ជាតិ
នយោបាយជាតិ
CPP និងCNRP ព្រមព្រៀងគ្នាឈប់ប្រើពាក្យ «អាក្បត់ជាតិ សង្គ្រាមនឹងកើតឡើង.......!»
×![]()
ដោយ: ថ្មីៗ
គណបក្សប្រជាជនកម្ពុជា និងគណបក្សសង្គ្រោះជាតិ បានចេញសេចក្តីថ្លែងការណ៍រួមគ្នា ប្តេជ្ញាអនុវត្តវប្បធម៌សន្ទនាគ្នាឲ្យមានប្រសិទ្ធភាព ។ សេចក្តីថ្លែងការណ៍ដែលចុះហត្ថលេខាដោយ លោក ហ៊ុន សែន និងលោក សម រង្ស៊ី នៅថ្ងៃទី ៨ ខែឧសភា នេះ បានកំណត់នូវខ្លឹមសារសំខាន់ៗចំនួន ៧ ចំណុច ដើម្បីឲ្យគណបក្សទាំងពីរអនុវត្ត និងចំណុចដែលបក្សទាំងពីរមិនត្រូវអនុវត្ត ។ ខ្លឹមសារសំខាន់ក្នុងសេចក្តីថ្លែងការណ៍ទាំង ៧ ចំណុច មានដូួចជា ៖
ទី ១ ស្មោះត្រង់ជាមួយគ្នា ដើម្បីយកវប្បធម៌សន្ទនា ធ្វើជាមូលដ្ឋានក្នុងការពិភាក្សា ដោះស្រាយបញ្ហាដោយសន្តិវិធី នូវរាល់បញ្ហាជាតិ និងសង្គម ដែលភាគីទាំងពីរនូវមិនទាន់មានទស្សនៈស្របគ្នា ។
ទី ២ គោរព និងឲ្យតម្លៃគ្នាទៅវិញទៅមក។
ទី ៣ ចៀសវាងឲ្យខាងតែបាននូវការញុះញង់ ការលាបពណ៌ ការប្រើពាក្យអសុរោះ និងការជេរប្រមាថគ្នា ដូចជាការប្រើពាក្យ « អាក្បាលយួន ខ្លួនខ្មែរ ពួកអាកុម្មុយនីស្តផ្តាច់ការ អាយ៉ងយួន អាក្បត់ជាតិ អាលក់ជាតិ អាមេចោរ អាកូនចោរ » ។
ទី ៤ ចៀសវាងការគំរាមកំហែង និងការបំភិតបំភ័យតាមគ្រប់រូបភាព ដូចជាការប្រើពាក្យ «ចាប់ដាក់គុក សង្រ្គាមនឹងកើតឡើង» ។
ទី ៥ លុបបំបាត់ចោលនូវគំនិតនៃការគុំកួន សងសឹកគ្នា បានសេចក្តីថា ត្រូវបញ្ចប់នូវនយោបាយ «ទឹកឡើងត្រីស៊ីស្រមោច ទឹកហោចស្រមោចស៊ីត្រី» ។
ទី ៦ លុបបំបាត់ចោលនូវនយោបាយប្រកាន់ពូជសាសន៍ និងនយោបាយជ្រុលនិយម ។
ទី ៧ អប់រំណែនាំដល់មន្រ្តីគណបក្ស សមាជិក សមាជិការ និងអ្នកគាំទ្រ គណបក្សរៀងៗខ្លួន ចាប់តាំងពីថ្នាក់ជាតិរហូតដល់ថ្នាក់មូលដ្ឋាន ឲ្យអនុវត្តនូវខ្លឹមសារខាងលើចាប់ពីពេលនេះតទៅ ។
