អន្តរជាតិ
×![]()
របបដឹកនាំក្រុងព្យុងយ៉ាងបានចេញមុខប្រកាសថា ខ្លួនសម្រេចជោគជ័យដោយផលិតបានឱសថដែលអាចប្រើប្រាស់សម្រាប់ការពារនិងព្យាបាលជំងឺកាចសាហាវដូចជា អេបូឡា អេដស៍ និង MERS ជាដើមផង។ ការប្រកាសថាខ្លួនស្រាវជ្រាវបានថ្មាំព្យាបាលជំងឺទាំងនេះកើតមានឡើងស្របពេលដែលកូរ៉េខាងត្បូងកំពុងតែរងការវាយប្រហារដោយជំងឺផ្លូវដង្ហើមមជ្ឈិមបូព៌ា MERS នេះ។
ជារឿងដែលគួរឲ្យភ្ងាក់ផ្អើលមួយនៅពេលដែលកូរ៉េខាងជើងបានប្រកាសថា ខ្លួនស្រាវជ្រាវថ្នាំព្យាបាលនិងការពារជំងឺសាហាវមួយចំនួនដូចជា អេបូឡា អេដស៍ Sars និងជំងឺផ្លូវដង្ហើម MERS។ មិនត្រឹមតែអួតក្អេងក្អាងប៉ុណ្ណោះទេ របបដឹកនាំក្រុងព្យុយ៉ាងថែមទាំងស្រែកក្តែងៗ សើចចម្អកប្រទេសមហាអំណាចនិងប្រទេសអភិវឌ្ឍន៍មួយចំនួនដែលមានវិទ្យាសាស្ត្ររីកចម្រើនខ្លាំងនោះ ធ្វើមិនបានដូចខ្លួនឡើយ។
វាពិតជារឿងគួរឲ្យភ្ងាក់ផ្អើល និងចម្លែកប្រាដកណាស់ដ្បិតថា កូរ៉េខាងជើងកន្លងមក ត្រឹមតែប្រឹងប្រែងផលិតអាវុធទំនើបៗសម្រាប់ប្រយុទ្ធប៉ុណ្ណោះ ហើយគេកម្រឃើញរដ្ឋឯកោរមួយនេះស្រាវជ្រាវផលិតឱសថឡើយ។ យ៉ាងណាមិញប្រសិនបើព័ត៌មាននេះជាការពិត វាក៏ជាសញ្ញាវិជ្ជមានដែរ ព្រោះវាក៏នឹងជម្រុញសមត្ថភាពនៃការស្រាវជ្រាវនិងឱសថសម្រាប់ការពារ និងព្យាបាលជំងឺដែលពិភពលោកភ័យខ្លាច។
តាមពិតទៅ ព័ត៌មានដែលថា កូរ៉េខាងជើងផលិតបានថ្នាំពិសេសសម្រាប់ព្យាបាលជំងឺសាហាវដែលពិភពលោកកំពុងខ្លាចរអានោះ ត្រូវបានចុះផ្សាយដោយសារព័ត៌មានរបស់រដ្ឋកូរ៉េខាងជើង KCNA។ បើតាមសារព័ត៌មានរដ្ឋនេះ អ្នកវិទ្យាសាស្ត្រកូរ៉េខាងជើងបានព្យាយាមស្រាវជ្រាវ និងពិសោធន៍អស់រយៈពេលយូរល្មមទម្រាំសម្រេចជោគជ័យ ហើយថ្នាំនេះមានផ្សំពីឱសថធម្មជាតិថែមទៀតផង។ ប្រភពដដែលបានអះអាងថាជំងឺឆ្លងទាំងអស់ខាងលើភាគច្រើនជាប់ពាក់ព័ន្ធជាមួយប្រព័ន្ធភាពស៊ាំនៃរាងកាយ ហើយវាអាចព្យាបាលបានងាយដោយប្រើប្រាស់ថ្នាំពង្រឹងនិងជួយសង្គ្រោះប្រព័ន្ធភាពស៊ាំ Kumdang-2 ។
យ៉ាងក៏ដោយ គេមិនទាន់ទទួលបានទទួលភស្តុតាងជាថ្នាំពិសោធន៍របស់ក្រុងព្យុយ៉ាងនៅឡើយទេ ហើយគេជឿជាក់ថា ការអះអាងនេះត្រឹមតែជាការបោកប្រាស់ប៉ុណ្ណោះ។ អ្នកខ្លះសន្និដ្ឋានថា តាមចរិកក្អេងក្អាងរបស់កូរ៉េខាងជើង ប្រសិនព័ត៌មាននេះជាការពិត ប្រទេសនេះច្បាស់ជាបង្ហាញឱសថរបស់ខ្លួនជាសាធារណមិនខានទេ។
ការចេញមុខប្រកាសថាខ្លួនមានឱសថព្យាបាលជំងឺឆ្លងកាចសាហាវនេះ កើតមានឡើងខណៈពេលដែលប្រទេសកូរ៉េខាងត្បូងជាបងប្អូននោះ កំពុងប្រឈមការវាយប្រហារដោយជំងឺផ្លូវដង្ហើមមជ្ឈិមបូព៌ា។ ករណីអ្នកស្លាប់ដោយជំងឺនេះបន្តកើនឡើង ស្របពេលករណីអ្នកឆ្លងមេរោគថ្មីក៏កើនឡើងដូចគ្នាដែរ។ អ្នកស្លាប់កើនដល់ជាង ២០នាក់ រីឯអ្នកឆ្លងបានបន្តកើនដល់ជាង ១៦០នាក់រួចទៅហើយ៕
