ជាតិ
×![]()
ដោយ: ម៉ៅ សុផា
តំណាងប្រជាពលរដ្ឋដែលរស់នៅតាមបណ្តោយផ្លូវដែក ក្នុងរាជធានីភ្នំពេញ បាននាំគ្នាមកតវ៉ាជាលើកទី៤ នៅមុខក្រសួងសាធារណការនិងដឹកជញ្ជូន នៅព្រឹកថ្ងៃទី៧ មីនានេះ ។ ការតវ៉ានេះ គឺដើម្បីជំរុញឲ្យក្រសួង បើកវេទិកាសាធារណៈជូនពួកគេ ជុំវិញគម្រោងអភិវឌ្ឍផ្លូវដែក។ ក្រសួង បានសន្យាជាថ្មីថា នឹងបើកវេទិកាសាធារណៈ ជូនប្រជាពលរដ្ឋ ក្នុងរយៈពេល កន្លះខែទៀត។ 
នេះលើកទី៤ហើយ ដែលតំណាងប្រជាពលរដ្ឋទាំង៨សហគមន៍ នៅក្នុងតំបន់ផ្លូវដែករថភ្លើង បានបន្តទាមទារឲ្យក្រសួងសាធារណការនិងដឹកជញ្ជូន បើកវេទិកាសាធារណៈ ដើម្បីផ្តល់ឱកាសឲ្យពួកគេសួរដេញដោលអំពីគម្រោងអភិវឌ្ឍន៍ផ្លូវដែក ចាប់ពីផ្លូវចំណតរថភ្លើងចាស់ ដល់ព្រលានយន្តហោះអន្តរជាតិភ្នំពេញ។ ក្នុងចំណោមប្រជាពលរដ្ឋជិត២០០នាក់ដែលមកតវ៉ា តំណាងសហគមន៍ទាំង៨ ត្រូវបានអនុញ្ញាតឲ្យចូលចរចាជាមួយតំណាងក្រសួង ពីបញ្ហានេះ។
បន្ទាប់ពីបញ្ចប់កិច្ចចរចានេះ រដ្ឋលេខាធិការក្រសួងសាធារណការ លោក លីម ស៊ីដេនីន ដែលជាអ្នកទទួលបន្ទុកលើគម្រោងនេះ បានចេញមកថ្លែងនៅចំពោះមុខក្រុមអ្នកសារព័ត៌មាននិងប្រជាពលរដ្ឋទាំងអស់ថា រយៈពេល១៥ថ្ងៃទៀតយ៉ាងយូរ ក្រសួងនឹងបើកវេទិកាសាធារណៈ ជូនប្រជាពលរដ្ឋ។ លោក សង្ឃឹមថា ក្នុងរយៈពេលកន្លះខែនេះ ក្រសួងនឹងអាចជ្រើសរើសបានក្រុមហ៊ុន១ ជាផ្លូវការ ក្នុងចំណោមក្រុមហ៊ុនទាំង៣ ដែលកំពុងតែដេញថ្លៃគ្នា ដើម្បីបានសិទ្ធិវិនិយោគលើគម្រោងសាងសង់ផ្លូវដែកនេះ។
រដ្ឋលេខាធិការរូបនេះបានបញ្ជាក់បែបនេះ«ឥឡូវយើងមិនទាន់រើសបានក្រុមហ៊ុនណាមួយ ដើម្បីវិនិយោគលើគម្រោងនេះទេ។ យើងកំពុងតែជ្រើសរើស។ ដោយសារតែមានសំណូមពរពីបងប្អូនដែលចង់ធ្វើវេទិកាសាធារណៈឲ្យបានឆាប់ អ៊ីចឹងកន្លះខែទៀត យើងខ្ញុំនឹងជូនព័ត៌មានថារើសក្រុមហ៊ុនបានឬមិនបាន ដោយភ្ជាប់លិខិតអញ្ជើញនិងប្រាប់ពេលវេលា ដែលបងប្អូនសុំធ្វើវេទិកាសាធារណៈលើកទី១នោះ នៅពេលណា»។
ប្រជាពលរដ្ឋ ក៏ចាប់ផ្តើមស្ងប់ស្ងាត់ និងស្រុះស្រួលគ្នាទៅលំនៅដ្ឋានវិញ ក្រោយពីឮតំណាងក្រសួងប្រកាសឲ្យរងចាំ រយៈពេល១៥ថ្ងៃទៀត ក្នុងការបើកវេទិកាសាធារណៈ។
