អន្តរជាតិ
នយោបាយអន្តរជាតិ
×![]()
ប្រធានាធិបតីរុស្ស៊ីលោក វ្ល៉ាឌីមៀ ពូទីន បានស្វាគមន៍យ៉ាងកក់ក្តៅចំពោះបណ្តាប្រមុខរដ្ឋប្រមុខរដ្ឋាភិបាលប្រទេសមហាអំណាចសេដ្ឋកិច្ចថ្មី BRICS ដែលអញ្ជើញចូលរួមសន្និសីទកំពូលលើកទី៧ នាក្រុង អ៊ូហ្វា (Ufa)។ ទោះរុស្ស៊ីត្រូវលោកខាងលិចដាក់គំនៀប និងស្ថិតក្នុងភាពឯកោរក៏ដោយ ការធ្វើជាម្ចាស់ផ្ទះនៃកិច្ចប្រជុំនេះបញ្ជាក់ថា រុស្ស៊ីនៅមានមិត្តច្រើន ដែលអាចចាប់ដៃគ្នា និងធ្វើការជាមួយគ្នាបានដើម្បីប្រជែងលោកខាងលិច។
លោក ជាវ សំណាង លម្អិតព័ត៌មាននេះ
តាំងពីរុស្ស៊ីក្រសោបយកទឹកដី Crimea ពីអ៊ុយក្រែន ប្រទេសនេះស្ថិតក្រោមការដាក់សម្ពាធរបស់ក្រុមប្រទេសលោកខាងលិច។ ទណ្ឌកម្មច្រើនដំណាក់កាលត្រូវបានគេដាក់ចេញប្រឆាំងទាំងមន្ត្រី និងក្រុមហ៊ុនរបស់រុស្ស៊ីផង។ អ្វីដែលជូរចត់នោះ គឺមេដឹកនាំកំពូលរុស្ស៊ីលោក វ្ល៉ាឌីមៀ ពូទីន ត្រូវគេព្រងើយកន្តើយ គ្មានអ្នកណាអើរពើសួរនាំ ពេលទៅចូលរួមកិច្ចប្រជុំធំដែលមានវត្តមានមេដឹកនាំលោកខាងលិច។ ដូចកិច្ចប្រជុំ G20 នៅ Brisbane អូស្ត្រាលី លោក ពូ ទីន ត្រូវបង្ខំចិត្តចាកចេញពីកិច្ចប្រជុំមុនគេផង។ យ៉ាងណាក៏ដោយចុះ បញ្ហានេះលែងជារឿងចោទសម្រាប់ក្រុងម៉ូស្គូទៀតហើយ។ អាចនិយាយបានថា រុស្ស៊ីលែងឯកោតែម្នាក់ឯង និងគ្មានមិត្តទៀតហើយ។ បើទោះជាលោកខាងលិចមិនស្វាគមន៍ក្តី ក៏មហាអំណាចមួយនេះនៅមានមិត្តឯទៀតជាច្រើនចាំជ្រោមជ្រែងដែរ។
ទាំងអស់នេះ ស្តែងឡើងតាមរយៈការធ្វើម្ចាស់ផ្ទះ នៃសន្និសីទកំពូលលើកទី៧របស់រុស្ស៊ី ដោយទទួលស្វាគមន៍ក្រុមមេដឹកនាំរដ្ឋមហាអំណាចសេដ្ឋកិច្ចថ្មីមានឥណ្ឌា ប្រេស៊ីល ចិន និងអាហ្វ្រិកខាងត្បូងកាលពីម្សិលមិញ ហើយកិច្ចប្រជុំនឹងបិទបញ្ចប់ថ្ងៃនេះ។ លោក វ្ល៉ាឌីមៀ ពូទីន បង្ហាញស្នាមញញឹម បង្កប់អារម្មណ៍រីករាយក្នុងជំនួបមេដឹកនាំប្រទេសជាមិត្ត ដែលបញ្ជាក់ថារុស្ស៊ីសប្បាយចិត្តនៅពេលមានមិត្តយ៉ាងច្រើនមកប្រជុំគ្នាកុះករនៅរុស្ស៊ីនៅពេលនេះ។
