ជំងឺគ្រុនឈាមអាចផ្ទុះរាតត្បាតម្តងទៀតនៅចន្លោះឆ្នាំ២០១៥-២០១៧

ជាតិ

សុខភាព

ជំងឺគ្រុនឈាមអាចផ្ទុះរាតត្បាតម្តងទៀតនៅចន្លោះឆ្នាំ២០១៥-២០១៧

17, Jun 2015 , 9:59 am

រូបភាព

ដោយ: ខន ចំប៉ា

រយៈពេល២១សប្តាហ៍ក្នុងឆ្នាំ២០១៥នេះ ជំងឺគ្រុនឈាមនៅក្នុងប្រទេសកម្ពុជា បានកើតឡើងចំនួន៩៥៧ករណីកើនឡើងចំនួន៣៧១ករណី បើធៀបទៅនឹងឆ្នាំ២០១៤ ខណៈដែលអត្រាស្លាប់នៅឆ្នាំ២០១៥នេះមាន១ករណី ថយចុះ២ករណីបើធៀបនឹងឆ្នាំ២០១៤ ។ តួលេខនេះ ត្រូវបានបង្ហាញនៅក្នុងរបាយការណ៍ជំងឺគ្រុនឈាម របស់មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ប៉ារ៉ាស៊ីតសាស្ត្រ-បាណកសាស្ត្រ។

បើទោះបីជាជំងឺគ្រុនឈាមឆ្នាំនេះ មានការកើនឡើងជាងឆ្នាំមុនៗ ប៉ុន្តែថយចុះករណី អ្នកស្លាប់ក្តី មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ប៉ារ៉ាស៊ីតសាស្ត្រ-បាណកសាស្ត្រ នៅតែអំពាវនាវឲ្យប្រជាពលរដ្ឋមានការប្រុងប្រយ័ត្ន ព្រោះថាកន្លងមកករណីជំងឺគ្រុនឈាមនៅកម្ពុជា តែងមានការផ្ទុះជាងរៀងរាល់៣ទៅ៥ឆ្នាំដូចជានៅឆ្នាំ២៩៩៨(ករណីឈឺ១៦,២១៦ និងស្លាប់៤៧៥) ឆ្នាំ២០០៧(ករណីឈឺ៣៩,៤៦០ និងស្លាប់៤០៤នាក់) និងនៅឆ្នាំ២០១២(ករណីឈឺ៤០,៩០៩ និងស្លាប់១៨៩នាក់) មានន័យថាការផ្ទុះរាតត្បាតម្តងទៀតអាចនឹងកើតមាននៅចន្លោះឆ្នាំ២៩១៥ និង២០១៧ ។

យោងតាមរបាយការណ៍ដដែល ៨០ភាគរយនៃករណីជំងឺគ្រុនឈាមទាំងអស់ កើតមាននៅក្រុងភ្នំពេញ ខេត្តកណ្តាល សៀមរាប កំពង់ធំ ព្រៃវែង បន្ទាយមានជ័យ និងខេត្តកំពង់ចាម ហើយ៥៦ភាគរយនៃករណីជំងឺគ្រុនឈាម ត្រូវបានរកឃើញនៅលើកុមារអាយុចន្លោះពី៥ដល់១៤ឆ្នាំ។

សូមបញ្ជាក់ថា ជំងឺគ្រុនឈាមបង្កដោយ«វីរ៉ុសដាំង» និងចំលងពីមនុស្សម្នាក់ទៅមនុស្សម្នាក់ទៀតដោយសារមូលខ្លាញីខាំ។ ប្រជាជនប្រហែល២,៥០០លាននាក់នៅលើពិភពលោក កំពុងប្រឈមនឹងការឆ្លងវីរុសគ្រុនឈាម ក្នុងនោះ៧០ភាគរយគឺនៅតំបន់អាស៊ីប៉ាស៊ីហ្វិក៕

តើ «និង, នឹង, ហ្នឹង» មានន័យខុសគ្នាយ៉ាងដូចម្តេច?

2 ថ្ងៃ

«សោភណ»,«សោភ័ណ្ឌ»,«សោភ័ន»និង«សោភ័ណ»ពាក្យណាត្រឹមត្រូវ?

1 ថ្ងៃ

តើពាក្យ «បរិបូរ, បរិបូណ៌ និង បរិបូរណ៍» មានអត្ថន័យខុសគ្នាឬដូចគ្នា?

3 ថ្ងៃ

តើពាក្យ «សូម, សុំ» មានន័យខុសគ្នាយ៉ាងដូចម្តេច?

30 នាទី

ត្រូវសរសេរ«ស័ក្តិសម»និង«ស័ក្តិសិទ្ធិ» វិញទើបត្រឹមត្រូវ

4 ថ្ងៃ

អត្ថបទពេញនិយមបន្ថែម