តែយ៉ាងណាការអនុវត្តវប្បធម៌សន្ទនាគ្នានេះ គណបក្សទាំងពីរ នៅតែរក្សាការប្រើប្រាស់យន្តការប្រជាធិបតេយ្យ តាមតួនាទី និងភារកិច្ចរៀងៗខ្លួន ដោយមានទាំងការរិះគន់ តាមរបៀបថ្លៃថ្នូរ ចំពោះភាពអសកម្ម និងភាពអវិជ្ជមាន ក្នុងន័យ និងក្នុងបំណងស្ថាបនា ធ្វើជាកញ្ចក់ ដើម្បីកែលម្អស្ថាប័នរដ្ឋ និងនយោបាយរបស់រាជរដ្ឋាភិបាល សម្រាប់អភិវឌ្ឍន៍ប្រទេសជាតិឲ្យកាន់តែប្រសើរឡើង ។ នេះបើតាមសេចក្តីថ្លែងការណ៍របស់គណបក្សប្រជាជនកម្ពុជា និងគណបក្សសង្គ្រោះជាតិ ខាងលើ ៕
ទី ១ ស្មោះត្រង់ជាមួយគ្នា ដើម្បីយកវប្បធម៌សន្ទនា ធ្វើជាមូលដ្ឋានក្នុងការពិភាក្សា ដោះស្រាយបញ្ហាដោយសន្តិវិធី នូវរាល់បញ្ហាជាតិ និងសង្គម ដែលភាគីទាំងពីរនូវមិនទាន់មានទស្សនៈស្របគ្នា ។
ទី ២ គោរព និងឲ្យតម្លៃគ្នាទៅវិញទៅមក។
ទី ៣ ចៀសវាងឲ្យខាងតែបាននូវការញុះញង់ ការលាបពណ៌ ការប្រើពាក្យអសុរោះ និងការជេរប្រមាថគ្នា ដូចជាការប្រើពាក្យ « អាក្បាលយួន ខ្លួនខ្មែរ ពួកអាកុម្មុយនីស្តផ្តាច់ការ អាយ៉ងយួន អាក្បត់ជាតិ អាលក់ជាតិ អាមេចោរ អាកូនចោរ » ។
ទី ៤ ចៀសវាងការគំរាមកំហែង និងការបំភិតបំភ័យតាមគ្រប់រូបភាព ដូចជាការប្រើពាក្យ «ចាប់ដាក់គុក សង្រ្គាមនឹងកើតឡើង» ។
ទី ៥ លុបបំបាត់ចោលនូវគំនិតនៃការគុំកួន សងសឹកគ្នា បានសេចក្តីថា ត្រូវបញ្ចប់នូវនយោបាយ «ទឹកឡើងត្រីស៊ីស្រមោច ទឹកហោចស្រមោចស៊ីត្រី» ។
ទី ៦ លុបបំបាត់ចោលនូវនយោបាយប្រកាន់ពូជសាសន៍ និងនយោបាយជ្រុលនិយម ។
ទី ៧ អប់រំណែនាំដល់មន្រ្តីគណបក្ស សមាជិក សមាជិការ និងអ្នកគាំទ្រ គណបក្សរៀងៗខ្លួន ចាប់តាំងពីថ្នាក់ជាតិរហូតដល់ថ្នាក់មូលដ្ឋាន ឲ្យអនុវត្តនូវខ្លឹមសារខាងលើចាប់ពីពេលនេះតទៅ ។
តែយ៉ាងណាការអនុវត្តវប្បធម៌សន្ទនាគ្នានេះ គណបក្សទាំងពីរ នៅតែរក្សាការប្រើប្រាស់យន្តការប្រជាធិបតេយ្យ តាមតួនាទី និងភារកិច្ចរៀងៗខ្លួន ដោយមានទាំងការរិះគន់ តាមរបៀបថ្លៃថ្នូរ ចំពោះភាពអសកម្ម និងភាពអវិជ្ជមាន ក្នុងន័យ និងក្នុងបំណងស្ថាបនា ធ្វើជាកញ្ចក់ ដើម្បីកែលម្អស្ថាប័នរដ្ឋ និងនយោបាយរបស់រាជរដ្ឋាភិបាល សម្រាប់អភិវឌ្ឍន៍ប្រទេសជាតិឲ្យកាន់តែប្រសើរឡើង ។ នេះបើតាមសេចក្តីថ្លែងការណ៍របស់គណបក្សប្រជាជនកម្ពុជា និងគណបក្សសង្គ្រោះជាតិ ខាងលើ ៕
© រក្សាសិទ្ធិដោយ thmeythmey.com