លោក វ្ល៉ាឌីមៀ ពូទីន ក្រៅពីធ្វើប្រធានកិច្ចប្រជុំ លោកក៏ត្រូវជួបពិភាក្សាទ្វេភាគីជាមួយមេដឹកនាំរដ្ឋទាំងអស់ដែលមកចូលរួមប្រជុំនៅរុស្ស៊ីដែរ ដើម្បីបង្កើនកិច្ចសហប្រតិបត្តិការទ្វេភាគី។ មេដឹកនាំដែលមកចូលរួម និយាយឲ្យខ្លីសុទ្ធតែជាមិត្តរបស់រុស្ស៊ី ហើយតាមរយៈការចូលរួមនេះគេអាចវាយតម្លៃបានថាចំណងមិត្តភាពក្រុមប្រទេសទាំងនេះ កាន់តែរឹងមាំនិងសំខាន់ខ្លាំង។ ក្រៅពីធ្វើម្ចាស់ផ្ទះកិច្ចប្រជុំកំពូល BRICS រុស្ស៊ីក៏នឹងធ្វើប្រធានកិច្ចប្រជុំក្រុមប្រទេសសមាជិកអង្គការសហប្រតិបត្តិការសៀងហៃផង ដែលវេទិកានឹងមានវត្តមានបណ្តាមេដឹកនាំរដ្ឋអាស៊ីខាងត្បូងនិងអាស៊ីកណ្តាលជាច្រើនថែមទៀត។
គេរំពឹងថា រុស្ស៊ីក៏គ្រោងនឹងទាញមិត្តខ្លួន អ៊ីរ៉ង់ ដែលជាសត្រូវលោកខាងលិចចូលក្នុងវេទិការប្រតិបត្តិការសៀងហៃ។ ក្នុងជំនួបទ្វេភាគីជាមួយប្រមុខរដ្ឋចិន ប្រេស៊ីល និងអាហ្វ្រិកខាងត្បូង រួមជាមួយប្រមុខរដ្ឋាភិបាលឥណ្ឌា លោក ពូទីន បានថ្លែងអំណរគុណមេដឹកនាំទាំងអស់នេះ ដែលអញ្ជើញមកកាន់ប្រទេសរុស្ស៊ី ហើយតែងតែជ្រោមជ្រែងរុស្ស៊ីក្នុងពេលរុស្ស៊ីកំពុងប្រឈមបញ្ហាលំបាកសេដ្ឋកិច្ច ហើយព្រមដើរលើផ្លូវរួមគ្នាទៅមុខដើម្បីទៅរកភាពជោគជ័យទាំងអស់គ្នា។
បច្ចុប្បន្ន ឥទ្ធិពលក្រុមមហាអំណាចសេដ្ឋកិច្ចថ្មីនេះ កំពុងបង្កើនឥទ្ធិពលសេដ្ឋកិច្ចនិងនយោបាយនៅលើឆាកអន្តរជាតិ ដែលជាសារប្រាប់ទៅលោកខាងលិចថា គូប្រជែងថ្មីកាន់តែខ្លាំងហើយ។ ក្រុមនេះបង្កើតផែនការយុទ្ធសាស្ត្រជាច្រើន ហើយអ្វីដែលពិសេសការប្រកាសបើកធនាគារអភិវឌ្ឍន៍ BRICS ជាផ្លូវការក្នុងកិច្ចប្រជុំ ដែលធនាគារនេះនឹងក្លាយជាដៃគូប្រជែងរបស់ស្ថាប័នហិរញ្ញវត្ថុលោកខាងលិចថែមទៀត៕
លោក ជាវ សំណាង លម្អិតព័ត៌មាននេះ
តាំងពីរុស្ស៊ីក្រសោបយកទឹកដី Crimea ពីអ៊ុយក្រែន ប្រទេសនេះស្ថិតក្រោមការដាក់សម្ពាធរបស់ក្រុមប្រទេសលោកខាងលិច។ ទណ្ឌកម្មច្រើនដំណាក់កាលត្រូវបានគេដាក់ចេញប្រឆាំងទាំងមន្ត្រី និងក្រុមហ៊ុនរបស់រុស្ស៊ីផង។ អ្វីដែលជូរចត់នោះ គឺមេដឹកនាំកំពូលរុស្ស៊ីលោក វ្ល៉ាឌីមៀ ពូទីន ត្រូវគេព្រងើយកន្តើយ គ្មានអ្នកណាអើរពើសួរនាំ ពេលទៅចូលរួមកិច្ចប្រជុំធំដែលមានវត្តមានមេដឹកនាំលោកខាងលិច។ ដូចកិច្ចប្រជុំ G20 នៅ Brisbane អូស្ត្រាលី លោក ពូ ទីន ត្រូវបង្ខំចិត្តចាកចេញពីកិច្ចប្រជុំមុនគេផង។ យ៉ាងណាក៏ដោយចុះ បញ្ហានេះលែងជារឿងចោទសម្រាប់ក្រុងម៉ូស្គូទៀតហើយ។ អាចនិយាយបានថា រុស្ស៊ីលែងឯកោតែម្នាក់ឯង និងគ្មានមិត្តទៀតហើយ។ បើទោះជាលោកខាងលិចមិនស្វាគមន៍ក្តី ក៏មហាអំណាចមួយនេះនៅមានមិត្តឯទៀតជាច្រើនចាំជ្រោមជ្រែងដែរ។
