អន្តរជាតិ
នយោបាយជាតិ
ប្រមុខរដ្ឋាភិបាលឥណ្ឌា លោក នារិន្ទ្រា ម៉ូឌី ចាប់ផ្តើមដំណើរទស្សនកិច្ចផ្លូវការនៅក្នុងបណ្តាប្រទេស ៥នៅអាស៊ីកណ្តាល និងបន្តទៅប្រទេសរុស្ស៊ីផង។ ឥណ្ឌាកំពុងតែព្យាយាមពង្រឹងកិច្ចសហប្រតិបត្តិការជាមួយបណ្តារដ្ឋអាស៊ីកណ្តាល ក្នុងគោលបំណងពង្រីកនិងពង្រឹង ឥទ្ធិពលរបស់ខ្លួនក្នុងតំបន់។ បន្ទាប់ពីចាកចេញពី អាស៊ីកណ្តាល លោកម៉ូឌីនឹងបន្តទៅទស្សនកិច្ចនៅរុស្ស៊ីដើម្បីចូលរួមកិច្ចសន្និសីទកំពូលអង្គការកិច្ចសហប្រតិបត្តិការសៀងហៃ។
លោក ជាវ សំណាង លម្អិតព័ត៌មាននេះ
ដំណើទស្សនកិច្ចនៅតំបន់អាស៊ីកណ្តាលជាលើកដំបូងរបស់នាយករដ្ឋមន្ត្រីឥណ្ឌា នារិន្ទ្រា ម៉ូឌី បង្ហាញយ៉ាងច្បាស់ថា ឥណ្ឌាក្នុងនាមជាមហាអំណាចមួយដែលនោះកំពុងប្រឹងប្រែងលើកស្ទួយ និងពង្រឹកឥទ្ធិពលរបស់ខ្លួននៅតំបន់អាស៊ីកណ្តាល។ ដំណើរទស្សនកិច្ចរយៈពេល៨ថ្ងៃនេះ ធ្វើឡើងដើម្បីពង្រឹងចំណងពាណិជ្ជកម្ម និងកិច្ចសហប្រតិបត្តិការលើវិស័យជាច្រើនជាមួយបណ្តារដ្ឋអាស៊ីកណ្តាល ជាពិសេសវិស័យថាមពល និងសន្តិសុខ។
បើផ្អែកតាមទីតាំងភូមិសាស្ត្រ ឥណ្ឌាស្ថិតនៅជិត តែត្រូវកាត់ផ្តាច់ពីតំបន់អាស៊ីកណ្តាលដោយទឹកដីប៉ាគីស្ថាន និងចិន។ ហើយបើមើលឲ្យល្អិតល្អន់ទំនាក់ទំនងពាណិជ្ជកម្ម សេដ្ឋកិច្ច នយោបាយ និងសន្តិសុខ រវាងតំបន់ទាំងពីរស្ថិតនៅកម្រិតទាបនៅឡើយ។ ផ្ទុយទៅវិញ អាស៊ីកណ្តាលបច្ចុប្បន្នបានក្លាយជាតំបន់ប្រជែងឥទ្ធិពលរវាងមហអំណាចរុស្ស៊ី និងចិនឯណោះទៅវិញ។ ជុំវិញចំណងពាណិជ្ជកម្មឥណ្ឌាអាស៊ីកណ្តាល ទំហំពាណិជ្ជកម្មទ្វេភាគីរវាងឥណ្ឌានិងរដ្ឋអាស៊ីកណ្តាលនៅត្រឹម ១ពាន់លានដុល្លារប៉ុណ្ណោះក្នុងមួយឆ្នាំ ខណៈពេលដែលទំហំពាណិជ្ជកម្មរវាងចិននិងប្រទេសអាស៊ីកណ្តាលធំជាងនេះរហូត ៥០ដងឯណោះ។
សូមទាញការចាប់អារម្មណ៍បន្តិចដែរ រដ្ឋាភិបាលក្រុងញូឌែលីកំពុងស្វះស្វែងបង្កើតផ្លូវដែលភ្ជាប់ពីឥណ្ឌាទៅកាន់រដ្ឋអាស៊ីកណ្តាល ដោយចេញពី កំពង់ផែអ៊ីរ៉ង់ Chhabar និងសាងសង់ច្រករបៀងខាងជើង-ត្បូង ដែលចេញពីអាហ្វហ្កានីស្ថានភ្ជាប់ទៅប្រទេសតួកម៉េនីស្ថាន និងចុងក្រោយភ្ជាប់ទៅកាន់អ៊ូសបេគីស្ថានផង។ ប៉ុន្តែ គម្រោងឥណ្ឌាសាងសង់ផ្លូវសម្រាប់តភ្ជាប់ទៅតំបន់អាស៊ីកណ្តាលតាមកំពង់ផែអ៊ីរ៉ង់មានភាពយឺតយ៉ាវខ្លាំង ព្រោះតែបញ្ហានយោបាយផ្ទៃក្នុងអ៊ីរ៉ង់ និងទណ្ឌកម្មប្រឆាំងអ៊ីរ៉ង់របស់អង្គការសហប្រជាជាតិ។
