អន្តរជាតិ
ស្ត្រី និងកសិករ ជាគោលដៅគណបក្សនយោបាយមីយ៉ាន់ម៉ាក្នុងពេលបោះឆ្នោតខាងមុខ
× ខណៈការបោះឆ្នោតជាសកលរបស់មីយ៉ាន់ម៉ាខិតជិតមកដល់គណបក្សតូចៗចាប់ផ្តើមបង្កើតឡើងជាបន្តបន្ទាប់ដើម្បីប្រកួតប្រជែងដណ្តើមកៅអីនៅក្នុងសភាឆ្នាំ២១០៥នេះ។ដោយឃើញប្រជាជនមីយ៉ាន់ម៉ាភាគច្រើនជាកសិករ គណបក្សថ្មីមួយត្រូវបានបង្កើតឡើងដោយរពឹងថានឹងមានការគាំទ្រពីសំណាក់ប្រជាជនច្រើនព្រោះគោលការណបក្សគេផ្តោតសំខាន់នោះគឺវិស័យកសិកម្ម។
យោងតាមការបញ្ជាក់របស់ប្រធានគណបក្សអភិវឌ្ឍកសិករមីយ៉ាន់ម៉ាលោក Kyaw Swar Soe យ៉ាងហោចណាស់មានប្រជាជនមីយ៉ា់ន់ម៉ាប្រមាណ៧០ភាគរយនៃប្រជាជនសរុប៥១លាននាក់កំពុងរស់នៅដោយអាស្រ័យលើការប្រកបមុខរបរកសិកម្ម។ តួលេខដ៏ច្រើននេះបានជំរុញឲ្យគណបក្សនយោបាយថ្មីបង្កើតគោលនយោបាយដើម្បីប្រកួតប្រជែងគណបក្សនយោបាយធំៗដើម្បីទាក់ទាញការគាំទ្រពីប្រជាជនដែលជាកសិករ។
គោលការណ៍ស្នូលដែលគណបក្សថ្មីប្រើប្រាស់ដើម្បីទាញសន្លឹកឆ្នោតនោះគឺបង្កើតឲ្យមានធនាគារមផ្តល់ប្រាក់កម្ចីដល់កសិករដើម្បីបង្កបង្កើនផលដំណាំកសិកម្មរបស់ពួកគេ។លោកKyaw Swar Soe ក៏បានលើកពីចំណុចខ្វះខាតមួយដែលអ្នកនយោបាយតែងតែធ្វើខុសពីការចង់បានរបស់ប្រជាជន។នោះគឺគណបក្សនយោបាយធំតែងតែលើកឡើងពីការលើកកម្ពស់លទ្ធិប្រជាធិបតេយ្យខណៈអ្វីដែលប្រជាជនចង់បាននោះគឺគោលនយោបាយជំរុញវិស័យកសិកម្មដើម្បីជួយឲ្យការងារបង្កបង្កើនផលរបស់គេកាន់ល្អនោះទេ។
ជុំវិញនៃការបោះឆ្នោតខាងមុខនេះដែរមានគណបក្សនយោបាយថ្មីផ្សេងច្រើនទៀត ដែលបានសម្លឹងឃើញស្ត្រីមានតួលេខច្រើនជាងគេក្នុងចំណោមចំនួនប្រជាជនសរុបជាគោលដៅសំខាន់របស់ពួកព្រោះស្ត្រីភាគច្រើនមិនត្រូវបានគេឲ្យតម្លៃនោះទេ។ដើម្បីទាញការគាំទ្រពីក្រុមនេះបក្សនយោបាយបានចេញគោលនយោបាយលើកកម្ពស់ឲ្យស្ត្រីចូលរួមក្នុងកិច្ចការនយោបាយដើម្បីអភិវឌ្ឍប្រទេស។
យ៉ាងណាក៏ដោយនេះគឺគ្រាន់តែជាការយល់ឃើញមួយផ្នែករបស់គណបក្សនយោបាយនោះទេ។ក៏ប៉ុន្តែបើយើងក្រឡេកមើលប្រជាជនទូទៅរបស់មីយ៉ាន់ម៉ានោះ គេនឹងឃើញថាក្នុងចំណោមជាតិពន្ធុ ១៣៥ក្រុមសុទ្ធតែមានតម្រូវការខុសៗគ្នាអាស្រ័យទៅតាមវប្បធម៌និងតំបន់ដែលគេរស់នៅតែប៉ុណ្ណោះ៕
© រក្សាសិទ្ធិដោយ thmeythmey.com