អន្តរជាតិ
មេដឹកនាំរដ្ឋមហាអំណាចសេដ្ឋកិច្ចថ្មី BRICS ត្រៀមបើកធនាគារខ្លួនជាផ្លូវការ
×![]()
កិច្ចប្រជុំកំពូលលើកទី៧ប្រទេសមហាអំណាចសេដ្ឋកិច្ចថ្មីដែលហៅកាត់ថា BRICS ចាប់ផ្តើមនៅថ្ងៃពុធនេះ ដោយមានវត្តមានប្រមុខរដ្ឋនិងប្រមុខរដ្ឋាភិបាលនៃប្រទេសជាសមាជិកចូលរួម។ ឆ្នាំនេះ រុស្ស៊ីធ្វើជាម្ចាស់ផ្ទះនៃកិច្ចប្រជុំកំពូលនេះ ហើយគេរំពឹងថាមេដឹកនាំទាំងអស់នឹងមានលទ្ធភាពអនុម័តផែនការសេដ្ឋកិច្ចថ្មី ព្រមទាំងប្រកាសបើកធនាគារអភិវឌ្ឍន៍របស់ខ្លួនជាផ្លូវការផងដែរ ដែលស្ថាប័នហិរញ្ញវត្ថុថ្មីនេះនឹងដើរតួរជាគូប្រជែងស្ថាប័នហិរញ្ញវត្ថុលោកខាងលិច។
លោក ជាវ សំណាង លម្អិតព័ត៌មាននេះ
ប្រមុខរដ្ឋនិងប្រមុខរដ្ឋាភិបាលប្រទេសមហាអំណាចសេដ្ឋកិច្ចជាន់ថ្មី ដែលគ្រប់គ្នាស្គាល់ថាជាក្រុម BRICS មានសមាជិកដូចជាប្រេស៊ីល រុស្ស៊ី ឥណ្ឌា ចិន និងអាហ្វ្រិកខាងត្បូងកំពុងមានវត្តមាននៅក្នុងតំបន់ Ufa ប្រទេសរុស្ស៊ី។ មេដឹកនាំប្រទេសទាំង ៥ ជួបគ្នានៅរុស្ស៊ីនៅក្នុងសន្និសីទកំពូលប្រចាំឆ្នាំលើកទី៧ ដោយឆ្នាំនេះ រុស្ស៊ីជាម្ចាស់ផ្ទះនៃកិច្ចប្រជុំផង។
កិច្ចប្រជុំនេះចាប់ផ្តើមនៅថ្ងៃពុធនេះ ហើយនឹងត្រូវបិទបញ្ចប់នៅថ្ងៃព្រហស្បតិ៍ ប៉ុន្តែកិច្ចការសំខាន់ៗជាច្រើនដែលត្រូវសម្រេចអំឡុងពេលប្រជុំនេះ។ គេរំពឹងថា ប្រមុខរដ្ឋ និងប្រមុខរដ្ឋាភិបាលប្រទេសទាំង៥នឹងអនុម័តផែនការសេដ្ឋកិច្ចថ្មីរបស់ខ្លួន ព្រមទាំងសម្រេចបើកធនាគារអភិវឌ្ឍន៍របស់ខ្លួនជាផ្លូវការផងដែរ។ ធនាគារអភិវឌ្ឍន៍ថ្មីរបស់បណ្តារដ្ឋ BRICS នេះនឹងដើរតួនាទីជាដៃគូប្រជែងរបស់ស្ថាប័នហិរញ្ញវត្ថុលោកខាងលិចឯទៀ តដូចជាធនាគារពិភពលោក និងមូលនិធិរូបីយវត្ថុអន្តរជាតិជាដើម។
ប៉ុន្តែគោលដៅចម្បងរបស់ធនាគារ BRICS គឺផ្តល់កម្ចីដើម្បីលើកកម្ពស់ការកសាងហេដ្ឋារចនាសម្ព័ន្ធរូបវ័ន្តនៅក្នុងបណ្តាប្រទេសកំពុងអភិវឌ្ឍន៍ជុំវិញពិភពលោក ដែលជំរុញឲ្យមានការផ្សាភ្ជាប់គ្នាទៅវិញទៅមក។ គេរំពឹងថាធនាគារនេះនឹងមានតួនាទីប្រសើរជាងស្ថាប័នហិរញ្ញវត្ថុលោកខាងលិច ដែលស្ថាប័នទាំងនោះភាគច្រើនស្ថិតក្រោមឥទ្ធិលោកខាងលិច និងមានភាពលម្អៀង។ សូមរំលឹកបន្តិចថា កាលពីថ្មីៗកន្លងមកនេះ រុស្ស៊ីក៏បានហារមាត់អញ្ជើញក្រិកឲ្យចូលរួមជាសមាជិកធនាគាររបស់ក្រុមខ្លួនដែរ ប៉ុន្តែសំណើរនេះកំពុងស្ថិតនៅក្រោមការពិចារណារបស់រដ្ឋាភិបាលក្រុងអាថែននៅឡើយ។
