អន្តរជាតិ
«ខ្សែក្រវ៉ាត់អភិវឌ្ឍន៍អន្តរអឺរ៉ាស៊ីរុស្ស៊ី» និង«វិថីសូត្រចិន»នឹងផ្លាស់ប្តូរពិភពលោក
×![]()
រុស្ស៊ីត្រៀមអនុវត្ត«ខ្សែក្រវ៉ាត់អភិវឌ្ឍន៍អន្តរអឺរ៉ាស៊ី»នៅពេលខាងមុខ ដែលគម្រោងនេះនឹងជំរុញការសាងសង់ផ្លូវ និងច្រករបៀងសេដ្ឋកិច្ចឆ្លងកាត់រុស្ស៊ីដោយភ្ជាប់ពីអង់គ្លេសទៅដល់សហរដ្ឋអាមេរិកផង។ ចំណែកគំនិតផ្តួចផ្តើមរបស់ចិន «ខ្សែសេដ្ឋកិច្ច វិថីសូត្រ»វិញ ក៏នឹងលើកកម្ពស់ការផ្សាភ្ជាប់តាមការកសាងហេដ្ឋារចនាសម្ព័ន្ធគ្រប់ប្រភេទភ្ជាប់ពីអាស៊ី ទៅអឺរ៉ុប ពីអឺរ៉ុបទៅកាន់អាហ្វ្រិកផងដែរ។ គម្រោងទាំងពីរនេះនឹងបំពេញគ្នាទៅវិញទៅមក ធ្វើឲ្យពិភពលោកទាំងមូលកាន់តែគៀកជិតគ្នានិងបង្កើនកិច្ចសហប្រតិបត្តិការសេដ្ឋកិច្ចនិងសង្គមជាដើម។
លោក មុំ ពិទូរ្យ លម្អិតព័ត៌មាននេះ
ក្នុងកិច្ចប្រជុំក្រុមប្រឹក្សាធុរៈកិច្ចប្រទេសមហាអំណាចសេដ្ឋកិច្ចថ្មី BRICS ប្រធានស្ថាប័នអយស្ម័យានរុស្ស៊ីលោក Vladimir Yakunin បានអះអាងថា គំនិតផ្តួចផ្តើមរបស់រុស្ស៊ី «ខ្សែក្រវ៉ាត់អភិវឌ្ឍន៍អន្តរអឺរ៉ាស៊ី» នឹងក្លាយជាគម្រោងដ៏សំខាន់មួយជួយបំពេញបន្ថែមគម្រោងខ្សែក្រវ៉ាត់មួយវិថីមួយរបស់ចិន ដោយរួមគ្នាបង្កើនការផ្សាភ្ជាប់ និងនាំមកការអភិវឌ្ឍន៍រួមគ្នាទាំងប្រទេសអ្នកមាននិងអ្នកក្រទូទាំងពិភពលោក។ ការផ្សាភ្ជាប់ជាកម្លាំងចលករជំរុញឲ្យមានការបង្កើតកិច្ចសហប្រតិបតិ្តការសេដ្ឋកិច្ច ពាណិជ្ជកម្ម និង កសាងទំនុកចិត្តរវាងបណ្តារដ្ឋ។
គំនិតផ្តួចផ្តើមរបស់រុស្ស៊ីនេះត្រូវបានគេស្នើឡើងដំបូងបំផុតកាលពីខែមិនាកន្លងទៅ ប៉ុន្តែអ្នកជំនាញកំពុងសិក្សាថាតើគម្រោងនេះនឹងត្រូវអនុវត្តបែបណា និងចំណាយពេលប៉ុណ្ណា។ បើតាមលោក Yakuninគម្រោងនេះផ្តើមចេញដោយការសាងសង់ផ្លូវដែក និងច្រករបៀងសេដ្ឋកិច្ចផ្សេងទៀតឆ្លងកាត់តំបន់រុស្ស៊ីជាពិសេសតំបន់ស៊ីបេរីទាំងមូលតែម្តង ដោយផ្លូវនេះភ្ជាប់ពីចក្រភពអង់គ្លេសទៅកាន់រដ្ឋអាឡាស្ការបស់អាមេរិក។ មន្ត្រីក្រុងម៉ូស្គូខាងលើ ក៏បានលើកសរសើរពីគម្រោងរបស់ក្រុងប៉េកាំងក្នុងការលើកកម្ពស់ការសាងសង់ហេដ្ឋារចនាសម្ព័ន្ធផងដែរ ហើយលោកសង្កត់ធ្ងន់ថា គម្រោងរបស់រុស្ស៊ីនឹងជួយបំពេញបន្ថែមគំនិតផ្តួចផ្តើមរបស់ចិន «ខ្សែក្រវ៉ាត់សេដ្ឋកិច្ច វិថីសូត្រ»។
