អន្តរជាតិ
ជនភៀសខ្លួននាំគ្នាចេញពីហុងគ្រីទៅអូទ្រីស រីឯសពកុមារAylan ត្រូវបានបញ្ចុះក្នុងទឹកដីកំណើតស៊ីរី
×![]()
ដោយ: ថ្មីៗ
សពកុមារAylan ដែលបានអណ្តែតមកដល់ឆ្នេរតួកគី ធ្វើអោយពិភពលោកទាំងមូលរន្ធត់ចិត្តនោះ ត្រូវបានបញ្ចុះនៅថ្ងៃសុក្រម្សិលមិញ ជាមួយម្តាយនិងបងប្រុសនៅក្រុងកូបាណេ ប្រទេសស៊ីរី។ នៅហុងគ្រីវិញ ជនភៀសខ្លួនជាង១០០០នាក់ ដែលជាប់ខ្លួននៅក្រុងប៊ុយដាពេស បាននាំគ្នាដើរថ្មើរជើងចេញពីហុងគ្រី ឆ្ពោះទៅអូទ្រីស។ ម្សិលមិញ សភាហុងគ្រីបានតក់ក្រហល់ បោះឆ្នោតរឹតបន្តឹងច្បាប់អន្តោប្រវេសន៍។ ហុងគ្រីក៏បញ្ជូនរថយន្តអោយដឹកជនភៀសខ្លួនទាំងនេះទៅព្រំដែនអូទ្រីសដែរ។
នៅក្រុងកូបាណេ ភាគខាងជើងស៊ីរី ថ្ងៃសុក្រម្សិលមិញ លោកAbdullah Kurdi បានបីត្រកងសពកូនប្រុសAylan នៅជាប់ដើមទ្រូង មុននឹងដាក់បញ្ចុះនៅក្នុងរណ្តៅ។ កុមារAylan បានធ្វើអោយពិភពលោកទាំងមូលរន្ធត់ចិត្ត ពេលបានគេឃើញរូបភាពសពកុមារអណ្តែតមកលើឆ្នេរសមុទ្រតួកគី។
ក្រោយការលិចទូកដែលដឹកកុមារAylan និងគ្រួសារ ធ្វើអោយស្លាប់មនុស្ស១២នាក់ កាលពីយប់ថ្ងៃអង្គារ ចូលថ្ងៃពុធ ម្សិលមិញនេះ តុលាការតួកគីបានកាត់ទោសដាក់ជនជាតិស៊ីរី៤នាក់ អោយជាប់ពន្ធនាគារពីបទធ្វើឃាតដោយអចេតនា និងរត់ពន្ធជនអន្តោប្រវេសន៍។
ងាកមកអឺរ៉ុបវិញ នៅហុងគ្រី ជនភៀសខ្លួនជាង១០០០នាក់ ដែលនៅជាប់នៅស្ថានីយរថភ្លើងក្រុងប៊ុយដាពេសច្រើនថ្ងៃមកនេះ បាននាំគ្នាដើរថ្មើរជើងតាមផ្លូវចរាចរណ៍ធំមួយ បន្តដំណើរឆ្ពោះទៅអូទ្រីស។ អូទ្រីសនៅឆ្ងាយពីស្ថានីយរថភ្លើងក្រុងប៊ុយដាពេសដល់ទៅ១៧៥គីឡូម៉ែត្រ។ រដ្ឋាភិបាលហុងគ្រីបានសម្រេចដឹកពួកគេរាប់ពាន់នាក់តាមរថយន្តទៅព្រំដែនអូទ្រីសវិញ។ ដោយឡែក ជនភៀសខ្លួនដែលជាប់ឃុំនៅហុងគ្រីគ្មានសិទ្ធិឡើងរថយន្តនេះទៅទេ។
កាលពីថ្ងៃព្រហស្បតិ៍ នៅBicske ជិតក្រុងប៊ុយដាពេស មានជនភៀសខ្លួន៣៥០នាក់ បាននាំគ្នារត់គេចចេញពីរថភ្លើងមួយគ្រឿង ដែលនៅនឹងថ្កល់។ អាជ្ញាធរហុងគ្រីចង់អោយពួកគេទៅនៅជំរំភៀសខ្លួនមួយកន្លែង។ ពេលមានការរត់គេចនេះ ពលរដ្ឋប៉ាគីស្ថានអាយុ៥១ឆ្នាំម្នាក់បានស្លាប់ ដោយមិនដឹងមូលហេតុពិតនៅឡើយ។ នៅជិតព្រំដែនRöszkeជាប់ស៊ែរប៊ីវិញ ជនភៀសខ្លួន៣០០នាក់បាននាំគ្នារត់គេចពីជំរំមួយកន្លែង។
ដោយសារភាពច្របូកច្របល់ សភាហុងគ្រីបានបោះឆ្នោតបន្ទាន់ រឹតបន្តឹងច្បាប់អន្តោប្រវេសន៍ដែរ។ ច្បាប់ដែលទើបពង្រឹងនេះ ចែងពង្រាយយោធានៅតាមព្រំដែន ហើយដាក់ទោសដល់ការធ្វើអន្តោប្រវេសន៍ខុសច្បាប់ រហូតអោយជនល្មើសជាប់ពន្ធនាគារដល់ទៅ៣ឆ្នាំ។
