ជាតិ
នយោបាយជាតិ
×![]()
ដោយ: ម៉ៅ សុផា
អ្នកនាំពាក្យគណបក្សសង្គ្រោះជាតិ លោក យឹម សុវណ្ណ បានឆ្លើយតបនឹងបក្សអំណាចខ្មែរ ថា មេដឹកនាំបក្សសង្គ្រោះជាតិមិនអាចចំណាយពេល ចូលរួមពិភាក្សាជាមួយបក្សអំណាចខ្មែរ ដែលជាបក្សគ្មានអាសនៈក្នុងរដ្ឋសភានោះទេ។ ការឆ្លើយតបរបស់អ្នកនាំពាក្យរូបនេះ ធ្វើឡើងក្រោយពេលលោក សួន សេរីរដ្ឋា ប្រកាសនៅលើទំព័រហ្វេសប៊ុករបស់ខ្លួនថា គណបក្សលោកនឹងអញ្ជើញលោក សម រង្ស៊ី ឲ្យចូលរួមក្នុវេទិការបស់ខ្លួន ក្រោមប្រធានបទ «ភាពជាអ្នកនយោបាយ» ដើម្បីផ្តល់ឱកាសឲ្យប្រជាពលរដ្ឋសួរដេញដោលទាក់ទងនឹងបេក្ខជននាយករដ្ឋមន្ត្រី របស់គណបក្សសង្គ្រោះជាតិ។
លោក យឹម សុវណ្ណ ហាក់មិនចាប់អារម្មណ៍សោះឡើយចំពោះការប្រកាសរបស់លោក សួន សេរីរដ្ឋា ដែលចង់អញ្ជើញលោក សម រង្ស៊ី ឲ្យចូលរួមវេទិកា «ភាពជាអ្នកដឹកនាំ» នៅថ្ងៃទី ១៩ ខែតុលា ខាងមុខ។ មិនត្រឹមតែមិនចាប់អារម្មណ៍ទេ អ្នកនាំពាក្យគណបក្សសង្គ្រោះជាតិរូបនេះ ថែមទាំងថ្លែងទៀតថា មេដឹកនាំបក្សរបស់ខ្លួនមិនចំណាយពេលជាមួយគណបក្សតូចតាចនេះឡើយ។
លោក យឹម សុវណ្ណ បញ្ជាក់ដូច្នេះថា៖«គណបក្សសង្គ្រោះជាតិត្រូវការពេលវេលា ដើម្បីចរចាជាមួយគណបក្សប្រជាជនកម្ពុជា ក្នុងការដោះស្រាយបញ្ហាប្រទេសជាតិ និងផលប្រយោជន៍ប្រជាជន។យើងមិនអាចចំណាយពេល ទៅពិភាក្សាជាមួយបក្សដែលគ្មាអាសនៈក្នុងរដ្ឋសភានោះទេ។ហើយម្យ៉ាងទៀតបក្សនេះ មិនមែនជាដៃគូប្រកួតប្រជែងរបស់បក្សសង្គ្រោះជាតិឡើយ»។
ទោះបីជាយ៉ាងណាក៏ដោយ លោក ទេព វីរៈ អ្នកនាំពាក្យបក្សអំណាចខ្មែរនៅតែអះអាងថា បក្សអំណាចខ្មែរ នឹងដាក់លិខិតអញ្ជើញលោក សម រង្ស៊ី នៅថ្ងៃទី១៩ ខែតុលាខាងមុខ ហើយវេទិកានេះ នឹងប្រព្រឹត្តទៅនៅថ្ងៃទី៧ ខែវិច្ឆិកា ឆ្នាំ២០១៥ នៅភោជនីយដ្ឋានទន្លេរបាសាក់២ ។ អ្នកនាំពាក្យរូបនេះបន្តថា វេទិកា «ភាពជាអ្នកនយោបាយ» មិនត្រឹមតែផ្តល់ឱកាសដល់យុវជនសួរទៅកាន់ ប្រធានបក្សប្រឆាំងមានអាសនៈក្នុងរដ្ឋសភារូបនេះប៉ុណ្ណោះទេ តែក៏ជាវេទិកាសួរដេញដោលគ្នា រវាងលោក សួន សេរីរដ្ឋា និងលោក សម រង្ស៊ី ផងដែរ។
លោកបញ្ជាក់យ៉ាងដូច្នេះថា៖ «ប្រសិនបើលោក សម រង្ស៊ី ពិតជាមានវប្បធម៌ប្រជាធិបតេយ្យក្នុងខ្លួនមែននោះ រូបលោកច្បាស់ជាហ៊ានចូលរួមក្នុងវេទិការនេះ។ តែបើមិនហ៊ានទេ បញ្ជាក់ថា លោកសម រង្ស៊ី ប្រហែលជាខ្លាចបាក់មុខ ឬក៏ខ្លាចបាត់បង់សំឡេងគាំទ្រ ពីការប្រឈមមុខក្នុងវេទិកានេះ»។