ក្រៅពីកសាងផែនការសេដ្ឋកិច្ច និងបង្កើតធនាគាររួមគ្នា ប្រទេស BRICS ក៏បានព្យាយាមជំរុញឲ្យមានការលើកកម្ពស់ចំណងមិត្តភាព កិច្ចសហប្រតិបត្តិការធុរកិច្ច សង្គម និងវប្បធម៌ រវាងរដ្ឋនិងរដ្ឋជាសមាជិកផងដែរ។ ហើយប្រទេសទាំងនេះក៏មានគម្រោងបង្កើតឲ្យមានកិច្ចសន្ទនាកម្រិតសភាផងដែរ ក្នុងរយៈពេលប៉ុន្មានឆ្នាំចុងក្រោយ។ ប្រទេស BRICS រំពឹងថាការបង្កើនការផ្សាភ្ជាប់រវាងរដ្ឋសមាជិក ជាអ្វីដែលជំរុញឲ្យពួកគេអាចសម្រេចជោគជ័យក្នុងការធ្វើការ និងដើរផ្លូវរួមគ្នាទៅថ្ងៃមុខ។
ដោយឡែក បើនិយាយពីទំហំពាណិជ្ជកម្ម រួមគ្នារបស់ក្រុមនេះ កើនដល់ ២៩១ពាន់លានដុល្លារអាមេរិក គិតត្រឹមឆ្នាំ ២០១៤កន្លងទៅ។ បើតាម រដ្ឋមន្ត្រីអភិវឌ្ឍន៍សេដ្ឋកិច្ចរុស្ស៊ីលោក អាឡិចសៃ អ៊ូលូកាយី (Alexei Ulyukayey) ការកើនឡើងនៃទំហំពាណិជ្ជកម្មរបស់សមាជិកនេះបង្ហាញយ៉ាងច្បាស់ថា សមាជិកទាំង៥កំពុងដើរលើផ្លូវត្រូវ ដើម្បីឈានទៅអភិវឌ្ឍកិច្ចសហប្រតិបត្តិការលើវិស័យសេដ្ឋកិច្ចក្នុងពេលរយៈពេលខ្លី។
សូមបញ្ជាក់ថា រុស្ស៊ីកំពុងធ្វើជាប្រធានក្រុម BRICS នៅក្នុងឆ្នាំនេះ ហើយបន្ទាប់ពីកិច្ចប្រជុំនេះបិទបញ្ចប់ទៅ ក្រុងម៉ូស្គូក៏នឹងធ្វើជាម្ចាស់ផ្ទះនៃកិច្ចប្រជុំកំពូលរដ្ឋសមាជិកអង្គការកិច្ចសហប្រតិបត្តិការសៀងហៃផងដែរ៕
លោក ជាវ សំណាង លម្អិតព័ត៌មាននេះ
ប្រមុខរដ្ឋនិងប្រមុខរដ្ឋាភិបាលប្រទេសមហាអំណាចសេដ្ឋកិច្ចជាន់ថ្មី ដែលគ្រប់គ្នាស្គាល់ថាជាក្រុម BRICS មានសមាជិកដូចជាប្រេស៊ីល រុស្ស៊ី ឥណ្ឌា ចិន និងអាហ្វ្រិកខាងត្បូងកំពុងមានវត្តមាននៅក្នុងតំបន់ Ufa ប្រទេសរុស្ស៊ី។ មេដឹកនាំប្រទេសទាំង ៥ ជួបគ្នានៅរុស្ស៊ីនៅក្នុងសន្និសីទកំពូលប្រចាំឆ្នាំលើកទី៧ ដោយឆ្នាំនេះ រុស្ស៊ីជាម្ចាស់ផ្ទះនៃកិច្ចប្រជុំផង។
កិច្ចប្រជុំនេះចាប់ផ្តើមនៅថ្ងៃពុធនេះ ហើយនឹងត្រូវបិទបញ្ចប់នៅថ្ងៃព្រហស្បតិ៍ ប៉ុន្តែកិច្ចការសំខាន់ៗជាច្រើនដែលត្រូវសម្រេចអំឡុងពេលប្រជុំនេះ។ គេរំពឹងថា ប្រមុខរដ្ឋ និងប្រមុខរដ្ឋាភិបាលប្រទេសទាំង៥នឹងអនុម័តផែនការសេដ្ឋកិច្ចថ្មីរបស់ខ្លួន ព្រមទាំងសម្រេចបើកធនាគារអភិវឌ្ឍន៍របស់ខ្លួនជាផ្លូវការផងដែរ។ ធនាគារអភិវឌ្ឍន៍ថ្មីរបស់បណ្តារដ្ឋ BRICS នេះនឹងដើរតួនាទីជាដៃគូប្រជែងរបស់ស្ថាប័នហិរញ្ញវត្ថុលោកខាងលិចឯទៀ តដូចជាធនាគារពិភពលោក និងមូលនិធិរូបីយវត្ថុអន្តរជាតិជាដើម។