ទាំងអស់នេះ ស្តែងឡើងតាមរយៈការធ្វើម្ចាស់ផ្ទះ នៃសន្និសីទកំពូលលើកទី៧របស់រុស្ស៊ី ដោយទទួលស្វាគមន៍ក្រុមមេដឹកនាំរដ្ឋមហាអំណាចសេដ្ឋកិច្ចថ្មីមានឥណ្ឌា ប្រេស៊ីល ចិន និងអាហ្វ្រិកខាងត្បូងកាលពីម្សិលមិញ ហើយកិច្ចប្រជុំនឹងបិទបញ្ចប់ថ្ងៃនេះ។ លោក វ្ល៉ាឌីមៀ ពូទីន បង្ហាញស្នាមញញឹម បង្កប់អារម្មណ៍រីករាយក្នុងជំនួបមេដឹកនាំប្រទេសជាមិត្ត ដែលបញ្ជាក់ថារុស្ស៊ីសប្បាយចិត្តនៅពេលមានមិត្តយ៉ាងច្រើនមកប្រជុំគ្នាកុះករនៅរុស្ស៊ីនៅពេលនេះ។
លោក វ្ល៉ាឌីមៀ ពូទីន ក្រៅពីធ្វើប្រធានកិច្ចប្រជុំ លោកក៏ត្រូវជួបពិភាក្សាទ្វេភាគីជាមួយមេដឹកនាំរដ្ឋទាំងអស់ដែលមកចូលរួមប្រជុំនៅរុស្ស៊ីដែរ ដើម្បីបង្កើនកិច្ចសហប្រតិបត្តិការទ្វេភាគី។ មេដឹកនាំដែលមកចូលរួម និយាយឲ្យខ្លីសុទ្ធតែជាមិត្តរបស់រុស្ស៊ី ហើយតាមរយៈការចូលរួមនេះគេអាចវាយតម្លៃបានថាចំណងមិត្តភាពក្រុមប្រទេសទាំងនេះ កាន់តែរឹងមាំនិងសំខាន់ខ្លាំង។ ក្រៅពីធ្វើម្ចាស់ផ្ទះកិច្ចប្រជុំកំពូល BRICS រុស្ស៊ីក៏នឹងធ្វើប្រធានកិច្ចប្រជុំក្រុមប្រទេសសមាជិកអង្គការសហប្រតិបត្តិការសៀងហៃផង ដែលវេទិកានឹងមានវត្តមានបណ្តាមេដឹកនាំរដ្ឋអាស៊ីខាងត្បូងនិងអាស៊ីកណ្តាលជាច្រើនថែមទៀត។
គេរំពឹងថា រុស្ស៊ីក៏គ្រោងនឹងទាញមិត្តខ្លួន អ៊ីរ៉ង់ ដែលជាសត្រូវលោកខាងលិចចូលក្នុងវេទិការប្រតិបត្តិការសៀងហៃ។ ក្នុងជំនួបទ្វេភាគីជាមួយប្រមុខរដ្ឋចិន ប្រេស៊ីល និងអាហ្វ្រិកខាងត្បូង រួមជាមួយប្រមុខរដ្ឋាភិបាលឥណ្ឌា លោក ពូទីន បានថ្លែងអំណរគុណមេដឹកនាំទាំងអស់នេះ ដែលអញ្ជើញមកកាន់ប្រទេសរុស្ស៊ី ហើយតែងតែជ្រោមជ្រែងរុស្ស៊ីក្នុងពេលរុស្ស៊ីកំពុងប្រឈមបញ្ហាលំបាកសេដ្ឋកិច្ច ហើយព្រមដើរលើផ្លូវរួមគ្នាទៅមុខដើម្បីទៅរកភាពជោគជ័យទាំងអស់គ្នា។
បច្ចុប្បន្ន ឥទ្ធិពលក្រុមមហាអំណាចសេដ្ឋកិច្ចថ្មីនេះ កំពុងបង្កើនឥទ្ធិពលសេដ្ឋកិច្ចនិងនយោបាយនៅលើឆាកអន្តរជាតិ ដែលជាសារប្រាប់ទៅលោកខាងលិចថា គូប្រជែងថ្មីកាន់តែខ្លាំងហើយ។ ក្រុមនេះបង្កើតផែនការយុទ្ធសាស្ត្រជាច្រើន ហើយអ្វីដែលពិសេសការប្រកាសបើកធនាគារអភិវឌ្ឍន៍ BRICS ជាផ្លូវការក្នុងកិច្ចប្រជុំ ដែលធនាគារនេះនឹងក្លាយជាដៃគូប្រជែងរបស់ស្ថាប័នហិរញ្ញវត្ថុលោកខាងលិចថែមទៀត៕
© រក្សាសិទ្ធិដោយ thmeythmey.com
