កូនភ្លោះមួយគូនៅសហរដ្ឋអាមេរិកមានកំណើតពីឪពុកពីរនាក់ខុសគ្នា

សង្គមអន្តរជាតិ

អន្តរជាតិ

កូនភ្លោះមួយគូនៅសហរដ្ឋអាមេរិកមានកំណើតពីឪពុកពីរនាក់ខុសគ្នា

03, Jun 2015 , 5:02 pm

រូបភាព

ដោយ: ធីតា

ការបង្កកំណើតនៅពេលដែលស្ត្រីកំពុងមានផ្ទៃពោះស្រាប់ទៅហើយនោះ គឺជារឿងដែលអាចកើតមាន តែវាជាករណីដ៏កម្របំផុត។ ស្រី្តជនជាតិអាមេរិកាំងម្នាក់ទើបតែដឹងខ្លួនថា កូនភ្លោះស្រីពីរនាក់របស់នាងមានឪពុកពីរផ្សេងគ្នា។

ស្ត្រីវ័យក្មេងមិនទាន់រៀបការរូបនេះបានដាក់ពាក្យបណ្តឹងទៅតុលាការទាមទារប្រាក់អាហារកិច្ចពីបុរសម្នាក់ដែលមិនមែនជាអតីតដៃគូស្នេហ៍របស់ខ្លួន ហើយដែលជាឪពុករបស់កូននាងម្នាក់។ តុលាការនៅសហរដ្ឋអាមេរិកបានបញ្ជាឲ្យធ្វើតេស្តDNA លើកូនភ្លោះទាំងពីរដែលបានចាប់កំណើតកាលពីខែ មករា ឆ្នាំ២០១៣។ លទ្ធផលតេស្ត DNA នោះគួរឲ្យភ្ញាក់ផ្អើលណាស់ ក្មេងស្រីទាំងពីរមិនមែនកើតពីឪពុកតែម្នាក់នោះទេ។បើតាមច្បាប់ បុរសដែលស្ត្រីជាម្តាយកូនភ្លោះទាមទារថ្លៃអាហារកិច្ចនេះ ត្រូវទទួលខុសត្រូវតែចំពោះកូនរបស់ខ្លួនម្នាក់ប៉ុណ្ណោះ។

ចំពោះករណីដ៏កម្រនេះស្ត្រីជាម្តាយកូនភ្លោះបានសារភាពថានាងបានរួមភេទពីរដងក្នុងសប្តាហ៍តែមួយ ជាមួយនឹងអតីតដៃគូសេ្នហ៍របស់នាង និងជាមួយបុរសម្នាក់ទៀត។មានន័យថា នៅក្នុងអំឡុងពេលនៃវដ្តរដូវរបស់នាង ខ្លួនប្រាណនាងផលិតបានអូវ៉ុលពីរ ដែលបានជួបជាមួយស្បែរម៉ាតូសូអ៊ីតពីរផ្សេងគ្នា។

អ្នកឯកទេសផ្នែករោគស្ត្រីមួយរូបដែលត្រូវបានដកស្រង់សម្តីដោយកាសែតអាមេរិកប្រចាំថ្ងៃThe New York Timesបានហៅករណីនេះថា «ជាការបង្កកំណើតដ៏អស្ចារ្យ»។ បើតាមអ្នកឯកទេសរូបនះ លទ្ធភាពដែលកូនភ្លោះអាចមានឪពុកពីរផ្សេងគ្នានេះគឺកើតមាន១/១៣ ០០០ ប៉ុណ្ណោះ៕

តើ «និង, នឹង, ហ្នឹង» មានន័យខុសគ្នាយ៉ាងដូចម្តេច?

2 ថ្ងៃ

«សោភណ»,«សោភ័ណ្ឌ»,«សោភ័ន»និង«សោភ័ណ»ពាក្យណាត្រឹមត្រូវ?

1 ថ្ងៃ

តើពាក្យ «សូម, សុំ» មានន័យខុសគ្នាយ៉ាងដូចម្តេច?

12 ម៉ោង

តើពាក្យ «បរិបូរ, បរិបូណ៌ និង បរិបូរណ៍» មានអត្ថន័យខុសគ្នាឬដូចគ្នា?

3 ថ្ងៃ

ត្រូវសរសេរ«ស័ក្តិសម»និង«ស័ក្តិសិទ្ធិ» វិញទើបត្រឹមត្រូវ

4 ថ្ងៃ

អត្ថបទពេញនិយមបន្ថែម