អន្តរជាតិ
×![]()
ប៉ូលីសចិន បានចាប់ខ្លួនជនសង្ស័យប្រមាណ១៥០០០នាក់ ទាក់ទងនឹងបទល្មើសតាមអ៊ិនធ័រណែត ដោយរាប់បញ្ចូលការលួចចូលក្នុងគេហទំព័រ ការក្លែងបន្លំតាមប្រពន្ធ័អ៊ិនធ័រណែត និង ការលក់ពត៌មាន ផ្ទាល់ខ្លួនខុសច្បាប់។
ម្សិលមិញនេះ ក្រសួងសន្តិសុខសាធារណៈចិន បានអះអាងថាប៉ូលីសចិនបានចាប់ខ្លួនប្រជាជន ១៥០០០នាក់ ក្នុងប្រតិបត្តិការបង្ក្រាបបទល្មើសតាមប្រពន្ធ័អ៊ិនធ័រនែត។ ការឈានដល់ការចាប់ខ្លួនជនសង្ស័យជាច្រើននាក់នេះ ធ្វើឡើងក្រោយពីមានការកើនឡើងនៃបទល្មើសតាមប្រពន្ធ័អ៊ិនធ័រនែត ជាពិសេសក្រោយពីមានការចែករំលែកពត៌មានមិនពិតទាក់ទងនឹងឧប្បទ្ទវហេតុក្នុងក្រុងTiajin។
យោងតាមរបាយការណ៍របស់ក្រសួងសន្តិសុខសាធារណៈចិន ប៉ូលីសកំពុងប្រតិបត្តិការស៊ើបអង្កេត លើសំណុំរឿងប្រមាណ៧៤០០ករណីទាក់ទងនឹងបទល្មើសតាមប្រពន្ធ័អ៊ិនធ័រនែត។ ក្នុងនោះរាប់ បញ្ចូលករណីនៃការលួចចូលគេហទំព័រ ការក្លែងបន្លំ និង លក់ពត៌មានឯកជនតាមប្រពន្ធ័អ៊ិនធ័រណែត។
យ៉ាងណាក៏ដោយប្រតិបត្តិការនេះ គឺមិនមែនជារឿងដែលគួរភ្ញាក់ផ្អើលនោះទេ។ នោះក៏ព្រោះតែគិតត្រឹមរយៈពេល៦ខែចុងក្រោយនេះ ប៉ូលីសចិន បានចុះបង្ក្រាប និង បោសសម្អាតគេទំហ័រប្រមាណ ៦៦០០០នាក់ ដែលទាក់ទងនឹងការផ្តល់ពត៌មានខុសច្បាប់ និង មានលក្ខណៈគំរាមកំហែង។
អ្វីដែលគួរកត់សម្គាល់នោះ ប្រតិបត្តិការនៃការឃាត់ខ្លួនប្រជាជនប្រមាណ១៥០០០នាក់ ចុងក្រោយនេះ គឺក្រោយពីមានឧប្បទ្ទហេតុនៃកាផ្ទុះសារធាតុគីមីក្នុងក្រុង Taijin។ នោះ គឺក្រោយពីរដ្ឋាភិបាលមានភាព យឺតយ៉ាវក្នុងការឆ្លើយតបទៅនឹងការខូចខាតយ៉ាងធ្ងន់ធ្ងរ ហើយត្រូវបានអ្នកប្រើប្រាស់បណ្តាញសង្គម និង ប្រពន្ធ័អ៊ិនធ័រនែត ផ្សព្វផ្សាយនូវពត៌មានរិះគន់ជាច្រើន។
សូមរម្លឹកផងដែរថា ចិន គឺជាប្រទេសមួយដែលត្រូវបានគេស្គាល់ថា មានការរឹតត្បិតលើប្រពន្ធ័អ៊ិនធ័រ នែតខ្លាំង។ យ៉ាងណាមិញ ប្រជាជន ក៏ត្រូវបានគេស្គាល់ថាជាអ្នកដែលពូកែក្នុងការប្រើប្រាស់ និង គ្រប់គ្រងលើប្រពន្ធ័អ៊ិនធ័រនែត ជាពិសេស គឺការលួចចូលគេទំព័រដើម្បីលួចយកទិន្នន័យ និង ធ្វើការ គំរាមកំហែងជំរិតយកលុយផងដែរ៕
Tag:
ចិន
© រក្សាសិទ្ធិដោយ thmeythmey.com
