អន្តរជាតិ
នយោបាយអន្តរជាតិ
ហ្វីលីពីនចំណាយពេលឥតប្រយោជន៍ដោះស្រាយជម្លោះសមុទ្រចិននៅមជ្ឈត្តការអន្តរជាតិ
×![]()
ទោះបីចិនចង់ឬមិនចង់ហ្វីលីពីននៅស្នើឲ្យមជ្ឈត្តការអន្តរជាតិបើកនីតិវិធីជំនុំជម្រះលើបញ្ហាសមុទ្រចិនខាងត្បូងដោយគ្មានភាគីចិន។ជុំវិញបញ្ហានេះគេរំពឹងទុកជាមុនថាហ្វីលីពីនអាចចំណាយពេលអត់ប្រយោជន៍ព្រោះចរិកលក្ខណៈរបស់មជ្ឈត្តវិនិឆ្ឆ័យរបស់តុលាការនិងអវត្តមានភាគីចិនផងដែរនោះ។
ម្សិលមិញមជ្ឈត្តការអន្តរជាតិអង្គការសហប្រជាជាតិបានចាប់ដំណើរការសវនាការលើបញ្ហាសមុទ្រចិនខាងត្បូង តបតាមបណ្តឹងរបស់ហ្វីលីពីនទោះជាមិនមានវត្តមានចិនចូលរួមក៏ដោយ។សវនការនេះនឹងកំណត់យុត្តាធិការរបស់តុលាការមជ្ឈត្តការអន្តរជាតិនិងឈានទៅដល់ការសម្រេចលើសកម្មភាពបំពានរបស់ចិននៅតំបន់ជម្លោះសមុទ្រចិនខាងត្បូង។
ហ្វីលីពីនដែលជាដើមបណ្តឹងបានអះអាងខ្លួនថារដ្ឋាភិបាលមានលក្ខណៈគ្រប់គ្រាន់ក្នុងការបង្ហាញលិខិតតូបករណ៍និងភស្តុតាងទាំងឡាយដើម្បីចោទប្រកាន់និងដាក់បន្ទុកទៅលើភាគីចិនលើការបំពានដែនអធិបតេយ្យរបស់ខ្លួន។ហ្វីលីពីនក៏បានបញ្ជាក់ថាខ្លួននឹងអាចមានលទ្ធភាពឈ្នះក្តីបញ្ហាអធិបតេយ្យនេះផងដែរ។
ដោយឡែកសម្រាប់ភាគីចិនដែលជាតួអង្គដ៏សំខាន់ក្នុងរឿងជម្លោះសមុទ្រខាងត្បូងហើយកំពុងរងការចោទប្រកាន់ពីហ្វីលីពីនហាក់ដូចជាមិនសូវខ្វល់ខ្វាយចំពោះការដោះស្រាយជម្លោះតាមច្បាប់អន្តរជាតិនោះទេ។ក្នុងនោះ រដ្ឋាភិបាលក្រុងប៉េកាំងក៏បានប្រកាសជាផ្លូវការថាខ្លួននឹងមិនចូលរួមក្នុងនីតិជំនុំជម្រះរបស់មជ្ឈត្តការអន្តរជាតិនោះទេ។
គួរបញ្ជាក់ផងដែរថាមជ្ឈត្តការនៃតុលាការអចិន្ត្រៃយ៍គឺជានីតិវិធីមួយនៃការជំនុំជម្រះក្តីដែលធ្វើឡើងក្រោមការព្រមព្រៀងពីសំណាក់គូភាគី។បន្ថែមពីនេះដើម្បីដំណើរការនីតិវិធីគូភាគីមានសិទ្ធិក្នុងការជ្រើសរើសមជ្ឈត្តកររៀងៗខ្លួនឬមជ្ឈត្តការជាអ្នករៀបចំ។ក្នុងករណីជម្លោះសមុទ្រចិនខាងត្បូង គេឃើញមានតែភាគីហ្វីលីពីនតែមួយគត់ដែលមានវត្តមាន។នេះអាចឲ្យគេសន្និដ្ឋានបានមុនថាមជ្ឈត្តវិនិច្ឆ័យរបស់តុលាការនេះនឹងគ្មានន័យអ្វីឡើយ។ ហើយប្រសិនបើតុលាការសម្រេចថាមានយុត្តាធិការលើសំណុំរឿងនេះនិងរកឃើញថាចិនបានបំពានមែននោះក៏គ្មានកម្លាំងចាប់បង្ខំភាគីចិនដែរ។
សូមរំលឹកថាបញ្ហាសមុទ្រចិនខាងត្បូងមិនមែនជាបញ្ហារបស់ហ្វីលីពីននិងចិនប៉ុណ្ណោះទេវាក៍មានជាប់ពាក់ពន្ធ័ជាមួយនឹងរដ្ឋអាស៊ានផ្សេងទៀតរួមមានប្រ៊ុយណេម៉ាឡេស៊ីនិងវៀតណាមផងដែរ។ហើយឬសគល់ដែលធ្វើឲ្យបញ្ហាមិនអាចដោះស្រាយដាច់ស្រេចនោះព្រោះតែរដ្ឋជាប់ពាក់ពន្ធ័នីមួយៗសុទ្ធតែប្រើប្រាស់ភស្តុតាងផ្សេងៗគ្នាដើម្បីទាមទារ។មួយវិញទៀតមូលហេតុដែលរុញច្រានហ្វីលីពីនឈានទៅដល់ការដោះស្រាយនៅតុលាការអន្តរជាតិមួយនេះនោះក៏ព្រោះតែស្ថាប័នក្នុងតំបន់អាស៊ានមិនអាចជួយអ្វីបានក្នុងការឆ្លើយតបទៅនឹងសកម្មភាពបំពានរបស់ចិន៕
