ក្រុមប្រទេសសម្ព័ន្ធមិត្តបាញ់កំទេចរោងចក្រផលិតរថយន្តអត្តឃាតរបស់ក្រុមជីហាតនៅអ៊ីរ៉ាក់

អន្តរជាតិ

ក្រុមប្រទេសសម្ព័ន្ធមិត្តបាញ់កំទេចរោងចក្រផលិតរថយន្តអត្តឃាតរបស់ក្រុមជីហាតនៅអ៊ីរ៉ាក់

04, Jun 2015 , 11:40 pm

រូបភាព

ដោយ: សៅ ផលនិស្ស័យ (Sao Phal Niseiy)

នៅអ៊ីរ៉ាក់ ថ្ងៃពុធម្សិលមិញ រោងចក្រផលិតរថយន្តអត្តឃាតដ៏ធំមួយរបស់ក្រុមជីហាតរដ្ឋអ៊ីស្លាម ត្រូវបានកំទេចខ្ទេចម៉ត់ ក្នុងការបាញ់ប្រហារតាមផ្លូវអាកាសពីសំណាក់ក្រុមប្រទេសសម្ព័ន្ធមិត្ត។ ការវាយប្រហារនេះបានសម្លាប់សកម្មជនជីហាតជាច្រើននាក់ តែក៏សម្លាប់ជនស៊ីវិលច្រើននាក់ដែរ។

រោងចក្រដែលខូចខ្ទេចខ្ទីនេះ ស្ថិតនៅច្រកចូលក្រុងHawijaនៅភាគឥសានក្រុងបាកដាត។ ទាហានអ៊ីរ៉ាក់ប្រាប់ថា វាទីតាំងជាសំខាន់បំផុតសម្រាប់ក្រុមជីហាត នៅអ៊ីរ៉ាក់និងស៊ីរី។ ផ្នែកបញ្ជាការដ្ឋានរបស់ប្រទេសសម្ព័ន្ធមិត្តអន្តរជាតិបានធ្វើរបាយការណ៍ប្រចាំថ្ងៃមួយ ប្រាប់ដែរថា បានវាយប្រហារទីតាំងមួយកន្លែងរបស់ក្រុមជីហាតរដ្ឋអ៊ីស្លាម នៅជិតក្រុងHawijaគឺជាទីតាំងដែលគេប្រើដើម្បីបញ្ចូលគ្រាប់បែកក្នុងរថយន្ត។ ប៉ុន្តែ គេមិនដឹងច្បាស់ថា តើវាជាទីតាំងតែមួយដូចដែលទាហានអ៊ីរ៉ាក់បានប្រាប់ខាងដើមនេះរឺយ៉ាងណាទេ។

គួរបញ្ជាក់ថា កាំម្ញ៉ុងផ្ទុកគ្រាប់បែក ដែលគេតែងហៅថា រថយន្តអត្តឃាតនោះ ត្រូវបានក្រុមជីហាតយកទៅប្រើប្រាស់កាន់តែច្រើន ដើម្បីវាយលុកនៅអ៊ីរ៉ាក់។ មធ្យោបាយមួយនេះមានប្រសិទ្ធភាពគ្រាន់បើ វាបានជួយអោយក្រុមជីហាតដណ្តើមបានក្រុងRamadi ក្នុងខែត្រAl-Anbar កាលពីថ្ងៃ១៧ឧសភាកន្លងទៅ៕

តើ «និង, នឹង, ហ្នឹង» មានន័យខុសគ្នាយ៉ាងដូចម្តេច?

2 ថ្ងៃ

«សោភណ»,«សោភ័ណ្ឌ»,«សោភ័ន»និង«សោភ័ណ»ពាក្យណាត្រឹមត្រូវ?

1 ថ្ងៃ

តើពាក្យ «សូម, សុំ» មានន័យខុសគ្នាយ៉ាងដូចម្តេច?

12 ម៉ោង

តើពាក្យ «បរិបូរ, បរិបូណ៌ និង បរិបូរណ៍» មានអត្ថន័យខុសគ្នាឬដូចគ្នា?

3 ថ្ងៃ

ត្រូវសរសេរ«ស័ក្តិសម»និង«ស័ក្តិសិទ្ធិ» វិញទើបត្រឹមត្រូវ

4 ថ្ងៃ

អត្ថបទពេញនិយមបន្ថែម