សង្គមអន្តរជាតិ
អន្តរជាតិ
ស្ត្រីនៅចិនគូរប្លង់លើដងខ្លួន ដើម្បីលក់ផ្ទះ
×
យើងដឹងថា ការគូររូបលើដងខ្លួនគឺជាសិល្បៈមួយ ប៉ុន្តែយើងមិនធ្លាប់ដឹងទេថា វាជាបច្ចេកទេសនៃការធ្វើជំនួញ។ នៅប្រទេសចិន គេគូររូបលើដងខ្លួនដើម្បីផ្សាយពាណិជ្ជកម្មលក់ផ្ទះ។
តាមពិតទៅ វិធីសាស្ត្រដ៏ចម្លែកនេះត្រូវបានគេប្រើប្រាស់រយៈពេលបីឆ្នាំមកហើយនៅក្នុងទីផ្សារលក់ផ្ទះក្នុងប្រទេសនេះ។ ស្ត្រីវ័យក្មេងត្រូវបានគេជ្រើសរើស ដោយតម្រូវឲ្យលែងខ្លួនទទេពាក់កណ្តាលខាងលើ ដើម្បីឲ្យគេគូរប្លង់ និងទម្រង់ផ្ទះ រួចដើរចុះឡើងដើម្បីផ្សាយពាណិជ្ជកម្ម។
មកទល់ពេលនេះ អាជ្ញាធរចិនមិនទាន់ចាត់វិធានការអ្វីដើម្បីទប់ស្កាត់ចរន្តថ្មីនេះនៅក្នុងវិស័យអចលនទ្រព្យទេ ប៉ុន្តែក្រុមហ៊ុនមួយចំនួនបានទទួលការព្រមានពីបទរំលោភបំពានផ្លូវភេទរួចហើយ។
កាសែតអាមេរិក The New York Times បានចុះផ្សាយកាលពីពេលថ្មីៗកន្លងទៅនេះថា វិស័យអចលនទ្រព្យចិនមានការប្រកួតប្រជែងគ្នាយ៉ាងខ្លាំង រហូតទីភ្នាក់ងារមួយចំនួនមានគំនិតជួលជនបរទេសជាតិស្បែកស និងស្បែកខ្មៅ ឲ្យមកបង្ហាញវត្តមានក្នុងទីតាំងអគាររបស់ខ្លួនដើម្បីឲ្យរូបភាពអគារមានលំដាប់ថ្នាក់អន្តរជាតិ និងដំឡើងតម្លៃឲ្យបានខ្ពស់៕
© រក្សាសិទ្ធិដោយ thmeythmey.com