សូមរំឭកបន្តិចដែរថា វេទិកា «ភាពជាអ្នកនយោបាយ» នេះ ត្រូវបានរៀបចំឡើយដោយបក្សអំណាចខ្មែរជាលើកទី១ រួចម្តងមកហើយ កាលពីថ្ងៃទី២ ខែតុលា ឆ្នាំ២០១៥ ៕
លោក យឹម សុវណ្ណ ហាក់មិនចាប់អារម្មណ៍សោះឡើយចំពោះការប្រកាសរបស់លោក សួន សេរីរដ្ឋា ដែលចង់អញ្ជើញលោក សម រង្ស៊ី ឲ្យចូលរួមវេទិកា «ភាពជាអ្នកដឹកនាំ» នៅថ្ងៃទី ១៩ ខែតុលា ខាងមុខ។ មិនត្រឹមតែមិនចាប់អារម្មណ៍ទេ អ្នកនាំពាក្យគណបក្សសង្គ្រោះជាតិរូបនេះ ថែមទាំងថ្លែងទៀតថា មេដឹកនាំបក្សរបស់ខ្លួនមិនចំណាយពេលជាមួយគណបក្សតូចតាចនេះឡើយ។
លោក យឹម សុវណ្ណ បញ្ជាក់ដូច្នេះថា៖«គណបក្សសង្គ្រោះជាតិត្រូវការពេលវេលា ដើម្បីចរចាជាមួយគណបក្សប្រជាជនកម្ពុជា ក្នុងការដោះស្រាយបញ្ហាប្រទេសជាតិ និងផលប្រយោជន៍ប្រជាជន។យើងមិនអាចចំណាយពេល ទៅពិភាក្សាជាមួយបក្សដែលគ្មាអាសនៈក្នុងរដ្ឋសភានោះទេ។ហើយម្យ៉ាងទៀតបក្សនេះ មិនមែនជាដៃគូប្រកួតប្រជែងរបស់បក្សសង្គ្រោះជាតិឡើយ»។
ទោះបីជាយ៉ាងណាក៏ដោយ លោក ទេព វីរៈ អ្នកនាំពាក្យបក្សអំណាចខ្មែរនៅតែអះអាងថា បក្សអំណាចខ្មែរ នឹងដាក់លិខិតអញ្ជើញលោក សម រង្ស៊ី នៅថ្ងៃទី១៩ ខែតុលាខាងមុខ ហើយវេទិកានេះ នឹងប្រព្រឹត្តទៅនៅថ្ងៃទី៧ ខែវិច្ឆិកា ឆ្នាំ២០១៥ នៅភោជនីយដ្ឋានទន្លេរបាសាក់២ ។ អ្នកនាំពាក្យរូបនេះបន្តថា វេទិកា «ភាពជាអ្នកនយោបាយ» មិនត្រឹមតែផ្តល់ឱកាសដល់យុវជនសួរទៅកាន់ ប្រធានបក្សប្រឆាំងមានអាសនៈក្នុងរដ្ឋសភារូបនេះប៉ុណ្ណោះទេ តែក៏ជាវេទិកាសួរដេញដោលគ្នា រវាងលោក សួន សេរីរដ្ឋា និងលោក សម រង្ស៊ី ផងដែរ។
លោកបញ្ជាក់យ៉ាងដូច្នេះថា៖ «ប្រសិនបើលោក សម រង្ស៊ី ពិតជាមានវប្បធម៌ប្រជាធិបតេយ្យក្នុងខ្លួនមែននោះ រូបលោកច្បាស់ជាហ៊ានចូលរួមក្នុងវេទិការនេះ។ តែបើមិនហ៊ានទេ បញ្ជាក់ថា លោកសម រង្ស៊ី ប្រហែលជាខ្លាចបាក់មុខ ឬក៏ខ្លាចបាត់បង់សំឡេងគាំទ្រ ពីការប្រឈមមុខក្នុងវេទិកានេះ»។
សូមរំឭកបន្តិចដែរថា វេទិកា «ភាពជាអ្នកនយោបាយ» នេះ ត្រូវបានរៀបចំឡើយដោយបក្សអំណាចខ្មែរជាលើកទី១ រួចម្តងមកហើយ កាលពីថ្ងៃទី២ ខែតុលា ឆ្នាំ២០១៥ ៕
Tag:
លោក សួន សេរីរដ្ឋា
លោក យឹម សុវណ្ណ
© រក្សាសិទ្ធិដោយ thmeythmey.com
