អន្តរជាតិ
បុរសម្នាក់ប្លន់ធនាគារដោយប្រើឧបករណ៍ម៉ាស្សាផ្លូវភេទ
× ចោរម្នាក់បានចូលប្លន់ធនាគារមួយនៅសហរដ្ឋអាមេរិក ដោយគំរាមបោកគ្រាប់បែក។ តែតាមការពិត ចោរនោះពុំមានអាវុធគ្រោះថ្នាក់អ្វីទេ គឺមានតែឧបករណ៍ម៉ាស្សាប្រដាប់ភេទមួយតែប៉ុណ្ណោះ។
ជនពាលបានចូលទៅក្នុងធនាគារមួយដែលស្ថិតនៅជាយក្រុង Pittsburgh ដោយគំរាមបោកគ្រាប់បែក។ គេបានបង្ហាញខ្សែដែលចេញពីក្នុងអាវរបស់ខ្លួន ហើយគំរាមយកប្រាក់។ បន្ទាប់មក បុរសអាយុ៣៥ឆ្នាំនេះបានជិះរថយន្តតូយូតារត់គេចខ្លួន។ បន្តិចក្រោយមក ប៉ូលិសបានរកឃើញថង់មួយនៅលើកៅអី។ នៅក្នុងថង់នោះ មានលុយ និងឧបករណ៍ដែលជនពាលប្រើប្រាស់ដើម្បីគំរាមបុគ្គលិកធនាគារ។
ក្រុមអ្នកដោះមីនបានទៅដល់កន្លែងកើតហេតុ ហើយបានបំផ្លាញឧបករណ៍ដែលគេសង្ស័យថា ជាអាវុធជាតិផ្ទុះ។ តាមពិត វាគ្រាន់តែជាប្រអប់ទូរស័ព្ទដៃដែលមានឧបករណ៍ម៉ាស្សាប្រដាប់ភេទនៅក្នុងនោះតែប៉ុណ្ណោះ។
ជនពាលនឹងត្រូវបញ្ជូនខ្លួនទៅតុលាការ ដើម្បីឆ្លើយតបនឹងបទចោទប្រកាន់ជាច្រើនដូចជា ប្លន់ និងកាន់កាប់អាវុធធន់ធ្ងន់៕
© រក្សាសិទ្ធិដោយ thmeythmey.com