អន្តរជាតិ
អ៊ីស្រាអែលទម្លាក់គ្រាប់ជាថ្មីនៅកាហ្សា ក្រោយមានគ្រាប់ផ្លោងចូលអ៊ីស្រាអែល
×![]()
កងទ័ពអ៊ីស្រាអែលចាប់ផ្តើមប្រើយន្តហោះទម្លាក់គ្រាប់បែកសារជាថ្មីនៅតំបន់កាហ្សាកាកណ្តាលអធ្រាត្រម្សិលមិញ ក្រោយពេលដែលមានគ្រាប់រ៉ុកកែតពីរគ្រាប់ត្រូវបានគេបាញ់ចេញពីកាហ្សាចូលក្នុងទឹកដីអ៊ីស្រាអែល។ គេឃើញយន្តហោះអ៊ីស្រាអែល F-16 ជាច្រើនគ្រឿងហោះហើរលើតំបន់កាហ្សា ដើម្បីប្រមាញ់ក្រុមហាម៉ាស ប៉ុន្តែគេមិនដឹងថាមានមនុស្សរបួសឬស្លាប់ដោយការទម្លាក់គ្រាប់នេះឬអត់ទេ។
អាវុធចាប់ផ្តើមផ្ទុះជាថ្មីទៀតនៅក្នុងទឹកដីកាហ្សាកណ្តាលអធ្រាត្រម្សិលមិញនេះ ដោយមានការបាញ់គ្រាប់ផ្លោងចេញពីកាហ្សាចូលក្នុងទឹកដី អ៊ីស្រាអែល។ គ្រាប់ផ្លោងប្រហែល ២គ្រាប់ ត្រូវគេបាញ់ធ្លាក់ចូលក្នុងដីអ៊ីស្រាអែល ប៉ុន្មានមិនបានបំផ្លិចបំផ្លាញអ្វីទេ។ ការវាយប្រហារតបតគ្នាជាថ្មីនេះ មិនធ្លាប់មានឡើយចាប់តាំងពីមានកិច្ចព្រមព្រៀងបញ្ចប់សង្គ្រាមផ្លូវអាកាស ៥០ថ្ងៃកាលពីខែកក្កដាឆ្នាំមុន។ យ៉ាងណាក៏ដោយគ្រាន់តែមានគ្រាប់ផ្លោងបាញ់ចេញពីកាហ្សាភ្លាម កងទ័ពអ៊ីស្រាអែលចាប់ផ្តើមប្រតិបត្តិការតបតវិញភ្លាមៗ ដោយប្រើប្រាស់យន្តហោះចម្បាំងជាច្រើនគ្រឿងទម្លាក់គ្រាប់នៅកាហ្សា។
យន្តហោះ F-16 ជាច្រើនគ្រោះហោះហើរលើទឹកដីកាហ្សា ដើម្បីសងសឹកដោយតាមប្រមាញ់គោលដៅរបស់ខ្លួនគឺក្រុមហាម៉ាស។ បើតាមប្រជាជនមូលដ្ឋាន ការទម្លាក់គ្រាប់បែកនេះចាប់ផ្តើមឡើងនៅភាគខាងលិចតំបន់កាហ្សា ហើយទីតាំងយោធារបស់ក្រុមហាម៉ាសក្លាយជាគោលដៅវាយប្រហាររបស់កងទ័ពអ៊ីស្រាអែល។ ជុំវិញការទម្លាក់គ្រាប់បែករបស់កងទ័ពអាកាសអ៊ីស្រាអែលជាថ្មីនេះ កាលពីម្សិលមិញពិតជាមានការបាញ់ផ្លោងគ្រាប់ពីគ្រាប់ចេញពីកាហ្សាពិតមែន ប៉ុន្តែមិនមែនក្រុមហាម៉ាសជាអ្នកទទួលខុសត្រូវក្នុងការបាញ់គ្រាប់នេះទេ។ ក្រោយបាញ់គ្រាប់ផ្លោងចូលអ៊ីស្រាអែល ក្រុមជីហាតដែលស្ម័គ្រស្មោះចំពោះក្រុមរដ្ឋឥស្លាម Salafistបានចេញមុខទទួលខុសត្រូវចំពោះការវាយប្រហារ ហើយពួកគេបានសង្កត់ធ្ងន់ថា ពួកគេសងសឹកក្រុមជនជាតិជ្វីវ ជំនួសឲ្យប្រជាជនកាហ្សាដែលរងទុក្ខវេទនា និងស្លាប់បាត់បង់ជីវិតកាលពីឆ្នាំមុនផង។
អ្វីដែលគួរឲ្យបារម្ភក្រុមនេះបានប្តេជ្ញាថា នឹងបន្តការសងសឹងប្រជាជនជ្វីវបន្តទៀត ទោះក្នុងកាលៈទេសៈណាក៏ដោយ ដើម្បីរកយុត្តិធម៌ដល់ប្រជាជនកាហ្សា ទោះជាប្រឈមមុខនឹងបញ្ហាអ្វីក៏ដោយ។ នេះជាសារទៅកាន់អ៊ីស្រាអែល ដែលបញ្ជាក់ថា ក្រុមសកម្មប្រយុទ្ធនេះនឹងបន្តវាយប្រហារកងទ័ពនិងប្រជាជនអ៊ីស្រាអែលនៅពេលខាងមុខ។
