ជាតិ
ពីនេះ ពីនោះ
![](https://image.thmeythmey.com/pictures/2015/06/18/1862015161559joke_picture.jpg)
×![]()
បងធំដ៏ល្បីឈ្មោះនៃពិភពអ្នកលេងម្នាក់ កំពុងអប់រំប្រៀនប្រដៅកូនប្រុស ពីមូលហេតុដែលកូនខ្លួនបានដើរបង្ករឿង រហូតធ្វើអោយគាត់ឈឺក្បាល វិលមុខ ដោះស្រាយគ្មានថ្ងៃលោះសោះ។
ឪពុក៖ ប៉ាយល់ថា កូនឯងធ្វើជ្រុលបន្តិចហើយ បើមានរឿងអីជាមួយនរណា ក៏គួរនិយាយស្តីអោយដឹងសាច់រឿងជាមុនសិន។ បើនិយាយគ្នាមិនត្រូវចាំចាត់ការ មិនមែនរឿងអី បាញ់ប្រ៉ាវភ្លាមនោះទេ ឯងធ្វើបែបហ្នឹងប៉ាពិបាកដោះស្រាយណាស់!
កូន៖ ប៉ុន្តែខ្ញុំមានហេតុផលណាប៉ា ខ្ញុំមិនមែនធ្វើអ្វីតក់ក្រហល់ ដោយអត្តនោម័តទេ។ ការដែលខ្ញុំបាញ់កូនទាហានស្លាប់ ក៏ព្រោះតែវាសម្លឹងមើលមុខខ្ញុំ ហើយកូនគ្រូនៅសាលាក៏ដូចគ្នាដែរ ខ្ញុំបាញ់វា ក៏ព្រោះតែវាមិនអោយខ្ញុំចម្លងកិច្ចការធ្វើនៅផ្ទះ។ ចំណែកឯកូនប៉ូលិសដែលខ្ញុំផ្តាច់ជីវិតវា កាលពីម្សិលមិញ ក៏ព្រោះតែវាធ្វើឫក ដូចជាចង់ដណ្តើមសង្សារខ្ញុំ។ ខ្ញុំធ្វើដូចប៉ាគ្រប់យ៉ាង ខ្ញុំមានកំហុសត្រង់ណាប៉ា?
ឪពុក៖ ខុសគ្នាវើយ! គឺពេលអញធ្វើ អញមានអាយុ ៥០ឆ្នាំជាងទៅហើយ ! ចំណែកឯង ទើបតែអាយុ១0ឆ្នាំសោះ ហ៊ានដល់ម្លឹងទៅហើយ៕
ផ្តល់សិទ្ធិដោយ www.health.com.kh
© រក្សាសិទ្ធិដោយ thmeythmey.com