អន្តរជាតិ
ក្រុមឧទ្ទាម Touareg នៅម៉ាលីចុះហត្ថលេខាលើកិច្ចព្រមព្រៀងសន្តិភាព ![](https://image.thmeythmey.com/pictures/2015/06/21/touareg.jpg)
×![]()
កាលពីថ្ងៃ១៥ឧសភា អាជ្ញាធរប្រទេសម៉ាលីបានចុះហត្ថលេខាជាមួយរាល់ចលនាក្រុមឧទ្ទាម និងក្រុមប្រដាប់អាវុធ លើកិច្ចព្រមព្រៀងសន្តិភាពបិទបញ្ចប់សង្គ្រាមជីហាត នៅភាគខាងជើងប្រទេស។ ប៉ុន្តែ ក្រុមឧទ្ទាមtouareg ជាក្រុមតែមួយគត់ដែលគ្មានវត្តមានក្នុងពេលចុះហត្ថលេខា នៅខែមុននេះ ធ្វើអោយកិច្ចព្រមព្រៀងនៅផុយស្រួយ។
ក្រុមឧទ្ទាមtouareg នៅម៉ាលី ចុះហត្ថលេខាលើកិច្ចព្រមព្រៀងសន្តិភាព ថ្ងៃសៅរ៍ម្សិលមិញ ពិតជាផ្តល់ក្តីសង្ឃឹមយ៉ាងខ្លាំងដល់ប្រជាជនម៉ាលី។ កិច្ចព្រមព្រៀងសន្តិភាពរវាងគ្រប់ក្រុមប្រដាប់អាវុធ និងក្រុមជីហាតក្នុងស្រុក មានទិសដៅបិទបញ្ចប់អំពើហិង្សា នៅភាគខាងជើងម៉ាលី។
នៅភាគខាងជើងម៉ាលី ក្រុមឧទ្ទាម touareg បានកាន់កាប់ដែនដីជាច្រើន។ នៅឆ្នាំ២០១២ តំបន់ដ៏ធំនេះបានក្លាយជាទីតាំងប្រតិបត្តិការរបស់ក្រុមជីហាត មុននឹងកងទ័ពបារាំងចុះទៅបេសកកម្មប្រឆាំងភេរវកម្ម នៅដើមឆ្នាំ២០១។ ទោះជាបារាំងបានជោគជ័យក្នុងការកំចាត់ក្រុមភេរវជនភាគច្រើននៅទីនោះក្តី ក៏អាជ្ញាធរម៉ាលីនៅតែមិនទាន់អាចគ្រប់គ្រងក្តាប់បានគ្រប់តំបន់ដែរ។
ក្រោយពេលចុះហត្ថលេខាសន្តិភាពរួចមក ក្រុមប្រដាប់អាវុធ និងក្រុមឧទ្ទាមបានទាមទារអោយរដ្ឋាភិបាលម៉ាលីចរចាជាមួយពួកគេបន្ថែមទៀត ព្រោះខ្លឹមសារនៃកិច្ចព្រមព្រៀងសន្តិភាពនេះ មិនបានឆ្លើយតបតាមគ្រប់សំណើដែលពួកគេចង់បានទេ។ កិច្ចព្រមព្រៀងរវាងរដ្ឋាភិបាលនិងក្រុមប្រដាប់អាវុធទាំងនេះគ្រោងបង្កើតសភាតំបន់ ដែលមានសិទ្ធិអំណាចសំខាន់ៗ ហើយដែលត្រូវតែឆ្លងកាត់ការបោះឆ្នោតពីប្រជាពលរដ្ឋគ្រប់រូប។ ដោយឡែក រដ្ឋាភិបាលម៉ាលីមិនចង់អោយតំបន់ទាំងនេះមានបែបផែនជាសហព័ន្ធ រឺស្វ័យតទេ៕
© រក្សាសិទ្ធិដោយ thmeythmey.com