ត្រលប់មកវិញ ជុំវិញដំណើរទស្សនកិច្ចនេះដែរ ប្រមុខរដ្ឋាភិបាលឥណ្ឌា ទៅទស្សនកិច្ចរដ្ឋទាំង ៥ នៅអាស៊ីកណ្តាល និង ទៅកាន់ប្រទេសរុស្ស៊ីផងដែរ។ យន្តហោះរបស់នាយរដ្ឋមន្ត្រីឥណ្ឌាលោក ម៉ូឌី បានចុះចតនៅ អ៊ូសបេគីស្ថានកាលពីម្សិលមិញ ហើយនៅថ្ងៃអង្គារនេះទើបលោកចាកចេញទៅកាន់ប្រទេសកាហ្សាក់ស្ថាន។
បន្ទាប់មកទៀតលោក នឹងបន្តដំណើរឆ្ពោះទៅកាន់ទីក្រុង អ៊ូហ្វា (Ufa)ប្រទេសរុស្ស៊ី ដើម្បីចូលរួមសន្និសីទកំពូលប្រទេសមហាអំណាចសេដ្ឋកិច្ចថ្មី BRICS និងសន្និសីកំពូលនៃអង្គការកិច្ចសហប្រតិបត្តិការសៀងហៃផង។ ក្រោយបញ្ចប់សន្និសីទទាំងពីរនេះនៅរុស្ស៊ី លោក ម៉ូឌី នឹងបន្តទស្សនកិច្ចនៅតួកម៉េនីស្ថាននៅថ្ងៃ ១០កក្កដា គៀហ្ស៊ីស្ថាននៅថ្ងៃ ១១ និងចុងក្រោយនៅតាហ្ស៊ីគីស្ថាននៅថ្ងៃ ១។ គេរំពឹងថា នាយករដ្ឋមន្ត្រីឥណ្ឌា នឹងជួបពិភាក្សាលក្ខណៈទ្វេភាគីជាមួយសមភាគីលោក គឺនាយករដ្ឋមន្ត្រីប៉ាគីស្ថានលោក Nawaz Sharif ដើម្បីពិភាក្សាពីទំនាក់ទំនងឥណ្ឌានិងប៉ាគីស្ថាននាពេលបច្ចប្បន្នផង នៅក្រៅសន្និសីទកំពូលខាងលើ៕
លោក ជាវ សំណាង លម្អិតព័ត៌មាននេះ
ដំណើទស្សនកិច្ចនៅតំបន់អាស៊ីកណ្តាលជាលើកដំបូងរបស់នាយករដ្ឋមន្ត្រីឥណ្ឌា នារិន្ទ្រា ម៉ូឌី បង្ហាញយ៉ាងច្បាស់ថា ឥណ្ឌាក្នុងនាមជាមហាអំណាចមួយដែលនោះកំពុងប្រឹងប្រែងលើកស្ទួយ និងពង្រឹកឥទ្ធិពលរបស់ខ្លួននៅតំបន់អាស៊ីកណ្តាល។ ដំណើរទស្សនកិច្ចរយៈពេល៨ថ្ងៃនេះ ធ្វើឡើងដើម្បីពង្រឹងចំណងពាណិជ្ជកម្ម និងកិច្ចសហប្រតិបត្តិការលើវិស័យជាច្រើនជាមួយបណ្តារដ្ឋអាស៊ីកណ្តាល ជាពិសេសវិស័យថាមពល និងសន្តិសុខ។
