អន្តរជាតិ
បញ្ហា«សុខភាព»ជាឧបសគ្គសម្រាប់លោកស្រី គ្លីនតុន ទៅកាន់តំណែងប្រធានាធិបតី?
×![]()
លោកស្រី ហ៊ីឡារី គ្លីនតុន សម្រេចលុបចោលការឃោសនានៅកាលីហ្វ័រនីញ៉ា ដោយសារមានបញ្ហាសុខភាពធ្ងន់ធ្ងរ ហើយគ្រូពេទ្យលោកស្រីបានបង្ហើបថា លោកស្រី មានជំងឺរលាកសួត។ ម្សិលមិញ ហ៊ីឡារី គ្លីនតុន ទប់ជំហរមិនចង់ជាប់និងជិតសន្លប់ក្នុងពេលដែលលោកស្រីចូលរួមក្នុងពិធីរំលឹកខួបនៃវាយប្រហារអាគារពាណិជ្ជកម្មពិភពលោក ១១ កញ្ញា។ វាជាសញ្ញាអវិជ្ជមានមួយ ព្រោះការបោះឆ្នោតនៅមិនដល់ ២ខែស្រួលបួលនោះ។ ជាធម្មតា អ្នកបោះឆ្នោតប្រហែលចាំបាច់ត្រូវពិចារណាឡើយវិញ ថាគួរគាំទ្រលោកស្រី គ្លីនតុន ឬអត់។ នេះក៏ដោយ សុខភាពវាសំខាន់បំផុត សម្រាប់អ្នកកាន់តំណែងប្រធានាធិបតី ព្រោះគេត្រូវទទួលខុសត្រូវចំពោះសម្រេចចិត្តខ្ពស់ៗ និងដឹកនាំប្រទេស។ 
ម្សិលមិញ បេក្ខជនប្រធានាធិបតីបក្សប្រជាធិបតេយ្យ ហ៊ីឡារី គ្លីនតុន បានចាកចេញពីកន្លែងគោរពវិញ្ញាណក្ខ័ន្ធអ្នកស្លាប់ក្នុងការវាយប្រហារភេរវកម្ម ១១កញ្ញា លឿនខុសប្រក្រតី។ ក្រុមស្និទ្ធលោកស្រី បានអះអាងថា លោកស្រីមិនសូវស្រួលខ្លួន ដោយសារក្តៅខ្លាំងពេក។ ប៉ុន្តែភ្លាមៗនោះ គេស្រាប់តែឃើញមានអ្នកចែកចាយវីដេអូខ្លី ដែលបង្ហាញឲ្យឃើញថា លោកស្រី ហ៊ីឡារី គ្លីនតុន ទប់ជំហរខ្លួនមិនចង់ជាប់និងជិតសន្លប់ផងពេលកំពុងដើរចូលក្នុងឡាន។ លោកស្រីត្រូវគេគ្រាឡើងរថយន្ត ដើម្បីកុំឲ្យដួល ដោយមានក្រុម Secret Service ឈរជុំវិញផងដើម្បីការពារសុវត្ថិភាព។
ប៉ុន្តែក្រោយមកគេស្រាប់តែឃើញលោកស្រីលេចមុខម្តងទៀត ដោយពាក់វែនតាខ្មៅការពារកំដៅថ្ងៃ សើច ហើយលើកដៃបក់ចុះឡើងដាក់កាមេរ៉ា។ ហ៊ីឡារី គ្លីនតុនបានបញ្ជាក់ភ្លាមៗថា លោកស្រីមានអារម្មណ៍ស្រួលបួលវិញហើយ ក្រោយសម្រាកបន្តិចនោះ។ តែវីដេអូដែលគេចែកចាយគ្នានេះមានផលប៉ះពាក់ខ្លាំងចំពោះយុទ្ធនការឃោសនារបស់លោកស្រី និងជំរុញឲ្យគេគិតថា «តើសុខភាពលោកស្រី គ្លីនតុន ពិតជាល្អអាចកាន់តំណែងប្រធានាធិបតីបានឬទេ?»។
១.លោកស្រី ហ៊ីឡារី គ្លីនតុន មានជំងឺរលាកសួត
យ៉ាងណាក៏ដោយចុះ បេក្ខជនប្រធានាធិបតីវ័យ ៦៨ ឆ្នាំមកពីបក្សប្រជាធិបតេយ្យលោកស្រី ហ៊ីឡារី គ្លីនតុន មិនមែនមិនស្រួលខ្លួនដោយសារចាញ់កម្តៅឡើយ។បើយោងតាមសារព័ត៌មាន Politico គ្រូពេទរបស់លោកស្រី បានបង្ហើបថា លោកស្រី ហ៊ីឡារី គ្លីនតុនកំពុងមានជំងឺ«រលាកសួត»។