ម្សិលមិញមជ្ឈត្តការអន្តរជាតិអង្គការសហប្រជាជាតិបានចាប់ដំណើរការសវនាការលើបញ្ហាសមុទ្រចិនខាងត្បូង តបតាមបណ្តឹងរបស់ហ្វីលីពីនទោះជាមិនមានវត្តមានចិនចូលរួមក៏ដោយ។សវនការនេះនឹងកំណត់យុត្តាធិការរបស់តុលាការមជ្ឈត្តការអន្តរជាតិនិងឈានទៅដល់ការសម្រេចលើសកម្មភាពបំពានរបស់ចិននៅតំបន់ជម្លោះសមុទ្រចិនខាងត្បូង។
ហ្វីលីពីនដែលជាដើមបណ្តឹងបានអះអាងខ្លួនថារដ្ឋាភិបាលមានលក្ខណៈគ្រប់គ្រាន់ក្នុងការបង្ហាញលិខិតតូបករណ៍និងភស្តុតាងទាំងឡាយដើម្បីចោទប្រកាន់និងដាក់បន្ទុកទៅលើភាគីចិនលើការបំពានដែនអធិបតេយ្យរបស់ខ្លួន។ហ្វីលីពីនក៏បានបញ្ជាក់ថាខ្លួននឹងអាចមានលទ្ធភាពឈ្នះក្តីបញ្ហាអធិបតេយ្យនេះផងដែរ។
ដោយឡែកសម្រាប់ភាគីចិនដែលជាតួអង្គដ៏សំខាន់ក្នុងរឿងជម្លោះសមុទ្រខាងត្បូងហើយកំពុងរងការចោទប្រកាន់ពីហ្វីលីពីនហាក់ដូចជាមិនសូវខ្វល់ខ្វាយចំពោះការដោះស្រាយជម្លោះតាមច្បាប់អន្តរជាតិនោះទេ។ក្នុងនោះ រដ្ឋាភិបាលក្រុងប៉េកាំងក៏បានប្រកាសជាផ្លូវការថាខ្លួននឹងមិនចូលរួមក្នុងនីតិជំនុំជម្រះរបស់មជ្ឈត្តការអន្តរជាតិនោះទេ។
គួរបញ្ជាក់ផងដែរថាមជ្ឈត្តការនៃតុលាការអចិន្ត្រៃយ៍គឺជានីតិវិធីមួយនៃការជំនុំជម្រះក្តីដែលធ្វើឡើងក្រោមការព្រមព្រៀងពីសំណាក់គូភាគី។បន្ថែមពីនេះដើម្បីដំណើរការនីតិវិធីគូភាគីមានសិទ្ធិក្នុងការជ្រើសរើសមជ្ឈត្តកររៀងៗខ្លួនឬមជ្ឈត្តការជាអ្នករៀបចំ។ក្នុងករណីជម្លោះសមុទ្រចិនខាងត្បូង គេឃើញមានតែភាគីហ្វីលីពីនតែមួយគត់ដែលមានវត្តមាន។នេះអាចឲ្យគេសន្និដ្ឋានបានមុនថាមជ្ឈត្តវិនិច្ឆ័យរបស់តុលាការនេះនឹងគ្មានន័យអ្វីឡើយ។ ហើយប្រសិនបើតុលាការសម្រេចថាមានយុត្តាធិការលើសំណុំរឿងនេះនិងរកឃើញថាចិនបានបំពានមែននោះក៏គ្មានកម្លាំងចាប់បង្ខំភាគីចិនដែរ។
សូមរំលឹកថាបញ្ហាសមុទ្រចិនខាងត្បូងមិនមែនជាបញ្ហារបស់ហ្វីលីពីននិងចិនប៉ុណ្ណោះទេវាក៍មានជាប់ពាក់ពន្ធ័ជាមួយនឹងរដ្ឋអាស៊ានផ្សេងទៀតរួមមានប្រ៊ុយណេម៉ាឡេស៊ីនិងវៀតណាមផងដែរ។ហើយឬសគល់ដែលធ្វើឲ្យបញ្ហាមិនអាចដោះស្រាយដាច់ស្រេចនោះព្រោះតែរដ្ឋជាប់ពាក់ពន្ធ័នីមួយៗសុទ្ធតែប្រើប្រាស់ភស្តុតាងផ្សេងៗគ្នាដើម្បីទាមទារ។មួយវិញទៀតមូលហេតុដែលរុញច្រានហ្វីលីពីនឈានទៅដល់ការដោះស្រាយនៅតុលាការអន្តរជាតិមួយនេះនោះក៏ព្រោះតែស្ថាប័នក្នុងតំបន់អាស៊ានមិនអាចជួយអ្វីបានក្នុងការឆ្លើយតបទៅនឹងសកម្មភាពបំពានរបស់ចិន៕
© រក្សាសិទ្ធិដោយ thmeythmey.com