ខ្សែមួយវិថីមួយរបស់ក្រុងប៉េកាំងត្រូវបានបង្កើតឡើងដើម្បីជំរុញឲ្យមានដំណើរសមាហរណកម្មពាណិជ្ជកម្ម និងការវិនិយោគនៅក្នុងបណ្តាប្រទេសនានាដែលស្ថិតនៅជិតវិថីសូត្រសម័យបុរាណឆ្លងកាត់ពីអាស៊ីកណ្តាល អាស៊ីខាងលិច មជ្ឈិមបូព៌ា និងឆ្លងទៅដល់អឺរ៉ុបថែមទៀតផង។
គំនិតផ្តួចផ្តើមមួយនេះទទួលបានការគាំទ្រច្រើនកន្លងមក ដោយគ្រប់គ្នារំពឹងថា មានផ្លូវមានសង្ឃឹម។ ហើយការគាំទ្រការសាងសង់ផ្លូវដែក ផ្លូវគោក រួមមានទាំងកំពង់ផែសមុទ្ររបស់ក្រុងប៉េកាំង នឹងត្រួសត្រាយផ្លូវឲ្យប្រទេសទាំងអស់ជាពិសេសប្រទេសកំពុងអភិវឌ្ឍន៍អាចទាញយកផលប្រយោជន៍ពីលំហូវិនិយោគ សម្រួលដល់ការដឹកជញ្ជូនទំនិញទៅមក និង កាត់បន្ថយការចំណាយផ្សេងៗ ។
ជារឿងមិនអាចប្រកែកបាន គំនិតផ្តួចផ្តើមរបស់ចិន ជាផែនការយុទ្ធសាស្ត្រសម្រាប់អភិវឌ្ឍន៍សេដ្ឋកិច្ច ដែលគម្រោងប្រភេទនេះក៏នឹងអាចជួយរុស្ស៊ីច្រើនដែរនៅពេលខាងមុខ។ រុស្ស៊ីពឹងផ្អែកច្រើនលើទីផ្សាលោកខាងលិច ដើម្បីរក្សាកំណើនសេដ្ឋកិច្ច ព្រោះការផ្សាភ្ជាប់ទៅកាន់បណ្តារដ្ឋផ្សេងទៀតនៅអាស៊ីកណ្តាល មជ្ឈិមបូព៌ាជាដើមនៅមានកម្រិតនៅឡើយ។ ម្យ៉ាងទណ្ឌកម្មលោកខាងលិចច្រើនដំណាក់កាលប្រឆាំងរុស្ស៊ីដោយសារវិបត្តិអ៊ុយក្រែន បានបង្ខំឲ្យរុស្ស៊ីរកផែនការថ្មី ដោយបង្វែរទិសដៅទៅរកទីផ្សារផ្សេងទៀតជំនួសទីផ្សាអឺរ៉ុបវិញ៕
លោក មុំ ពិទូរ្យ លម្អិតព័ត៌មាននេះ
ក្នុងកិច្ចប្រជុំក្រុមប្រឹក្សាធុរៈកិច្ចប្រទេសមហាអំណាចសេដ្ឋកិច្ចថ្មី BRICS ប្រធានស្ថាប័នអយស្ម័យានរុស្ស៊ីលោក Vladimir Yakunin បានអះអាងថា គំនិតផ្តួចផ្តើមរបស់រុស្ស៊ី «ខ្សែក្រវ៉ាត់អភិវឌ្ឍន៍អន្តរអឺរ៉ាស៊ី» នឹងក្លាយជាគម្រោងដ៏សំខាន់មួយជួយបំពេញបន្ថែមគម្រោងខ្សែក្រវ៉ាត់មួយវិថីមួយរបស់ចិន ដោយរួមគ្នាបង្កើនការផ្សាភ្ជាប់ និងនាំមកការអភិវឌ្ឍន៍រួមគ្នាទាំងប្រទេសអ្នកមាននិងអ្នកក្រទូទាំងពិភពលោក។ ការផ្សាភ្ជាប់ជាកម្លាំងចលករជំរុញឲ្យមានការបង្កើតកិច្ចសហប្រតិបតិ្តការសេដ្ឋកិច្ច ពាណិជ្ជកម្ម និង កសាងទំនុកចិត្តរវាងបណ្តារដ្ឋ។
