អន្តរជាតិ
×![]()
ជម្លោះសមុទ្រចិនខាងត្បូង គឺជាបញ្ហាជម្លោះអធិបតេយ្យដ៏ចម្រូងចម្រាសមួយរវាងរដ្ឋអាស៊ាន និង ចិន ដែលរយៈពេលចុងក្រោយនេះ បានរុញច្រានឲ្យមានភាពតានតឹងដាក់គ្នាកាន់តែខ្លាំងឡើង។ រឿងគួរឲ្យ កត់សម្គាល់នោះ ចិន និង វៀតណាម នៅតែបន្តជំហដោះស្រាយជម្លោះដោយសន្តិវិធី ដើម្បី កាត់បន្ថយភាពតានតឹងប្រទេសទាំងពីរ។
រដ្ឋាភិបាលក្រុងប៉េកាំង និង រដ្ឋាភិបាលក្រុងហាណយ បានព្រមព្រៀងគ្នាបន្តដោះស្រាយជម្លោះសមុទ្រចិនខាងត្បូងដោយសន្តិវិធី ដើម្បីពង្រឹងទំនាក់ទំនងរដ្ឋទាំងពីរ និង កាត់បន្ថយភាពតានតឹងលើបញ្ហាដែនអធិបតេយ្យ។ កិច្ចសន្ទនារវាងប្រមុខរដ្ឋទាំងពីរនេះ ត្រូវបានធ្វើឡើងក្នុងឱកាសដែលចិន បានធ្វើព្យុហយោធាយោធា ដើម្បីរម្លឹកខួបលើកទី៧០នៃជ័យជំនះសង្គ្រាមលោកលើកទី២កាលពីម្សិលមិញ នេះ ។
ការបន្តវាតទីរបស់រដ្ឋាភិបាលក្រុងប៉េកាំងលើតំបន់ជម្លោះសមុទ្រចិនខាងត្បូងជាឯកតោភាគី ដើម្បី បម្រើផលប្រយោជន៍ខ្លួន រួមមានការសាងសង់មូលដ្ឋានទ័ពយោធា ស្ថានីយ៍បូមប្រេង និង កោះសិប្បនិម្មិត បានធ្វើឲ្យមានការប្រឈមមុខគ្នាជាច្រើន។ បញ្ហានេះ បានកើតឡើង ក៏ព្រោះតែរដ្ឋពាក់ពន្ធ័មួយចំនួនហាក់ដូចជាមិនមានឆន្ទៈ ដើម្បីចូលដោះស្រាយ តែបានប្រើប្រាស់សព្វាវុធដើម្បីបង្ហាញសាច់ដុំដាក់គ្នាជំនួសទៅវិញ។
ដកស្រង់ចេញពីសារព័ត៌មានXinhua លោកប្រធានាធិបតីចិន ស៊ី ជិនពីង បានថ្លែងទៅកាន់ លោកប្រធានាធិបតី វៀតណាម Truong Tan Sang ថា « យើង មានឆន្ទៈដើម្បីដោះស្រាយជម្លោះជាលក្ខណៈទ្វេភាគីតាម រយៈកិច្ចសន្ទនា និង ពង្រីកកិច្ចសហប្រតិបត្តិការ និងផលប្រយោជន៍រួមគ្នា «។ ហើយឆ្លើយតបនឹងការបង្ហាញឆន្ទៈរបស់លោក ស៊ី ជិនពីង ប្រមុខរដ្ឋវៀតណាម ក៏បានអះអាងថា » វៀតណាម នឹងបន្តពង្រឹងការទុកចិត្តផ្នែកនយោបាយ និង ការផ្លាស់ប្តូរយោបល់គ្នាលើវិស័យផ្សេងទៀតជាមួយនឹងចិន ក៏ដូចជាធ្វើឲ្យកិច្ចសហប្រតិបត្តិការឈ្នះ-ឈ្នះប្រទេសទាំងពីរកាន់តែល្អនឹងគ្នាផងដែរ«។
