ជាតិ
លោក ហោ ណាំហុង នឹងចូលរួមកិច្ចប្រជុំចង្អៀតថ្នាក់រដ្ឋមន្ត្រីការបរទេសអាស៊ាននៅឡាវ
×
លោក ហោ ណាំហុង នឹងដឹកនាំគណៈប្រតិភូ ទៅចូលរួមកិច្ចប្រជុំចង្អៀតថ្នាក់រដ្ឋមន្ត្រីការបរទេសអាស៊ានរយៈពេល២ថ្ងៃ នៅក្រុងវៀងចន្ទន៍ ប្រទេសឡាវ។ កិច្ចប្រជុំនេះនឹងចាប់ផ្តើមនៅថ្ងៃទី២៦ និង២៧ ខែកុម្ភៈ។ ព័ត៌មាននេះត្រូវបានបញ្ជាក់ដោយក្រសួងការបរទេសកម្ពុជា។
ផ្អែកតាមសេចក្តីជូនព័ត៌មានរបស់ក្រសួងការបរទេសកម្ពុជា កិច្ចប្រជុំនេះ នឹងពិភាក្សាអំពីការពង្រឹងសហគមន៍អាស៊ាន ក្នុងនោះរួមមានការអនុវត្តផែនការលម្អិតនៃសហគមន៍សន្តិសុខ-នយោបាយអាស៊ាន ២០២៥ ចក្ខុវិស័យអាស៊ាន២០២៥ និងផែនការលម្អិតរបស់សហគមន៍ទាំង៣ ទំនាក់អន្តរជាតិ និងតួនាទីស្នូលរបស់អាស៊ាន នៅក្នុងនិម្មាបនកម្មតំបន់ និងផ្លាស់ប្តូរទស្សនៈអំពីបញ្ហាតំបន់ និងអន្តរជាតិ។
សេចក្តីជូនព័ត៌មានបានបញ្ជាក់ទៀតថា លោករដ្ឋមន្ត្រីការបរទេសកម្ពុជា ហោ ណាំហុង នឹងជួបពិភាក្សាជាមួយលោក វីវៀន បាឡាក់គ្រីសណាន់(Vivian Balakrishnan)រដ្ឋមន្ត្រីការបរទេសសឹង្ហបុរី៕
© រក្សាសិទ្ធិដោយ thmeythmey.com