សង្គមអន្តរជាតិ
អន្តរជាតិ
អគារឈើខ្ពស់បំផុតក្នុងពិភពលោកអាចនឹងលេចរូបរាងនៅក្រុងប៉ារីស
×
ប្រទេសបារាំង និងកាណាដាបានចាប់ដៃគ្នាបង្ហាញនូវគម្រោងរបស់ខ្លួន នៅដើមខែមិថុនានេះ ក្នុងព្រឹត្តិការណ៍ប្រកួតគំនិតច្នៃប្រឌិតថ្មីក្នុងការស្ថាបនាទីក្រុង ដោយមានឈ្មោះថា « កែប្រែមុខមាត់ទីក្រុងប៉ារីសឡើងវិញ » ។ វាជាគម្រោងដ៏ធំនៃការសាងសង់អគារអំពីឈើដ៏ខ្ពស់បំផុតក្នុងពិភពលោកដែលមានកម្ពស់ ៣៥ ជាន់។
អគារនេះមានឈ្មោះថា Baobab ។ នៅក្នុងគម្រោងនេះផងដែរ គេនឹងបង្កើតសហគមន៍ដែលរួមបញ្ចូលរចនាសម្ព័ន្ធគ្រប់បែបយ៉ាងដូចជា លំនៅដ្ឋាន សួនច្បារ និងចំណតរថយន្តក្រុងជាដើម។ នៅពេលនេះ ព័ត៌មានលម្អិតទាក់ទិននឹងទំហំពិតប្រាកដនៃអគារ និងវត្ថុធាតុដែលត្រូវប្រើប្រាស់ក្នុងការសាងសង់មិនទាន់ផ្សព្វផ្សាយជាសាធារណៈនៅឡើយទេ។ ប៉ុន្តែគោលដៅនៃគម្រោងនេះគឺដើម្បើបង្កើតរូបភាពពិសេសដោយឡែកមួយសម្រាប់ក្រុងប៉ារីស ដោយផ្សារភ្ជាប់នឹងការពង្រឹងមនោសញ្ចេតនាក្នុងសហគមន៍ និងទំនាក់ទំនងជាមួយយុវជន។ តំបន់នៅ Pershing Hall ត្រូវបានជ្រើសរើសជាទីតាំងល្អបំផុតសម្រាប់ការបើកទំព័រសករាជថ្មីនៃវិស័យស្ថាបត្យកម្ម។
ហេតុអ្វីបានគេជ្រើសរើសយកឈើមកធ្វើជាគ្រឿងបង្គុំសំខាន់នៃសំណង់ ?
ព្រោះថាឈើគឺជាធាតុសំណង់តែមួយគត់ដែលរួមចំណែកកាត់បន្ថយការសាយភាយនៃឧស្ម័នផ្ទះកញ្ចក់៕
© រក្សាសិទ្ធិដោយ thmeythmey.com