វេជ្ជបណ្ឌិត Lisa Bardack បានអះអាងថា ក្រោយការត្រួតពិនិត្យនិងវិនិច្ឆ័យរោគ កាលពីថ្ងៃសុក្រទី ៩ កញ្ញាគេបានរកឃើញថា លោកស្រីមានជំងឺរលាកសួតនេះ។ បច្ចុប្បន្ន ហ៊ីឡារី គ្លីនតុន កំពុងទទួលការព្យាបាលដោយប្រើប្រាស់ថ្នាំ អង់ទីប៊ីយូទិក តែក្នុងពេលលោកស្រីអញ្ជើញទៅចូលរួមកម្មវិធីរំលឹកខួបលើកទី ១៥ នៃការវាយប្រហារភេរវកម្ម ក្តៅខ្លាំងនិងប្រឈមការខ្សោះជាតិទឹកផងនោះ ទើបធ្វើឲ្យលោកស្រីចង់សន្លប់បែបនេះ។
យ៉ាងណាមិញ ក្រុមឃោសនាបេក្ខជនប្រធានាធិបតីបក្សប្រជាធិបតេយ្យ តែងតែអះអាងថា លោកស្រី ហ៊ីឡារី គ្លីនតុន មានសុខភាពល្អណាស់ ហើយគេមិនដឹងថាពួកគេព្យាយាមលាក់បាំងជំងឺលោកស្រីយូរប៉ុណ្ណាហើយឡើយ ទម្រាំទម្លាយឲ្យគេដឹងពេលនេះ។
២.ហ៊ីឡារីគ្លីនតុន លុបចោលការឃោសនានៅរដ្ឋកាលីហ្វ័រនីញ៉ា
មកដល់ពេលនេះអ្វីដែលគេកត់សម្គាល់ខ្លាំងគឺ លោកស្រី គ្លីនតុន បានសម្រេចលុបចោលការឃោសនានៅរដ្ឋកាលីហ្វ័រនីញ៉ាដែលត្រូវចាប់ផ្តើមពីថ្ងៃចន្ទដល់ថ្ងៃអង្គារ។ វាបញ្ជាក់ច្បាស់ថា បញ្ហា«សុខភាព»កំពុងក្លាយជាឧបសគ្គសម្រាប់ការឃោសនារកសំឡេងឆ្នោតរបស់បេក្ខជនប្រធានាធិបតីបក្សប្រជាធិបតេយ្យនេះ ខណៈដែលការបោះឆ្នោតនឹងមកដល់ក្នុងរយៈពេលជិតពីរខែទៀតប៉ុណ្ណោះ។
បើតាមកាលវិភាគនៃការឃោសនា លោកស្រីត្រូវចូលរួមការឃោសនា និងផ្តល់សុន្ទរកថាក្នុងរយៈពេលពីរថ្ងៃដោយសុន្ទរកថាផ្តោតសំខាន់លើបញ្ហាសេដ្ឋកិច្ច។ ហើយសកម្មឃោសនានេះក៏ រួមមានទាំងការរៃអង្គាសលុយគាំទ្រការឃោសនាបក្សដែរ។ គេមិនដឹងច្បាស់ថា លោកស្រីនឹងត្រូវផ្អាកសកម្មភាពឃោសនាច្រើនទៀតឬអត់ឡើយ ទម្រាំសុខភាពលោកស្រី ប្រសើរឡើងដូចធម្មតាវិញ។
២.បញ្ហាសុខភាពជាបញ្ហាធំសម្រាប់បេក្ខជន ដូណាល់ត្រាំ និងលោកស្រី គ្លីនតុន
គូបដិបក្ខលោកស្រី ពោលគឺបេក្ខជនប្រធានាធិបតីបក្សសាធាណរដ្ឋ និងលោក ដូណាល់ ត្រាំ ផ្ទាល់កន្លងមកឆ្លៀតឱកាសលើកយកបញ្ហាសុខភាពលោកស្រីជាឧបករណ៍ទម្លាក់ប្រជាប្រិយភាពលោកស្រី គ្លីនតុន។ ហើយការលេចចេញវីដេអូ និងព័ត៌មានថាលោកស្រី មានជំងឺរលាកសួតនោះ ក៏រឹតតែប៉ះពាល់ដល់ប្រជាប្រិយភាពលោកស្រី ថែមទៀត។
ជាធម្មតា ចង់មិនចង់ អ្នកគាំទ្រលោកស្រី និងអ្នកមិនទាន់សម្រេចថាបោះឲ្យអ្នកណានោះ ត្រូវពិចារណឡើងវិញ ចំពោះបេក្ខជនប្រធានាធិបតីទាំងពីរ។ គេដឹងច្បាស់ថា តំណែងប្រធានាធិបតីអាមេរិកគួរតែត្រូវកាន់កាប់ដោយអ្នកនយោបាយដែលមានសុខភាពបរិបូរណ៍ និងមានកម្លាំងពលំមាំមួន ព្រោះវាជាកិច្ចការធំនិងស្មុគស្មាញបំផុត។ តែនិយាយទៅ បេក្ខជនទាំងពីររូបសុទ្ធតែមានបញ្ហាសុខភាព ហើយវ័យកាន់តែជ្រេខ្លាំងណាស់ទៅហើយ។