យ៉ាងណាក៏ដោយចុះ តំណាងប្រជាពលរដ្ឋ លោកស្រី មាស ស្រីមុំ ហាក់ដូចជាគ្មានជំនឿលើក្រសួងសោះឡើយ ព្រោះពួកគេបានខកចិត្តនឹងការសន្យារបស់ស្ថាប័ននេះ ចំនួន៣លើកមកហើយ។ លោកស្រី អះអាងថា ប្រសិនបើកន្លះខែទៀត ក្រសួងនៅតែមិនបើកវេទិកាសាធារណៈទេ ពួកគេនឹងបន្តការតវ៉ាសាជាថ្មី។ «បើក្រសួងមិនធ្វើតាមពាក្យសន្យាទេ ពួកខ្ញុំនឹងមកតវ៉ាម្តងទៀត។ យើងនឹងតវ៉ា រហូតក្រសួងមានដំណោះស្រាយ»។ នេះជាការបញ្ជាក់បន្ថែមរបស់លោកស្រី មាស ស្រីមុំ។
តំណាងសហគមន៍មួយចំនួន បានលើកឡើងដូចៗគ្នាថា ការជំរុញក្រសួងជារឿយៗបែបនេះ ដោយពួកមានហេតុផលធំៗពីរ គឺទី១ ភាពភ័យខ្លាច ពីសំណាក់រដ្ឋាភិបាលឬក្រុមហ៊ុន ដែលអាចនឹងមកឈូសឆាយ ផ្ទះសម្បែងរបស់ពួគេភ្លាមៗ ដោយគ្មានការពិភាក្សាជាមុន ដូចអ្វីដែលធ្លាប់កើតមានចំពោះពលរដ្ឋក្នុងសហគមន៍បឹងកក់កន្លងមក។ ទី២ ប្រជាពលរដ្ឋមានភាពស្ទាក់ស្ទើរក្នុងការសាងសង់ផ្ទះថ្មីឬជួសជួលផ្ទះដែលបែកបាក់ ដោយពួគេព្រួយបារម្ភថា ពេលធ្វើផ្ទះថ្មីឬជួសជុលរួចរាល់ ក្រុមក៏មកអភិវឌ្ឍ។
កន្លងមកប្រជាពលរដ្ឋទាំង៨សហគមន៍ រស់នៅក្នុងតំបន់ផ្លូវដែករថភ្លើង មានក្តីកង្វល់ជាពន់ពេកចំពោះ គម្រោងអភិវឌ្ឍន៍ផ្លូវដែកនេះ ដែលអាចប៉ះពាល់ដល់លំនៅដ្ឋានរបស់ពួកគេ នៅក្នុងខណ្ឌចំនួនបីគឺ ខណ្ឌឫស្សកែវ ខណ្ឌដូនពេញ និងខណ្ឌទួលគោក៕
នេះលើកទី៤ហើយ ដែលតំណាងប្រជាពលរដ្ឋទាំង៨សហគមន៍ នៅក្នុងតំបន់ផ្លូវដែករថភ្លើង បានបន្តទាមទារឲ្យក្រសួងសាធារណការនិងដឹកជញ្ជូន បើកវេទិកាសាធារណៈ ដើម្បីផ្តល់ឱកាសឲ្យពួកគេសួរដេញដោលអំពីគម្រោងអភិវឌ្ឍន៍ផ្លូវដែក ចាប់ពីផ្លូវចំណតរថភ្លើងចាស់ ដល់ព្រលានយន្តហោះអន្តរជាតិភ្នំពេញ។ ក្នុងចំណោមប្រជាពលរដ្ឋជិត២០០នាក់ដែលមកតវ៉ា តំណាងសហគមន៍ទាំង៨ ត្រូវបានអនុញ្ញាតឲ្យចូលចរចាជាមួយតំណាងក្រសួង ពីបញ្ហានេះ។
បន្ទាប់ពីបញ្ចប់កិច្ចចរចានេះ រដ្ឋលេខាធិការក្រសួងសាធារណការ លោក លីម ស៊ីដេនីន ដែលជាអ្នកទទួលបន្ទុកលើគម្រោងនេះ បានចេញមកថ្លែងនៅចំពោះមុខក្រុមអ្នកសារព័ត៌មាននិងប្រជាពលរដ្ឋទាំងអស់ថា រយៈពេល១៥ថ្ងៃទៀតយ៉ាងយូរ ក្រសួងនឹងបើកវេទិកាសាធារណៈ ជូនប្រជាពលរដ្ឋ។ លោក សង្ឃឹមថា ក្នុងរយៈពេលកន្លះខែនេះ ក្រសួងនឹងអាចជ្រើសរើសបានក្រុមហ៊ុន១ ជាផ្លូវការ ក្នុងចំណោមក្រុមហ៊ុនទាំង៣ ដែលកំពុងតែដេញថ្លៃគ្នា ដើម្បីបានសិទ្ធិវិនិយោគលើគម្រោងសាងសង់ផ្លូវដែកនេះ។
