ជាតិ
សង្គមជាតិ
មន្ត្រីជាន់ខ្ពស់ប៉ូលីសព្រមានអាជ្ញាធរដែលជាអ្នកសមគំនិតជាមួយអ្នកនាំចូលផលិតផលកែ្លងក្លាយ
×![]()
ដោយ: ថ្មីៗ
ភ្នំពេញ៖ រដ្ឋលេខាធិការក្រសួងមហាផ្ទៃលោក ឯម សំអាន បាននិយាយថា អាជ្ញាធរនឹងធ្វើការដាក់ពិន័យ ឬដាក់ទោសទៅតាមផ្លូវច្បាប់ជាដាច់ខាត ប្រសិនបើអាជ្ញាធរមានសមត្ថកិច្ចបណ្តែតបណ្តោយ និងចូលរួមសមគំនិតបំបាត់ភ័ស្តុតាង ព្រមទាំងបន្ធូបន្ថយការដាក់បន្ទុកទៅលើជនល្មើសដែលជាអ្នកចែកចាយផលិតផលក្លែងក្លាយនៅទីផ្សាកម្ពុជា។
យោងតាមការផ្សាយរបស់អគ្គស្នងការនគរបាលជាតិ លោក ឯម សំអាន បានដាក់បញ្ជារឲ្យ មន្ត្រីមានសមត្ថកិច្ចត្រូវធានាបានថា រាល់ភ័ស្តុតាង និងផលិតផលដែលចុះបង្ក្រាបនោះគឺជាផលិតផលក្លែងក្លាយពិតប្រាកដ។
លើសពីនេះ មន្ត្រីជាន់ខ្ពស់រូបនេះ បញ្ជាក់ជាដាច់ខាត ចំពោះការសម្របសម្រួលក្រៅប្រព័ន្ធ ច្បាប់ទាំងឡាយ ដើម្បីជាថ្នូរនឹងការដោះលែងឲ្យរួចខ្លួន។ «ត្រូវជៀសវាងដាច់ខាតលើការសម្របសម្រួលក្រៅប្រព័ន្ធណាមួយ ដែលធ្វើឲ្យជនល្មើសរួចផុតពីសំណាញច្បាប់ ហើយរាល់ប្រតិបត្តិការចុះបង្ក្រាប បង្ការផលិតផលក្លែងក្លាយត្រូវធ្វើការគោរពវិន័យ សីលធម៌ និងការទទួលខុសត្រូវខ្ពស់ទៅនឹងភារកិច្ចរបស់ខ្លួន»។ នេះបើតាមការបញ្ជាក់របស់លោក ឯម សំអាន ក្នុងពិធីប្រកាសផ្ទេរភារកិច្ច និងតែងតាំងមន្ត្រី នៅរសៀលថ្ងៃទី៨ ម្សិលមិញ៕
© រក្សាសិទ្ធិដោយ thmeythmey.com