អឺរ៉ុបនៅតែមិនអាចដោះស្រាយអ្វីចេញនៅឡើយ។ គណៈកម្មការអឺរ៉ុបចង់អោយប្រទេសសមាជិកចែកកូតាគ្នាទទួលយកជនភៀសខ្លួនជាង១សែននាក់ ដែលទើបមកដល់ក្រិក ហុងគ្រី និងអ៊ីតាលី។ បើមានការអនុម័តបំណងគណៈកម្មការអឺរ៉ុប បារាំងអាចនឹងទទួលយក២៧០០០នាក់៕
នៅក្រុងកូបាណេ ភាគខាងជើងស៊ីរី ថ្ងៃសុក្រម្សិលមិញ លោកAbdullah Kurdi បានបីត្រកងសពកូនប្រុសAylan នៅជាប់ដើមទ្រូង មុននឹងដាក់បញ្ចុះនៅក្នុងរណ្តៅ។ កុមារAylan បានធ្វើអោយពិភពលោកទាំងមូលរន្ធត់ចិត្ត ពេលបានគេឃើញរូបភាពសពកុមារអណ្តែតមកលើឆ្នេរសមុទ្រតួកគី។
ក្រោយការលិចទូកដែលដឹកកុមារAylan និងគ្រួសារ ធ្វើអោយស្លាប់មនុស្ស១២នាក់ កាលពីយប់ថ្ងៃអង្គារ ចូលថ្ងៃពុធ ម្សិលមិញនេះ តុលាការតួកគីបានកាត់ទោសដាក់ជនជាតិស៊ីរី៤នាក់ អោយជាប់ពន្ធនាគារពីបទធ្វើឃាតដោយអចេតនា និងរត់ពន្ធជនអន្តោប្រវេសន៍។
ងាកមកអឺរ៉ុបវិញ នៅហុងគ្រី ជនភៀសខ្លួនជាង១០០០នាក់ ដែលនៅជាប់នៅស្ថានីយរថភ្លើងក្រុងប៊ុយដាពេសច្រើនថ្ងៃមកនេះ បាននាំគ្នាដើរថ្មើរជើងតាមផ្លូវចរាចរណ៍ធំមួយ បន្តដំណើរឆ្ពោះទៅអូទ្រីស។ អូទ្រីសនៅឆ្ងាយពីស្ថានីយរថភ្លើងក្រុងប៊ុយដាពេសដល់ទៅ១៧៥គីឡូម៉ែត្រ។ រដ្ឋាភិបាលហុងគ្រីបានសម្រេចដឹកពួកគេរាប់ពាន់នាក់តាមរថយន្តទៅព្រំដែនអូទ្រីសវិញ។ ដោយឡែក ជនភៀសខ្លួនដែលជាប់ឃុំនៅហុងគ្រីគ្មានសិទ្ធិឡើងរថយន្តនេះទៅទេ។
កាលពីថ្ងៃព្រហស្បតិ៍ នៅBicske ជិតក្រុងប៊ុយដាពេស មានជនភៀសខ្លួន៣៥០នាក់ បាននាំគ្នារត់គេចចេញពីរថភ្លើងមួយគ្រឿង ដែលនៅនឹងថ្កល់។ អាជ្ញាធរហុងគ្រីចង់អោយពួកគេទៅនៅជំរំភៀសខ្លួនមួយកន្លែង។ ពេលមានការរត់គេចនេះ ពលរដ្ឋប៉ាគីស្ថានអាយុ៥១ឆ្នាំម្នាក់បានស្លាប់ ដោយមិនដឹងមូលហេតុពិតនៅឡើយ។ នៅជិតព្រំដែនRöszkeជាប់ស៊ែរប៊ីវិញ ជនភៀសខ្លួន៣០០នាក់បាននាំគ្នារត់គេចពីជំរំមួយកន្លែង។
ដោយសារភាពច្របូកច្របល់ សភាហុងគ្រីបានបោះឆ្នោតបន្ទាន់ រឹតបន្តឹងច្បាប់អន្តោប្រវេសន៍ដែរ។ ច្បាប់ដែលទើបពង្រឹងនេះ ចែងពង្រាយយោធានៅតាមព្រំដែន ហើយដាក់ទោសដល់ការធ្វើអន្តោប្រវេសន៍ខុសច្បាប់ រហូតអោយជនល្មើសជាប់ពន្ធនាគារដល់ទៅ៣ឆ្នាំ។
អឺរ៉ុបនៅតែមិនអាចដោះស្រាយអ្វីចេញនៅឡើយ។ គណៈកម្មការអឺរ៉ុបចង់អោយប្រទេសសមាជិកចែកកូតាគ្នាទទួលយកជនភៀសខ្លួនជាង១សែននាក់ ដែលទើបមកដល់ក្រិក ហុងគ្រី និងអ៊ីតាលី។ បើមានការអនុម័តបំណងគណៈកម្មការអឺរ៉ុប បារាំងអាចនឹងទទួលយក២៧០០០នាក់៕
Tag:
ជនភៀសខ្លួន
ស៊ីរី
© រក្សាសិទ្ធិដោយ thmeythmey.com