ចំណែកកងទ័ពអ៊ីស្រាអែលបានទទួលស្គាល់ផងដែរថា កាលពីម្សិលមិញពួកគេពិតជាបានចាប់ផ្តើមទម្លាក់គ្រាប់បែកនៅកាហ្សាមែន ដើម្បីសងសឹកការបាញ់ផ្លោងចូលក្នុងទឹកដីអ៊ីស្រាអែលប៉ុណ្ណោះ។ កងទ័ពអ៊ីស្រាអែលរក្សាសិទ្ធិក្នុងការប្រើប្រាស់ការទម្លាក់គ្រាប់បែកដើម្បីប្រឆាំងការគំរាមកំហែងពីខាងក្រៅ ជាពិសេសការកើនឡើងនៃចលនាក្រុមជីហាតនិងជាក្រុមអាសាស្ម័គ្ររបស់ក្រុមរដ្ឋឥស្លាមផង៕
អាវុធចាប់ផ្តើមផ្ទុះជាថ្មីទៀតនៅក្នុងទឹកដីកាហ្សាកណ្តាលអធ្រាត្រម្សិលមិញនេះ ដោយមានការបាញ់គ្រាប់ផ្លោងចេញពីកាហ្សាចូលក្នុងទឹកដី អ៊ីស្រាអែល។ គ្រាប់ផ្លោងប្រហែល ២គ្រាប់ ត្រូវគេបាញ់ធ្លាក់ចូលក្នុងដីអ៊ីស្រាអែល ប៉ុន្មានមិនបានបំផ្លិចបំផ្លាញអ្វីទេ។ ការវាយប្រហារតបតគ្នាជាថ្មីនេះ មិនធ្លាប់មានឡើយចាប់តាំងពីមានកិច្ចព្រមព្រៀងបញ្ចប់សង្គ្រាមផ្លូវអាកាស ៥០ថ្ងៃកាលពីខែកក្កដាឆ្នាំមុន។ យ៉ាងណាក៏ដោយគ្រាន់តែមានគ្រាប់ផ្លោងបាញ់ចេញពីកាហ្សាភ្លាម កងទ័ពអ៊ីស្រាអែលចាប់ផ្តើមប្រតិបត្តិការតបតវិញភ្លាមៗ ដោយប្រើប្រាស់យន្តហោះចម្បាំងជាច្រើនគ្រឿងទម្លាក់គ្រាប់នៅកាហ្សា។
យន្តហោះ F-16 ជាច្រើនគ្រោះហោះហើរលើទឹកដីកាហ្សា ដើម្បីសងសឹកដោយតាមប្រមាញ់គោលដៅរបស់ខ្លួនគឺក្រុមហាម៉ាស។ បើតាមប្រជាជនមូលដ្ឋាន ការទម្លាក់គ្រាប់បែកនេះចាប់ផ្តើមឡើងនៅភាគខាងលិចតំបន់កាហ្សា ហើយទីតាំងយោធារបស់ក្រុមហាម៉ាសក្លាយជាគោលដៅវាយប្រហាររបស់កងទ័ពអ៊ីស្រាអែល។ ជុំវិញការទម្លាក់គ្រាប់បែករបស់កងទ័ពអាកាសអ៊ីស្រាអែលជាថ្មីនេះ កាលពីម្សិលមិញពិតជាមានការបាញ់ផ្លោងគ្រាប់ពីគ្រាប់ចេញពីកាហ្សាពិតមែន ប៉ុន្តែមិនមែនក្រុមហាម៉ាសជាអ្នកទទួលខុសត្រូវក្នុងការបាញ់គ្រាប់នេះទេ។ ក្រោយបាញ់គ្រាប់ផ្លោងចូលអ៊ីស្រាអែល ក្រុមជីហាតដែលស្ម័គ្រស្មោះចំពោះក្រុមរដ្ឋឥស្លាម Salafistបានចេញមុខទទួលខុសត្រូវចំពោះការវាយប្រហារ ហើយពួកគេបានសង្កត់ធ្ងន់ថា ពួកគេសងសឹកក្រុមជនជាតិជ្វីវ ជំនួសឲ្យប្រជាជនកាហ្សាដែលរងទុក្ខវេទនា និងស្លាប់បាត់បង់ជីវិតកាលពីឆ្នាំមុនផង។
អ្វីដែលគួរឲ្យបារម្ភក្រុមនេះបានប្តេជ្ញាថា នឹងបន្តការសងសឹងប្រជាជនជ្វីវបន្តទៀត ទោះក្នុងកាលៈទេសៈណាក៏ដោយ ដើម្បីរកយុត្តិធម៌ដល់ប្រជាជនកាហ្សា ទោះជាប្រឈមមុខនឹងបញ្ហាអ្វីក៏ដោយ។ នេះជាសារទៅកាន់អ៊ីស្រាអែល ដែលបញ្ជាក់ថា ក្រុមសកម្មប្រយុទ្ធនេះនឹងបន្តវាយប្រហារកងទ័ពនិងប្រជាជនអ៊ីស្រាអែលនៅពេលខាងមុខ។
ចំណែកកងទ័ពអ៊ីស្រាអែលបានទទួលស្គាល់ផងដែរថា កាលពីម្សិលមិញពួកគេពិតជាបានចាប់ផ្តើមទម្លាក់គ្រាប់បែកនៅកាហ្សាមែន ដើម្បីសងសឹកការបាញ់ផ្លោងចូលក្នុងទឹកដីអ៊ីស្រាអែលប៉ុណ្ណោះ។ កងទ័ពអ៊ីស្រាអែលរក្សាសិទ្ធិក្នុងការប្រើប្រាស់ការទម្លាក់គ្រាប់បែកដើម្បីប្រឆាំងការគំរាមកំហែងពីខាងក្រៅ ជាពិសេសការកើនឡើងនៃចលនាក្រុមជីហាតនិងជាក្រុមអាសាស្ម័គ្ររបស់ក្រុមរដ្ឋឥស្លាមផង៕
© រក្សាសិទ្ធិដោយ thmeythmey.com