បើផ្អែកតាមទីតាំងភូមិសាស្ត្រ ឥណ្ឌាស្ថិតនៅជិត តែត្រូវកាត់ផ្តាច់ពីតំបន់អាស៊ីកណ្តាលដោយទឹកដីប៉ាគីស្ថាន និងចិន។ ហើយបើមើលឲ្យល្អិតល្អន់ទំនាក់ទំនងពាណិជ្ជកម្ម សេដ្ឋកិច្ច នយោបាយ និងសន្តិសុខ រវាងតំបន់ទាំងពីរស្ថិតនៅកម្រិតទាបនៅឡើយ។ ផ្ទុយទៅវិញ អាស៊ីកណ្តាលបច្ចុប្បន្នបានក្លាយជាតំបន់ប្រជែងឥទ្ធិពលរវាងមហអំណាចរុស្ស៊ី និងចិនឯណោះទៅវិញ។ ជុំវិញចំណងពាណិជ្ជកម្មឥណ្ឌាអាស៊ីកណ្តាល ទំហំពាណិជ្ជកម្មទ្វេភាគីរវាងឥណ្ឌានិងរដ្ឋអាស៊ីកណ្តាលនៅត្រឹម ១ពាន់លានដុល្លារប៉ុណ្ណោះក្នុងមួយឆ្នាំ ខណៈពេលដែលទំហំពាណិជ្ជកម្មរវាងចិននិងប្រទេសអាស៊ីកណ្តាលធំជាងនេះរហូត ៥០ដងឯណោះ។
សូមទាញការចាប់អារម្មណ៍បន្តិចដែរ រដ្ឋាភិបាលក្រុងញូឌែលីកំពុងស្វះស្វែងបង្កើតផ្លូវដែលភ្ជាប់ពីឥណ្ឌាទៅកាន់រដ្ឋអាស៊ីកណ្តាល ដោយចេញពី កំពង់ផែអ៊ីរ៉ង់ Chhabar និងសាងសង់ច្រករបៀងខាងជើង-ត្បូង ដែលចេញពីអាហ្វហ្កានីស្ថានភ្ជាប់ទៅប្រទេសតួកម៉េនីស្ថាន និងចុងក្រោយភ្ជាប់ទៅកាន់អ៊ូសបេគីស្ថានផង។ ប៉ុន្តែ គម្រោងឥណ្ឌាសាងសង់ផ្លូវសម្រាប់តភ្ជាប់ទៅតំបន់អាស៊ីកណ្តាលតាមកំពង់ផែអ៊ីរ៉ង់មានភាពយឺតយ៉ាវខ្លាំង ព្រោះតែបញ្ហានយោបាយផ្ទៃក្នុងអ៊ីរ៉ង់ និងទណ្ឌកម្មប្រឆាំងអ៊ីរ៉ង់របស់អង្គការសហប្រជាជាតិ។
ត្រលប់មកវិញ ជុំវិញដំណើរទស្សនកិច្ចនេះដែរ ប្រមុខរដ្ឋាភិបាលឥណ្ឌា ទៅទស្សនកិច្ចរដ្ឋទាំង ៥ នៅអាស៊ីកណ្តាល និង ទៅកាន់ប្រទេសរុស្ស៊ីផងដែរ។ យន្តហោះរបស់នាយរដ្ឋមន្ត្រីឥណ្ឌាលោក ម៉ូឌី បានចុះចតនៅ អ៊ូសបេគីស្ថានកាលពីម្សិលមិញ ហើយនៅថ្ងៃអង្គារនេះទើបលោកចាកចេញទៅកាន់ប្រទេសកាហ្សាក់ស្ថាន។
បន្ទាប់មកទៀតលោក នឹងបន្តដំណើរឆ្ពោះទៅកាន់ទីក្រុង អ៊ូហ្វា (Ufa)ប្រទេសរុស្ស៊ី ដើម្បីចូលរួមសន្និសីទកំពូលប្រទេសមហាអំណាចសេដ្ឋកិច្ចថ្មី BRICS និងសន្និសីកំពូលនៃអង្គការកិច្ចសហប្រតិបត្តិការសៀងហៃផង។ ក្រោយបញ្ចប់សន្និសីទទាំងពីរនេះនៅរុស្ស៊ី លោក ម៉ូឌី នឹងបន្តទស្សនកិច្ចនៅតួកម៉េនីស្ថាននៅថ្ងៃ ១០កក្កដា គៀហ្ស៊ីស្ថាននៅថ្ងៃ ១១ និងចុងក្រោយនៅតាហ្ស៊ីគីស្ថាននៅថ្ងៃ ១។ គេរំពឹងថា នាយករដ្ឋមន្ត្រីឥណ្ឌា នឹងជួបពិភាក្សាលក្ខណៈទ្វេភាគីជាមួយសមភាគីលោក គឺនាយករដ្ឋមន្ត្រីប៉ាគីស្ថានលោក Nawaz Sharif ដើម្បីពិភាក្សាពីទំនាក់ទំនងឥណ្ឌានិងប៉ាគីស្ថាននាពេលបច្ចប្បន្នផង នៅក្រៅសន្និសីទកំពូលខាងលើ៕
© រក្សាសិទ្ធិដោយ thmeythmey.com
