ចិន៖ បុគ្គលិកធនាគារមួយត្រូវសុំការអនុញ្ញាតសិន មុននឹងសម្រេចចិត្តយកកូន

អន្តរជាតិ

ចិន៖ បុគ្គលិកធនាគារមួយត្រូវសុំការអនុញ្ញាតសិន មុននឹងសម្រេចចិត្តយកកូន

08, Jul 2015 , 8:59 am

រូបភាព

ដោយ: ធីតា

ធនាគារចិនមួយបានផ្សព្វផ្សាយសារាចរនៅលើវ៉ិបសាយរបស់ខ្លួន ដោយតម្រូវឲ្យបុគ្គលិកនារីទាំងអស់សុំការអនុញ្ញាតជាមុនសិន មុននឹងគិតដល់ការយកកូន។ បើសិនជាខុសនឹងបទបញ្ជាពួកនាងត្រូវប្រឈមនឹងការផាកពិន័យ និងគ្មានសិទ្ធិឡើងឋានៈអ្វីទាំងអស់។

អ្វីៗស្ថិតនៅលើថ្នាក់ដឹកនាំជាអ្នកសម្រេចសូម្បីតែពេលវេលានៃការមានគភ៌ក៏ដោយ។ សារាចរនេះត្រូវបានគេបង្ហោះតៗគ្នានៅលើបណ្តាញសង្គមចិនកាលពីថ្ងៃសុក្រកន្លងទៅនេះ« មានតែបុគ្គលិកនារីដែលបម្រើការក្នុងធនាគារលើសពីមួយឆ្នាំប៉ុណ្ណោះ ទើបមានសិទ្ធិដាក់ផែនការយកកូនបាន »។ អ្នកដែលហ៊ានបំពានសារាចរនេះនឹងត្រូវផាកពិន័យជាទឹកប្រាក់ចំនួនប្រមាណ១៦០ ដុល្លារហើយអាចនឹងលែងបានឡើងឋានៈ ព្រមទាំងពុំមានសិទ្ធិទទួលបានប្រាក់រង្វាន់ដំណាច់ឆ្នាំទេ។

ថ្នាក់ដឹកនាំធនាគារដែលត្រូវបានសារព័ត៌មានចិនDahe Daily សាកសួរ បានបកស្រាយថា ធនាគាររបស់ខ្លួនទើបតែទទួលយកបុគ្គលិកនារីយ៉ាងច្រើនឲ្យចូលបម្រើការ ហើយបើសិនជាពួកនាងសម្រេចចិត្តយកកូនក្នុងពេលតែមួយ ចង្វាក់ផលិកម្មក្នុងស្ថាប័ននេះច្បាស់ជាត្រូវផ្អាកដំណើរការ។

ថ្នាក់ដឹកនាំបានបន្ថែមទៀតថា សារាចរនេះគ្រាន់តែជាសេចក្តីព្រាងច្បាប់ប៉ុណ្ណោះ។ ធនាគារនឹងធ្វើការកែសម្រួលឡើងវិញ ប្រសិនបើបុគ្គលិកនារីយល់ឃើញថា មានចំណុចដែលត្រូវពិភាក្សា។សារនេះចាត់ទុកថាជាការបន្ថយក្តីកង្វល់របស់បុគ្គលិកនារីទាំងនោះដែលបច្ចុប្បន្ននៅតែត្រូវប្រឈមមុខនឹងនយោបាយ « កូនតែមួយ » ដែលពិតមែនថាបានបន្ធូរបន្ថយជាងមុន ប៉ុន្តែក៏នៅតែប្រើប្រាស់ជាធរមាននៅចិន ចាប់តាំងពីឆ្នាំ១៩៧៩មក៕

តើ «និង, នឹង, ហ្នឹង» មានន័យខុសគ្នាយ៉ាងដូចម្តេច?

2 ថ្ងៃ

«សោភណ»,«សោភ័ណ្ឌ»,«សោភ័ន»និង«សោភ័ណ»ពាក្យណាត្រឹមត្រូវ?

1 ថ្ងៃ

តើពាក្យ «សូម, សុំ» មានន័យខុសគ្នាយ៉ាងដូចម្តេច?

10 ម៉ោង

តើពាក្យ «បរិបូរ, បរិបូណ៌ និង បរិបូរណ៍» មានអត្ថន័យខុសគ្នាឬដូចគ្នា?

3 ថ្ងៃ

ត្រូវសរសេរ«ស័ក្តិសម»និង«ស័ក្តិសិទ្ធិ» វិញទើបត្រឹមត្រូវ

4 ថ្ងៃ

អត្ថបទពេញនិយមបន្ថែម