៃ

ត្រូវសរសេរ«ស័ក្តិសម»និង«ស័ក្តិសិទ្ធិ» វិញទើបត្រឹមត្រូវ

4 ថ្ងៃ

អត្ថបទពេញនិយមបន្ថែម