រដ្ឋលេខាធិការរូបនេះបានបញ្ជាក់បែបនេះ«ឥឡូវយើងមិនទាន់រើសបានក្រុមហ៊ុនណាមួយ ដើម្បីវិនិយោគលើគម្រោងនេះទេ។ យើងកំពុងតែជ្រើសរើស។ ដោយសារតែមានសំណូមពរពីបងប្អូនដែលចង់ធ្វើវេទិកាសាធារណៈឲ្យបានឆាប់ អ៊ីចឹងកន្លះខែទៀត យើងខ្ញុំនឹងជូនព័ត៌មានថារើសក្រុមហ៊ុនបានឬមិនបាន ដោយភ្ជាប់លិខិតអញ្ជើញនិងប្រាប់ពេលវេលា ដែលបងប្អូនសុំធ្វើវេទិកាសាធារណៈលើកទី១នោះ នៅពេលណា»។
ប្រជាពលរដ្ឋ ក៏ចាប់ផ្តើមស្ងប់ស្ងាត់ និងស្រុះស្រួលគ្នាទៅលំនៅដ្ឋានវិញ ក្រោយពីឮតំណាងក្រសួងប្រកាសឲ្យរងចាំ រយៈពេល១៥ថ្ងៃទៀត ក្នុងការបើកវេទិកាសាធារណៈ។
យ៉ាងណាក៏ដោយចុះ តំណាងប្រជាពលរដ្ឋ លោកស្រី មាស ស្រីមុំ ហាក់ដូចជាគ្មានជំនឿលើក្រសួងសោះឡើយ ព្រោះពួកគេបានខកចិត្តនឹងការសន្យារបស់ស្ថាប័ននេះ ចំនួន៣លើកមកហើយ។ លោកស្រី អះអាងថា ប្រសិនបើកន្លះខែទៀត ក្រសួងនៅតែមិនបើកវេទិកាសាធារណៈទេ ពួកគេនឹងបន្តការតវ៉ាសាជាថ្មី។ «បើក្រសួងមិនធ្វើតាមពាក្យសន្យាទេ ពួកខ្ញុំនឹងមកតវ៉ាម្តងទៀត។ យើងនឹងតវ៉ា រហូតក្រសួងមានដំណោះស្រាយ»។ នេះជាការបញ្ជាក់បន្ថែមរបស់លោកស្រី មាស ស្រីមុំ។
តំណាងសហគមន៍មួយចំនួន បានលើកឡើងដូចៗគ្នាថា ការជំរុញក្រសួងជារឿយៗបែបនេះ ដោយពួកមានហេតុផលធំៗពីរ គឺទី១ ភាពភ័យខ្លាច ពីសំណាក់រដ្ឋាភិបាលឬក្រុមហ៊ុន ដែលអាចនឹងមកឈូសឆាយ ផ្ទះសម្បែងរបស់ពួគេភ្លាមៗ ដោយគ្មានការពិភាក្សាជាមុន ដូចអ្វីដែលធ្លាប់កើតមានចំពោះពលរដ្ឋក្នុងសហគមន៍បឹងកក់កន្លងមក។ ទី២ ប្រជាពលរដ្ឋមានភាពស្ទាក់ស្ទើរក្នុងការសាងសង់ផ្ទះថ្មីឬជួសជួលផ្ទះដែលបែកបាក់ ដោយពួគេព្រួយបារម្ភថា ពេលធ្វើផ្ទះថ្មីឬជួសជុលរួចរាល់ ក្រុមក៏មកអភិវឌ្ឍ។
កន្លងមកប្រជាពលរដ្ឋទាំង៨សហគមន៍ រស់នៅក្នុងតំបន់ផ្លូវដែករថភ្លើង មានក្តីកង្វល់ជាពន់ពេកចំពោះ គម្រោងអភិវឌ្ឍន៍ផ្លូវដែកនេះ ដែលអាចប៉ះពាល់ដល់លំនៅដ្ឋានរបស់ពួកគេ នៅក្នុងខណ្ឌចំនួនបីគឺ ខណ្ឌឫស្សកែវ ខណ្ឌដូនពេញ និងខណ្ឌទួលគោក៕
Tag:
ផ្លូវដែក
ក្រសួងសាធារណការ
© រក្សាសិទ្ធិដោយ thmeythmey.com