សូមរម្លឹកផងដែរ ចិន និង វៀតណាម ធ្លាប់មានការប្រឈមមុខគ្នាច្រើនដងមកហើយនៅក្នុងតំបន់ជម្លោះ ក្នុងនោះរហូតដល់មានកុបកម្មដុតរោងចក្រចិនជាច្រើននៅប្រទេសវៀតណាម ដោយប្រជាជនវៀតណាម ក្រោយពីនាវាចិន បានបាញ់ពន្លិចទូកនេសាទវៀតណាម។ យ៉ាងណាក៏ដោយ គេសង្កេត រដ្ឋាភិបាលទាំងពីរមិនបានបញ្ចេញសាច់ដុំដាក់គ្នាតាមរយៈយោធានោះទេ ក៏ប៉ុន្តែនៅតែបន្តជំហរដោះស្រាយតាមរយៈកិច្ចសន្ទនាស្ងៀមស្ងាត់។
ផ្ទុយពីវៀតណាម ហ្វីលីពីនដែលជារដ្ឋពាក់ពន្ធ័សមុទ្រចិនខាងត្បូង និង ចិនតែងតែចាត់ទុកថាជាមេបង្កបញ្ហានៅក្នុងតំបន់ មិនបានប្រកាន់ខ្ជាប់ទំនាក់ទំនងល្អជាមួយចិននោះទេ។ នោះ គឺរដ្ឋទាំងពីរតែងតែបង្ហាញកម្លាំងយោធា និង សព្វាវុធដាក់គ្នានៅក្នុងតំបន់ជម្លោះតាមរយៈការធ្វើសមយុទ្ធយោធា និង បង្កើនថវិកាដើម្បីពង្រឹងវិស័យយោធារៀងខ្លួន ដែលសកម្មភាពនេះ ត្រូវបានគេចាត់ទុកថាជាការគំរាមកំហែងសន្តិសុខ និង សន្តិភាពនៅក្នុងតំបន់។
សូមរម្លឹកផងដែរ បញ្ហាសមុទ្រចិនខាងត្បូង គឺជាជម្លោះដែនអធិបតេយ្យ ដែលមានរដ្ឋពាក់ពន្ធ័ រួមមាន ប្រ៊ុយណេ ម៉ាឡេស៊ី ហ្វីលីពីន វៀតណាម និង ចិន។ បញ្ហានេះ មិនទាន់មានដំណោះស្រាយរួមអស់ រយៈពេលបួនទសវត្សរ៍មកហើយ។ ដោយឡែក សម្រាប់យន្តការនានាដែលអាស៊ាននិងចិន បានធ្វើកន្លងមក គឺគ្រាន់តែជាការកាត់បន្ថយភាពតានតឹងតែប៉ុណ្ណោះ៕
រដ្ឋាភិបាលក្រុងប៉េកាំង និង រដ្ឋាភិបាលក្រុងហាណយ បានព្រមព្រៀងគ្នាបន្តដោះស្រាយជម្លោះសមុទ្រចិនខាងត្បូងដោយសន្តិវិធី ដើម្បីពង្រឹងទំនាក់ទំនងរដ្ឋទាំងពីរ និង កាត់បន្ថយភាពតានតឹងលើបញ្ហាដែនអធិបតេយ្យ។ កិច្ចសន្ទនារវាងប្រមុខរដ្ឋទាំងពីរនេះ ត្រូវបានធ្វើឡើងក្នុងឱកាសដែលចិន បានធ្វើព្យុហយោធាយោធា ដើម្បីរម្លឹកខួបលើកទី៧០នៃជ័យជំនះសង្គ្រាមលោកលើកទី២កាលពីម្សិលមិញ នេះ ។
ការបន្តវាតទីរបស់រដ្ឋាភិបាលក្រុងប៉េកាំងលើតំបន់ជម្លោះសមុទ្រចិនខាងត្បូងជាឯកតោភាគី ដើម្បី បម្រើផលប្រយោជន៍ខ្លួន រួមមានការសាងសង់មូលដ្ឋានទ័ពយោធា ស្ថានីយ៍បូមប្រេង និង កោះសិប្បនិម្មិត បានធ្វើឲ្យមានការប្រឈមមុខគ្នាជាច្រើន។ បញ្ហានេះ បានកើតឡើង ក៏ព្រោះតែរដ្ឋពាក់ពន្ធ័មួយចំនួនហាក់ដូចជាមិនមានឆន្ទៈ ដើម្បីចូលដោះស្រាយ តែបានប្រើប្រាស់សព្វាវុធដើម្បីបង្ហាញសាច់ដុំដាក់គ្នាជំនួសទៅវិញ។
