អន្តរជាតិ
នយោបាយអន្តរជាតិ
ជនជាតិរ៉ូហ៊ីងយ៉ាបន្តប្រឹងរកមធ្យោបាយគេចពីភូមាទោះជួបគ្រោះថ្នាក់ក៏ដោយ
×![]()
ដោយ: ថ្មីៗ
ជនជាតិភាគតិចរ៉ូហ៊ីងយ៉ាដែលរស់នៅក្នុងរដ្ឋ រ៉ាក់ឃីន ភាគខាងលិចប្រទេសមីយ៉ាន់ម៉ាបានបន្តស្វែងរកមធ្យោបាយដើម្បីចាកចេញពីប្រទេសមីយ៉ាន់ម៉ា បើទោះបីជាពួកគេជួបគ្រោះថ្នាក់រាប់ជំពូកដូចជា ត្រូវរសាត់អណ្តែតនៅកណ្តាសមុទ្រ ពេលខ្លះត្រូវគេជួញដូរជាទាសករក៏មាន និងប្រឈមការរឹតបន្តឹងតាមច្រកព្រំដែនក៏ដោយ។
ការរត់ភៀសខ្លួននៅតាមសមុទ្រនៅអាស៊ីអាគ្នេយ៍បានទាក់ទាញការយកចិត្តទុកដាក់ពីសហគមន៍អន្តរជាតិ ដែលសកម្មភាពនេះធ្វើឡើងដើម្បីអោយឲ្យអន្តរជាតិដឹងពីស្ថានភាពរបស់ពួកគេបច្ចុប្បន្ន។ ថ្មីៗនេះជនភៀសខ្លួនជាង៤០០នាក់ដែលរស់រានមានជីវិតក្រោយការជួយសង្គ្រោះ បានសិទ្ធិជ្រកកោនជាបណ្ដោះអាសន្នក្នុងប្រទេសម៉ាឡេស៊ី ឥណ្ឌូនេស៊ី និងមីយ៉ាន់ម៉ា។ រីឯជនភៀសខ្លួនជាង ២០០០នាក់ផ្សេងទៀតអាចកំពុងរសាត់អណ្តែតតែលតោលនៅសមុទ្រនៅឡើយ។ នេះបើយោងតាមទីភ្នាក់ងារត្រួតពិនិត្យ ។ ចំពោះជនជាតិរ៉ូហ៊ីងយ៉ា ឲ្យតែបានចាកចេញពីមីយ៉ាន់ម៉ាទៅកាន់ទឹកដីផ្សេងទៀត ពួកគេមិនរួញរាឡើយ ទោះជាគ្រោះថ្នាក់ខ្លាំងប៉ុណ្ណោះក៏ដោយ។
លោក Eleiase ដែលជាជនជាតិរ៉ូហ៊ីងយ៉ាម្នាក់ក្នុងចំណោមជនភៀសខ្លួននោះបានអះអាងថា ជនជាតិរ៉ូហ៊ីងយ៉ាត្រូវរស់នៅក្រោមការគំរាមកំហែងនិងធ្វើទុក្ខបុកម្នេញពីសំណាក់អាជ្ញាធរជាច្រើនលើកច្រើនសារមកហើយ។លោកបានបន្តរថា៖ «ជីវិតប្រចាំថ្ងៃរបស់យើងគឺមានការលំបាកយ៉ាងខ្លាំង»។ទោះបីជាយ៉ាងណាក៏ដោយ ការចោទប្រកាន់ និងការលើកឡើងរបស់លោក Eleiase ត្រូវបានបដិសេធចោលទាំងស្រុងដោយមេដឹកនាំរដ្ឋរ៉ាក់ឃីន លោក Maung Ohn។
គួរបញ្ជាក់ផងដែរថា រដ្ឋាភិបាលបានសង្កត់ធ្ងន់ថា បើសិនជាក្រុមរ៉ូហ៊ីងយ៉ានៅតែទាមទារកំណត់អត្តសញ្ញាណខ្លួនឯងថាមិនមែនជាជនជាតិបែនកាលី របស់បង់ក្លាដែស វានឹងបង្កការលំបាកសម្រាប់ភាគីទាំងសងខាង ដែលមិនធ្លាប់ឯកភាពគ្នាលើការកំណត់សញ្ជាតិប្រជាជន៕
ដោយ Sopheak
ការរត់ភៀសខ្លួននៅតាមសមុទ្រនៅអាស៊ីអាគ្នេយ៍បានទាក់ទាញការយកចិត្តទុកដាក់ពីសហគមន៍អន្តរជាតិ ដែលសកម្មភាពនេះធ្វើឡើងដើម្បីអោយឲ្យអន្តរជាតិដឹងពីស្ថានភាពរបស់ពួកគេបច្ចុប្បន្ន។ ថ្មីៗនេះជនភៀសខ្លួនជាង៤០០នាក់ដែលរស់រានមានជីវិតក្រោយការជួយសង្គ្រោះ បានសិទ្ធិជ្រកកោនជាបណ្ដោះអាសន្នក្នុងប្រទេសម៉ាឡេស៊ី ឥណ្ឌូនេស៊ី និងមីយ៉ាន់ម៉ា។ រីឯជនភៀសខ្លួនជាង ២០០០នាក់ផ្សេងទៀតអាចកំពុងរសាត់អណ្តែតតែលតោលនៅសមុទ្រនៅឡើយ។ នេះបើយោងតាមទីភ្នាក់ងារត្រួតពិនិត្យ ។ ចំពោះជនជាតិរ៉ូហ៊ីងយ៉ា ឲ្យតែបានចាកចេញពីមីយ៉ាន់ម៉ាទៅកាន់ទឹកដីផ្សេងទៀត ពួកគេមិនរួញរាឡើយ ទោះជាគ្រោះថ្នាក់ខ្លាំងប៉ុណ្ណោះក៏ដោយ។
លោក Eleiase ដែលជាជនជាតិរ៉ូហ៊ីងយ៉ាម្នាក់ក្នុងចំណោមជនភៀសខ្លួននោះបានអះអាងថា ជនជាតិរ៉ូហ៊ីងយ៉ាត្រូវរស់នៅក្រោមការគំរាមកំហែងនិងធ្វើទុក្ខបុកម្នេញពីសំណាក់អាជ្ញាធរជាច្រើនលើកច្រើនសារមកហើយ។លោកបានបន្តរថា៖ «ជីវិតប្រចាំថ្ងៃរបស់យើងគឺមានការលំបាកយ៉ាងខ្លាំង»។ទោះបីជាយ៉ាងណាក៏ដោយ ការចោទប្រកាន់ និងការលើកឡើងរបស់លោក Eleiase ត្រូវបានបដិសេធចោលទាំងស្រុងដោយមេដឹកនាំរដ្ឋរ៉ាក់ឃីន លោក Maung Ohn។
គួរបញ្ជាក់ផងដែរថា រដ្ឋាភិបាលបានសង្កត់ធ្ងន់ថា បើសិនជាក្រុមរ៉ូហ៊ីងយ៉ានៅតែទាមទារកំណត់អត្តសញ្ញាណខ្លួនឯងថាមិនមែនជាជនជាតិបែនកាលី របស់បង់ក្លាដែស វានឹងបង្កការលំបាកសម្រាប់ភាគីទាំងសងខាង ដែលមិនធ្លាប់ឯកភាពគ្នាលើការកំណត់សញ្ជាតិប្រជាជន៕
ដោយ Sopheak
© រក្សាសិទ្ធិដោយ thmeythmey.com
