អន្តរជាតិ
អង់គ្លេស ៖ បុរសម្នាក់ប្តឹងសត្វឆ្មា និងមិត្តស្រីរបស់ខ្លួនដែលបណ្តោយឲ្យឆ្មាស៊ីសាច់ bacon ![](https://image.thmeythmey.com/pictures/2015/08/03/382015173409cat.jpg)
×![]()
អ្នកមិនបានអានច្រលំទេ បុរសម្នាក់ពិតជាបានទូរស័ព្ទហៅប៉ូលិសមកចាប់ឆ្មារបស់ខ្លួនមែន បន្ទាប់ពីវាបានស៊ីសាច់ bacon របស់ខ្លួនអស់។ មិនតែប៉ុណ្ណោះ គេថែមទាំងប្តឹងមិត្តស្រីដែលបានបណ្តោយឲ្យសត្វឆ្មាស៊ីសាច់ថែមទៀត។
ស្ថិតក្នុងសភាពស្រវឹងស្រា បុរសម្នាក់រស់នៅតំបន់ Yorkshire នៅអង់គ្លេស បានប្រាប់ប៉ូលិសតាមទូរស័ព្ទថា មិត្តស្រីរបស់ខ្លួនបានបណ្តោយឲ្យសត្វឆ្មាស៊ីសាច់ bacon របស់ខ្លួនអស់ ហើយប្រាប់ទៀតថា ខ្លួនចង់ប្តឹង។ ដោយសារស្តាប់មិនសូវច្បាស់ ប៉ូលិសសួរបញ្ជាក់ថា តើចង់ប្តឹងអ្នកណាមួយ ? មិត្តស្រី ឬសត្វឆ្មា ? បុរសនោះឆ្លើយថា៖ « ទាំងពីរ » ។ ប៉ូលិសបានឆ្លើយតបថា នេះមិនមែនជាបទល្មើសទេ ហើយបញ្ជាក់ទៀតថា៖ « សូមទោស ! យើងមិនចាប់ឆ្មាទេ »។
ដោយសារស្រវឹងស្រា បុរសនេះនៅតែនិយាយច្រំដែលមិនព្រមដាក់ទូរស័ព្ទចុះសោះ ទោះជាប៉ូលិសព្យាយាមពន្យល់យ៉ាងណាក៏ដោយ។ នៅទីបំផុត បុរសនេះក៏បាននិយាយថា៖ « មិនអីទេ។ វាមិនមែនជារឿងបន្ទាន់អីទេ ខ្ញុំរង់ចាំបាន »៕
© រក្សាសិទ្ធិដោយ thmeythmey.com