ដកស្រង់ចេញពីសារព័ត៌មានXinhua លោកប្រធានាធិបតីចិន ស៊ី ជិនពីង បានថ្លែងទៅកាន់ លោកប្រធានាធិបតី វៀតណាម Truong Tan Sang ថា « យើង មានឆន្ទៈដើម្បីដោះស្រាយជម្លោះជាលក្ខណៈទ្វេភាគីតាម រយៈកិច្ចសន្ទនា និង ពង្រីកកិច្ចសហប្រតិបត្តិការ និងផលប្រយោជន៍រួមគ្នា «។ ហើយឆ្លើយតបនឹងការបង្ហាញឆន្ទៈរបស់លោក ស៊ី ជិនពីង ប្រមុខរដ្ឋវៀតណាម ក៏បានអះអាងថា » វៀតណាម នឹងបន្តពង្រឹងការទុកចិត្តផ្នែកនយោបាយ និង ការផ្លាស់ប្តូរយោបល់គ្នាលើវិស័យផ្សេងទៀតជាមួយនឹងចិន ក៏ដូចជាធ្វើឲ្យកិច្ចសហប្រតិបត្តិការឈ្នះ-ឈ្នះប្រទេសទាំងពីរកាន់តែល្អនឹងគ្នាផងដែរ«។
សូមរម្លឹកផងដែរ ចិន និង វៀតណាម ធ្លាប់មានការប្រឈមមុខគ្នាច្រើនដងមកហើយនៅក្នុងតំបន់ជម្លោះ ក្នុងនោះរហូតដល់មានកុបកម្មដុតរោងចក្រចិនជាច្រើននៅប្រទេសវៀតណាម ដោយប្រជាជនវៀតណាម ក្រោយពីនាវាចិន បានបាញ់ពន្លិចទូកនេសាទវៀតណាម។ យ៉ាងណាក៏ដោយ គេសង្កេត រដ្ឋាភិបាលទាំងពីរមិនបានបញ្ចេញសាច់ដុំដាក់គ្នាតាមរយៈយោធានោះទេ ក៏ប៉ុន្តែនៅតែបន្តជំហរដោះស្រាយតាមរយៈកិច្ចសន្ទនាស្ងៀមស្ងាត់។
ផ្ទុយពីវៀតណាម ហ្វីលីពីនដែលជារដ្ឋពាក់ពន្ធ័សមុទ្រចិនខាងត្បូង និង ចិនតែងតែចាត់ទុកថាជាមេបង្កបញ្ហានៅក្នុងតំបន់ មិនបានប្រកាន់ខ្ជាប់ទំនាក់ទំនងល្អជាមួយចិននោះទេ។ នោះ គឺរដ្ឋទាំងពីរតែងតែបង្ហាញកម្លាំងយោធា និង សព្វាវុធដាក់គ្នានៅក្នុងតំបន់ជម្លោះតាមរយៈការធ្វើសមយុទ្ធយោធា និង បង្កើនថវិកាដើម្បីពង្រឹងវិស័យយោធារៀងខ្លួន ដែលសកម្មភាពនេះ ត្រូវបានគេចាត់ទុកថាជាការគំរាមកំហែងសន្តិសុខ និង សន្តិភាពនៅក្នុងតំបន់។
សូមរម្លឹកផងដែរ បញ្ហាសមុទ្រចិនខាងត្បូង គឺជាជម្លោះដែនអធិបតេយ្យ ដែលមានរដ្ឋពាក់ពន្ធ័ រួមមាន ប្រ៊ុយណេ ម៉ាឡេស៊ី ហ្វីលីពីន វៀតណាម និង ចិន។ បញ្ហានេះ មិនទាន់មានដំណោះស្រាយរួមអស់ រយៈពេលបួនទសវត្សរ៍មកហើយ។ ដោយឡែក សម្រាប់យន្តការនានាដែលអាស៊ាននិងចិន បានធ្វើកន្លងមក គឺគ្រាន់តែជាការកាត់បន្ថយភាពតានតឹងតែប៉ុណ្ណោះ៕
Tag:
ចិន
វៀតណាម
© រក្សាសិទ្ធិដោយ thmeythmey.com
