ទូតកម្ពុជាប្រចាំម៉ាឡេស៊ី អន្តរាគមន៍ឲ្យម៉ាឡេស៊ីដោះលែងពលរដ្ឋខ្មែរ ២៣ នាក់ និងបញ្ជូនមកកម្ពុជាវិញ

ជាតិ

ទូតកម្ពុជាប្រចាំម៉ាឡេស៊ី អន្តរាគមន៍ឲ្យម៉ាឡេស៊ីដោះលែងពលរដ្ឋខ្មែរ ២៣ នាក់ និងបញ្ជូនមកកម្ពុជាវិញ

02, Sep 2016 , 7:39 pm

រូបភាព

ដោយ: ថ្មីៗ

ភ្នំពេញ៖ ឯកអគ្គរាជទូតខ្មែរប្រចាំប្រទេសម៉ាឡេស៊ី បានអន្តរាគមន៍ជួយសង្គ្រោះពលរដ្ឋខ្មែរ២៣នាក់ ដែលត្រូវបានអាជ្ញាធរម៉ាឡេស៊ីចាប់ខ្លួន កាលខែសីហាកន្លងមក បញ្ជូនមកកាន់កម្ពុជា។

បើតាមសេចក្ដីប្រកាសព័ត៌មានរបស់ក្រសួងការបរទេស និងសហប្រតិបត្តិការកម្ពុជា ពលរដ្ឋខ្មែរទាំង២៣នាក់នេះ ត្រូវបានអាជ្ញាធរម៉ាឡេស៊ីចាប់ខ្លួន ក្រោមហេតុផលថា ពួកគេទាំងនេះ បានធ្វើការខុសច្បាប់ ហើយស្នាក់នៅហួសពេលកំណត់ ដែលអាចមានទោសជាច្រើនខែតាមច្បាប់របស់ប្រទេសម៉ាឡេស៊ី ។ ប៉ុន្តែក្រោយពីស្ថានទូតខ្មែរ បានអន្តរាគមន៍ជួយនោះ ខាងអាជ្ញាធរ យល់ព្រមដោះលែងពួកគេ ដោយរៀបចំបញ្ជូនមកកម្ពុជាវិញ។

ពលរដ្ឋខ្មែរទាំង២៣នាក់នេះ នឹងត្រូវបញ្ជូនត្រឡប់មកកម្ពុជាវិញ នៅថ្ងៃទី០៧ កញ្ញា សប្ដាហ៍ក្រោយនេះ។ នេះបើតាមសេចក្ដីប្រកាសព័ត៌មានរបស់ក្រសួងការបរទេស ដែលបានបន្ថែមថា ថៅកែម៉ាឡេស៊ីម្នាក់ បានយល់ព្រមចេញថ្លៃសំបុត្រជូនពលរដ្ឋទាំង២៣នាក់នេះ តាមការទាមទាររបស់ស្ថានទូតខ្មែរ៕