គំនិតផ្តួចផ្តើមរបស់រុស្ស៊ីនេះត្រូវបានគេស្នើឡើងដំបូងបំផុតកាលពីខែមិនាកន្លងទៅ ប៉ុន្តែអ្នកជំនាញកំពុងសិក្សាថាតើគម្រោងនេះនឹងត្រូវអនុវត្តបែបណា និងចំណាយពេលប៉ុណ្ណា។ បើតាមលោក Yakuninគម្រោងនេះផ្តើមចេញដោយការសាងសង់ផ្លូវដែក និងច្រករបៀងសេដ្ឋកិច្ចផ្សេងទៀតឆ្លងកាត់តំបន់រុស្ស៊ីជាពិសេសតំបន់ស៊ីបេរីទាំងមូលតែម្តង ដោយផ្លូវនេះភ្ជាប់ពីចក្រភពអង់គ្លេសទៅកាន់រដ្ឋអាឡាស្ការបស់អាមេរិក។ មន្ត្រីក្រុងម៉ូស្គូខាងលើ ក៏បានលើកសរសើរពីគម្រោងរបស់ក្រុងប៉េកាំងក្នុងការលើកកម្ពស់ការសាងសង់ហេដ្ឋារចនាសម្ព័ន្ធផងដែរ ហើយលោកសង្កត់ធ្ងន់ថា គម្រោងរបស់រុស្ស៊ីនឹងជួយបំពេញបន្ថែមគំនិតផ្តួចផ្តើមរបស់ចិន «ខ្សែក្រវ៉ាត់សេដ្ឋកិច្ច វិថីសូត្រ»។
ខ្សែមួយវិថីមួយរបស់ក្រុងប៉េកាំងត្រូវបានបង្កើតឡើងដើម្បីជំរុញឲ្យមានដំណើរសមាហរណកម្មពាណិជ្ជកម្ម និងការវិនិយោគនៅក្នុងបណ្តាប្រទេសនានាដែលស្ថិតនៅជិតវិថីសូត្រសម័យបុរាណឆ្លងកាត់ពីអាស៊ីកណ្តាល អាស៊ីខាងលិច មជ្ឈិមបូព៌ា និងឆ្លងទៅដល់អឺរ៉ុបថែមទៀតផង។
គំនិតផ្តួចផ្តើមមួយនេះទទួលបានការគាំទ្រច្រើនកន្លងមក ដោយគ្រប់គ្នារំពឹងថា មានផ្លូវមានសង្ឃឹម។ ហើយការគាំទ្រការសាងសង់ផ្លូវដែក ផ្លូវគោក រួមមានទាំងកំពង់ផែសមុទ្ររបស់ក្រុងប៉េកាំង នឹងត្រួសត្រាយផ្លូវឲ្យប្រទេសទាំងអស់ជាពិសេសប្រទេសកំពុងអភិវឌ្ឍន៍អាចទាញយកផលប្រយោជន៍ពីលំហូវិនិយោគ សម្រួលដល់ការដឹកជញ្ជូនទំនិញទៅមក និង កាត់បន្ថយការចំណាយផ្សេងៗ ។
ជារឿងមិនអាចប្រកែកបាន គំនិតផ្តួចផ្តើមរបស់ចិន ជាផែនការយុទ្ធសាស្ត្រសម្រាប់អភិវឌ្ឍន៍សេដ្ឋកិច្ច ដែលគម្រោងប្រភេទនេះក៏នឹងអាចជួយរុស្ស៊ីច្រើនដែរនៅពេលខាងមុខ។ រុស្ស៊ីពឹងផ្អែកច្រើនលើទីផ្សាលោកខាងលិច ដើម្បីរក្សាកំណើនសេដ្ឋកិច្ច ព្រោះការផ្សាភ្ជាប់ទៅកាន់បណ្តារដ្ឋផ្សេងទៀតនៅអាស៊ីកណ្តាល មជ្ឈិមបូព៌ាជាដើមនៅមានកម្រិតនៅឡើយ។ ម្យ៉ាងទណ្ឌកម្មលោកខាងលិចច្រើនដំណាក់កាលប្រឆាំងរុស្ស៊ីដោយសារវិបត្តិអ៊ុយក្រែន បានបង្ខំឲ្យរុស្ស៊ីរកផែនការថ្មី ដោយបង្វែរទិសដៅទៅរកទីផ្សារផ្សេងទៀតជំនួសទីផ្សាអឺរ៉ុបវិញ៕
© រក្សាសិទ្ធិដោយ thmeythmey.com