ប៉ុន្តែគោលដៅចម្បងរបស់ធនាគារ BRICS គឺផ្តល់កម្ចីដើម្បីលើកកម្ពស់ការកសាងហេដ្ឋារចនាសម្ព័ន្ធរូបវ័ន្តនៅក្នុងបណ្តាប្រទេសកំពុងអភិវឌ្ឍន៍ជុំវិញពិភពលោក ដែលជំរុញឲ្យមានការផ្សាភ្ជាប់គ្នាទៅវិញទៅមក។ គេរំពឹងថាធនាគារនេះនឹងមានតួនាទីប្រសើរជាងស្ថាប័នហិរញ្ញវត្ថុលោកខាងលិច ដែលស្ថាប័នទាំងនោះភាគច្រើនស្ថិតក្រោមឥទ្ធិលោកខាងលិច និងមានភាពលម្អៀង។ សូមរំលឹកបន្តិចថា កាលពីថ្មីៗកន្លងមកនេះ រុស្ស៊ីក៏បានហារមាត់អញ្ជើញក្រិកឲ្យចូលរួមជាសមាជិកធនាគាររបស់ក្រុមខ្លួនដែរ ប៉ុន្តែសំណើរនេះកំពុងស្ថិតនៅក្រោមការពិចារណារបស់រដ្ឋាភិបាលក្រុងអាថែននៅឡើយ។
ក្រៅពីកសាងផែនការសេដ្ឋកិច្ច និងបង្កើតធនាគាររួមគ្នា ប្រទេស BRICS ក៏បានព្យាយាមជំរុញឲ្យមានការលើកកម្ពស់ចំណងមិត្តភាព កិច្ចសហប្រតិបត្តិការធុរកិច្ច សង្គម និងវប្បធម៌ រវាងរដ្ឋនិងរដ្ឋជាសមាជិកផងដែរ។ ហើយប្រទេសទាំងនេះក៏មានគម្រោងបង្កើតឲ្យមានកិច្ចសន្ទនាកម្រិតសភាផងដែរ ក្នុងរយៈពេលប៉ុន្មានឆ្នាំចុងក្រោយ។ ប្រទេស BRICS រំពឹងថាការបង្កើនការផ្សាភ្ជាប់រវាងរដ្ឋសមាជិក ជាអ្វីដែលជំរុញឲ្យពួកគេអាចសម្រេចជោគជ័យក្នុងការធ្វើការ និងដើរផ្លូវរួមគ្នាទៅថ្ងៃមុខ។
ដោយឡែក បើនិយាយពីទំហំពាណិជ្ជកម្ម រួមគ្នារបស់ក្រុមនេះ កើនដល់ ២៩១ពាន់លានដុល្លារអាមេរិក គិតត្រឹមឆ្នាំ ២០១៤កន្លងទៅ។ បើតាម រដ្ឋមន្ត្រីអភិវឌ្ឍន៍សេដ្ឋកិច្ចរុស្ស៊ីលោក អាឡិចសៃ អ៊ូលូកាយី (Alexei Ulyukayey) ការកើនឡើងនៃទំហំពាណិជ្ជកម្មរបស់សមាជិកនេះបង្ហាញយ៉ាងច្បាស់ថា សមាជិកទាំង៥កំពុងដើរលើផ្លូវត្រូវ ដើម្បីឈានទៅអភិវឌ្ឍកិច្ចសហប្រតិបត្តិការលើវិស័យសេដ្ឋកិច្ចក្នុងពេលរយៈពេលខ្លី។
សូមបញ្ជាក់ថា រុស្ស៊ីកំពុងធ្វើជាប្រធានក្រុម BRICS នៅក្នុងឆ្នាំនេះ ហើយបន្ទាប់ពីកិច្ចប្រជុំនេះបិទបញ្ចប់ទៅ ក្រុងម៉ូស្គូក៏នឹងធ្វើជាម្ចាស់ផ្ទះនៃកិច្ចប្រជុំកំពូលរដ្ឋសមាជិកអង្គការកិច្ចសហប្រតិបត្តិការសៀងហៃផងដែរ៕
© រក្សាសិទ្ធិដោយ thmeythmey.com
