សុខភាព
អន្តរជាតិ
ថ្នាំជំរុញចំណង់ផ្លូវភេទស្ត្រីអាចនឹងដាក់លក់នៅសហរដ្ឋអាមេរិក
× ១៧ ឆ្នាំបន្ទាប់ពីវត្តមានឱសថ Viagraសម្រាប់បុរសដែលមានបញ្ហាផ្លូវភេទឱសថជំរុញផ្លូវភេទស្ត្រីដំបូងបំផុតអាចនឹងចូលខ្លួនក្នុងទីផ្សារអាមេរិកក្នុងពេលឆាប់ៗខាងមុខនេះបន្ទាប់ពីការបើកភ្លើងខៀវនាដំណាក់កាលដំបូងរបស់ទីភ្នាក់ងារឱសថអាមេរិក។
ឱសថនេះត្រូវបានមន្ទីរពិសោធន៍Sprout Pharmaceuticalsស្នើសុំការអនុញ្ញាតឲ្យចរាចរណ៍ពីរដងរួចមកហើយ កាលពីឆ្នាំ ២០១០ និង ២០១៣ ប៉ុន្តែមិនបានសម្រេច។ ដោយហេតុថា ក្រុមអ្នកជំនាញបានវិនិច្ឆ័យថា ផលប៉ះពាល់របស់វាមានច្រើនជាងអត្ថប្រយោជន៍។ការប្រើប្រាស់ឱសថប្រភេទ Flibanserinនេះអាចបង្កផលវិបាកដូចជាសម្ពាធឈាមធ្លាក់ចុះសន្លប់ក្អួតចង្អោរ និងងងុយគេង។
សម្រាប់ការស្នើសុំលើកនេះ មន្ទីរពិសោធន៍បានបង្ហាញទិន្នន័យនៃការសិក្សាថ្មីរបស់ខ្លួន។ ស្ត្រីដែលចូលរួមក្នុងការធ្វើតេស្តឱសថនេះបានបញ្ជាក់ថា សម្រាប់បទពិសោធន៍នៃការរួមភេទរបស់ខ្លួនក្នុងរយៈពេលមួយខែ មាន ៤,៤ ដងដែលគួរឲ្យពេញចិត្ត ហើយមុនពេលប្រើប្រាស់ឱសថគឺមានតែ ២,៧ ប៉ុណ្ណោះ។ពួកនាងបានអះអាងថា មានចំណង់ផ្លូវភេទកើនឡើងជាងមុន។ គួរបញ្ជាក់ថា ឱសថនេះផ្តោតទៅលើស្ត្រីដែលមិនមែនស្ថិតក្នុងដំណាក់កាលអស់រដូវទេពោលគឺស្ត្រីដែលខ្វះចំណង់ផ្លូវភេទដោយសារកត្តាផ្សេង។
ការសិក្សាជាច្រើនបានបង្ហាញថា យ៉ាងតិច ៤០%នៃស្ត្រីដែលមិនទាន់អស់រដូវជួបបញ្ហាផ្លូវភេទ។ការសម្រេចចុងក្រោយនៃការផ្តល់ភ្លើងខៀវឲ្យចរាចរណ៍ឱសថ Viagra នេះនឹងត្រូវប្រកាសមុនថ្ងៃទី ១៨ សីហាខាងមុខនេះ៕
© រក្សាសិទ្ធិដោយ thmeythmey.com