ជាតិ
ចិន គឺជាអ្នកវិនិយោគធំជាងគេនៅកម្ពុជា
× ភ្នំពេញ៖ ប្រទេសចិន គឺជាប្រទេសទី១ដែលបានវិនិយោគធំជាងគេនៅក្នុងប្រទេសកម្ពុជា។ មិនមែនត្រឹមតែការវិនិយោគប៉ុណ្ណោះទេ តាមពិត ប្រទេសចិនប្រជាមានិត គឺជាប្រទេសដែលផ្តល់ជំនួយឲ្យប្រទេសកម្ពុជាច្រើនជាងគេក្នុងរយៈពេលប៉ុន្មានឆ្នាំចុងក្រោយនេះ។
កាលពីឆ្នាំ២០១៥កន្លងមកនេះ ទុនវិនិយោគសរុបមានចំនួន៤៦០០លានដុល្លារអាមេរិក ក្នុងនោះ ទុនវិនិយោគផ្ទាល់ពីក្នុងប្រទេសមានចំនួន៣២០០លានដុល្លារអាមេរិក, ទុនវិនិយោគពីប្រទេសចិនមានចំនួន៨៦០លានដុល្លារ និងប្រទេសអង់គ្លេស១៣៩លានដុល្លារអាមេរិក។ នេះបើយោងតាមលោក ជា វុទ្ធី អគ្គលេខាធិការរងនៃក្រុមប្រឹក្សាអភិវឌ្ឍន៍កម្ពុជាដែលបានដកស្រង់សម្តីដោយទីភ្នាក់ងាររដ្ឋ AKP។
ទីភ្នាក់ងារដដែលបានបញ្ជាក់ថា កាលពីឆ្នាំ២០១៤ ប្រទេសកម្ពុជាបានទាក់ទាញទុនវិនិយោគផ្ទាល់ពីបរទេសចំនួន៤០០០លានដុល្លារអាមេរិក ក្នុងនោះ ប្រទេសចិន ម៉ាឡេស៊ី និងជប៉ុន ស្ថិតនៅដាប់លេខរៀងលើគេបំផុត។
សូមបញ្ជាក់ថា ប្រទេសចិនមិនត្រឹមតែជាប្រទេសដែលវិនិយោគច្រើនជាងគេនៅកម្ពុជាប៉ុណ្ណោះទេ។ តែចិន គឺជាប្រទេសដែលផ្តល់ជំនួយច្រើនជាងគេបំផុតឲ្យប្រទេសកម្ពុជា។ លើសពីនេះទៅទៀត ជំនួយរបស់ចិនភាគច្រើន ជាជំនួយគ្មានលក្ខខណ្ឌ៕
© រក្សាសិទ្ធិដោយ thmeythmey.com