ជប៉ុនគ្រោងផ្គត់ផ្គង់ទឹកស្អាត និងបំពាក់បង្គន់ក្នុងជណ្តើរយន្តប្រអប់

សង្គមអន្តរជាតិ

អន្តរជាតិ

ជប៉ុនគ្រោងផ្គត់ផ្គង់ទឹកស្អាត និងបំពាក់បង្គន់ក្នុងជណ្តើរយន្តប្រអប់

04, Jun 2015 , 10:20 pm

រូបភាព

ដោយ: ធីតា

ក្រុមហ៊ុនផលិតជណ្តើរយន្តជប៉ុនមានបំណងស្តុកទឹកស្អាត និងបំពាក់បង្គន់ដែលអាចផ្លាស់ទីបាន នៅក្នុងជណ្តើរយន្តប្រអប់ សម្រាប់អ្នកដែលជាប់គាំងក្នុងជណ្តើរ ជាពិសេសក្នុងករណីមានគ្រោះរញ្ជួយដីកើតឡើង។បើតាមការប្រមើលទុករបស់រដ្ឋាភិបាលទាក់ទិននឹងគ្រោះរញ្ជួយដីដ៏មហិមាThe Big Oneដែលអាចនឹងវាយប្រហារទីក្រុងតូក្យូនៅថ្ងៃណាមួយនោះ គឺអាចមានមនុស្សប្រមាណ ១៧ ០០០ នាក់ដែលនឹងត្រូវជាប់គាំងក្នុងជណ្តើរយន្ត។

លោកTakeshi Miyata តំណាងសមាគមឧស្សាហកម្មជណ្តើរយន្ត បានមានប្រសាសន៍ថា៖ «យើងបានសម្រេចថានឹងសិក្សាលើគម្រោងនេះ ដើម្បីលើកកម្ពស់សុវត្ថិភាពនៃការបង្ការគ្រោះថ្នាក់ក្នុងជណ្តើរយន្ត»។

គួរបញ្ជាក់ថា គំរូបង្គន់ទំហំតូចៗជាច្រើនខុសគ្នាដែលអាចផ្លាស់ទីបាន ត្រូវបានគេបង្កើតឡើងរួចទៅហើយសម្រាប់ករណីគ្រោះថ្នាក់បន្ទាន់ ហើយវាក៏ជាផែ្នកមួយនៃ«កញ្ចប់រស់»ដែលជនជាតិជប៉ុនមួយចំនួនតែងតែត្រៀមទុកសម្រាប់យកតាមខ្លួន ក្នុងករណីជួបគ្រោះរញ្ជួយដី ឬមហន្តរាយផ្សេងៗនោះផងដែរ។

ប្រទេសជប៉ុនមានជណ្តើរយន្តប្រអប់ចំនួន ៧ សែន ហើយគ្រាន់តែនៅក្នុងតូក្យូប៉ុណ្ណោះ មានដល់ទៅ ១៥០ ០០០ ទៅហើយ។ចាប់តាំងពីឆ្នាំ២០០៩មកគេបានបំពាក់ប្រព័ន្ធសុវត្ថិភាពដល់ជណ្តើរយន្តប្រអប់ ដើម្បីជៀសវាងការជាប់គាំងនៅរវាងពីរជាន់៕

តើ «និង, នឹង, ហ្នឹង» មានន័យខុសគ្នាយ៉ាងដូចម្តេច?

2 ថ្ងៃ

«សោភណ»,«សោភ័ណ្ឌ»,«សោភ័ន»និង«សោភ័ណ»ពាក្យណាត្រឹមត្រូវ?

1 ថ្ងៃ

តើពាក្យ «សូម, សុំ» មានន័យខុសគ្នាយ៉ាងដូចម្តេច?

11 ម៉ោង

តើពាក្យ «បរិបូរ, បរិបូណ៌ និង បរិបូរណ៍» មានអត្ថន័យខុសគ្នាឬដូចគ្នា?

3 ថ្ងៃ

ត្រូវសរសេរ«ស័ក្តិសម»និង«ស័ក្តិសិទ្ធិ» វិញទើបត្រឹមត្រូវ

4 ថ្ងៃ

អត្ថបទពេញនិយមបន្ថែម