ជារឿងដែលគួរឲ្យភ្ងាក់ផ្អើលមួយនៅពេលដែលកូរ៉េខាងជើងបានប្រកាសថា ខ្លួនស្រាវជ្រាវថ្នាំព្យាបាលនិងការពារជំងឺសាហាវមួយចំនួនដូចជា អេបូឡា អេដស៍ Sars និងជំងឺផ្លូវដង្ហើម MERS។ មិនត្រឹមតែអួតក្អេងក្អាងប៉ុណ្ណោះទេ របបដឹកនាំក្រុងព្យុយ៉ាងថែមទាំងស្រែកក្តែងៗ សើចចម្អកប្រទេសមហាអំណាចនិងប្រទេសអភិវឌ្ឍន៍មួយចំនួនដែលមានវិទ្យាសាស្ត្ររីកចម្រើនខ្លាំងនោះ ធ្វើមិនបានដូចខ្លួនឡើយ។
វាពិតជារឿងគួរឲ្យភ្ងាក់ផ្អើល និងចម្លែកប្រាដកណាស់ដ្បិតថា កូរ៉េខាងជើងកន្លងមក ត្រឹមតែប្រឹងប្រែងផលិតអាវុធទំនើបៗសម្រាប់ប្រយុទ្ធប៉ុណ្ណោះ ហើយគេកម្រឃើញរដ្ឋឯកោរមួយនេះស្រាវជ្រាវផលិតឱសថឡើយ។ យ៉ាងណាមិញប្រសិនបើព័ត៌មាននេះជាការពិត វាក៏ជាសញ្ញាវិជ្ជមានដែរ ព្រោះវាក៏នឹងជម្រុញសមត្ថភាពនៃការស្រាវជ្រាវនិងឱសថសម្រាប់ការពារ និងព្យាបាលជំងឺដែលពិភពលោកភ័យខ្លាច។
តាមពិតទៅ ព័ត៌មានដែលថា កូរ៉េខាងជើងផលិតបានថ្នាំពិសេសសម្រាប់ព្យាបាលជំងឺសាហាវដែលពិភពលោកកំពុងខ្លាចរអានោះ ត្រូវបានចុះផ្សាយដោយសារព័ត៌មានរបស់រដ្ឋកូរ៉េខាងជើង KCNA។ បើតាមសារព័ត៌មានរដ្ឋនេះ អ្នកវិទ្យាសាស្ត្រកូរ៉េខាងជើងបានព្យាយាមស្រាវជ្រាវ និងពិសោធន៍អស់រយៈពេលយូរល្មមទម្រាំសម្រេចជោគជ័យ ហើយថ្នាំនេះមានផ្សំពីឱសថធម្មជាតិថែមទៀតផង។ ប្រភពដដែលបានអះអាងថាជំងឺឆ្លងទាំងអស់ខាងលើភាគច្រើនជាប់ពាក់ព័ន្ធជាមួយប្រព័ន្ធភាពស៊ាំនៃរាងកាយ ហើយវាអាចព្យាបាលបានងាយដោយប្រើប្រាស់ថ្នាំពង្រឹងនិងជួយសង្គ្រោះប្រព័ន្ធភាពស៊ាំ Kumdang-2 ។
យ៉ាងក៏ដោយ គេមិនទាន់ទទួលបានទទួលភស្តុតាងជាថ្នាំពិសោធន៍របស់ក្រុងព្យុយ៉ាងនៅឡើយទេ ហើយគេជឿជាក់ថា ការអះអាងនេះត្រឹមតែជាការបោកប្រាស់ប៉ុណ្ណោះ។ អ្នកខ្លះសន្និដ្ឋានថា តាមចរិកក្អេងក្អាងរបស់កូរ៉េខាងជើង ប្រសិនព័ត៌មាននេះជាការពិត ប្រទេសនេះច្បាស់ជាបង្ហាញឱសថរបស់ខ្លួនជាសាធារណមិនខានទេ។
ការចេញមុខប្រកាសថាខ្លួនមានឱសថព្យាបាលជំងឺឆ្លងកាចសាហាវនេះ កើតមានឡើងខណៈពេលដែលប្រទេសកូរ៉េខាងត្បូងជាបងប្អូននោះ កំពុងប្រឈមការវាយប្រហារដោយជំងឺផ្លូវដង្ហើមមជ្ឈិមបូព៌ា។ ករណីអ្នកស្លាប់ដោយជំងឺនេះបន្តកើនឡើង ស្របពេលករណីអ្នកឆ្លងមេរោគថ្មីក៏កើនឡើងដូចគ្នាដែរ។ អ្នកស្លាប់កើនដល់ជាង ២០នាក់ រីឯអ្នកឆ្លងបានបន្តកើនដល់ជាង ១៦០នាក់រួចទៅហើយ៕
© រក្សាសិទ្ធិដោយ thmeythmey.com