លោកស្រី ហ៊ីឡារី គ្លីនតុន មានវ័យ៦៨ ឆ្នាំ ខណៈលោក ដូណាល់ ត្រាំ មានវ័យ ៧០ឆ្នាំ។ ហើយបើសិនជាលោកជាប់ឆ្នោត លោកនឹងក្លាយជាប្រធានាធិបតីវ័យចំណាស់ជាងគេដែលស្បថចូលកាន់តំណែងជាប្រធានាធិបតីក្នុងអាណត្តិទីមួយ។ ចំណែកលោកស្រី ហ៊ីឡារី គ្លីនតុន នឹងក្លាយជាបេក្ខជនចំណាស់បំផុតទី២ បន្ទាប់ពីលោក ដូណាល់ ត្រាំ។ ដូច្នេះហើយ អ្នកទាំងពីរនឹងប្រឈមបញ្ហានិងសមា្ពធខ្លាំងដូចគ្នានៅពេលដែលនិយាយដល់រឿងសុខភាពនេះ៕
ម្សិលមិញ បេក្ខជនប្រធានាធិបតីបក្សប្រជាធិបតេយ្យ ហ៊ីឡារី គ្លីនតុន បានចាកចេញពីកន្លែងគោរពវិញ្ញាណក្ខ័ន្ធអ្នកស្លាប់ក្នុងការវាយប្រហារភេរវកម្ម ១១កញ្ញា លឿនខុសប្រក្រតី។ ក្រុមស្និទ្ធលោកស្រី បានអះអាងថា លោកស្រីមិនសូវស្រួលខ្លួន ដោយសារក្តៅខ្លាំងពេក។ ប៉ុន្តែភ្លាមៗនោះ គេស្រាប់តែឃើញមានអ្នកចែកចាយវីដេអូខ្លី ដែលបង្ហាញឲ្យឃើញថា លោកស្រី ហ៊ីឡារី គ្លីនតុន ទប់ជំហរខ្លួនមិនចង់ជាប់និងជិតសន្លប់ផងពេលកំពុងដើរចូលក្នុងឡាន។ លោកស្រីត្រូវគេគ្រាឡើងរថយន្ត ដើម្បីកុំឲ្យដួល ដោយមានក្រុម Secret Service ឈរជុំវិញផងដើម្បីការពារសុវត្ថិភាព។
ប៉ុន្តែក្រោយមកគេស្រាប់តែឃើញលោកស្រីលេចមុខម្តងទៀត ដោយពាក់វែនតាខ្មៅការពារកំដៅថ្ងៃ សើច ហើយលើកដៃបក់ចុះឡើងដាក់កាមេរ៉ា។ ហ៊ីឡារី គ្លីនតុនបានបញ្ជាក់ភ្លាមៗថា លោកស្រីមានអារម្មណ៍ស្រួលបួលវិញហើយ ក្រោយសម្រាកបន្តិចនោះ។ តែវីដេអូដែលគេចែកចាយគ្នានេះមានផលប៉ះពាក់ខ្លាំងចំពោះយុទ្ធនការឃោសនារបស់លោកស្រី និងជំរុញឲ្យគេគិតថា «តើសុខភាពលោកស្រី គ្លីនតុន ពិតជាល្អអាចកាន់តំណែងប្រធានាធិបតីបានឬទេ?»។
១.លោកស្រី ហ៊ីឡារី គ្លីនតុន មានជំងឺរលាកសួត
យ៉ាងណាក៏ដោយចុះ បេក្ខជនប្រធានាធិបតីវ័យ ៦៨ ឆ្នាំមកពីបក្សប្រជាធិបតេយ្យលោកស្រី ហ៊ីឡារី គ្លីនតុន មិនមែនមិនស្រួលខ្លួនដោយសារចាញ់កម្តៅឡើយ។បើយោងតាមសារព័ត៌មាន Politico គ្រូពេទរបស់លោកស្រី បានបង្ហើបថា លោកស្រី ហ៊ីឡារី គ្លីនតុនកំពុងមានជំងឺ«រលាកសួត»។
វេជ្ជបណ្ឌិត Lisa Bardack បានអះអាងថា ក្រោយការត្រួតពិនិត្យនិងវិនិច្ឆ័យរោគ កាលពីថ្ងៃសុក្រទី ៩ កញ្ញាគេបានរកឃើញថា លោកស្រីមានជំងឺរលាកសួតនេះ។ បច្ចុប្បន្ន ហ៊ីឡារី គ្លីនតុន កំពុងទទួលការព្យាបាលដោយប្រើប្រាស់ថ្នាំ អង់ទីប៊ីយូទិក តែក្នុងពេលលោកស្រីអញ្ជើញទៅចូលរួមកម្មវិធីរំលឹកខួបលើកទី ១៥ នៃការវាយប្រហារភេរវកម្ម ក្តៅខ្លាំងនិងប្រឈមការខ្សោះជាតិទឹកផងនោះ ទើបធ្វើឲ្យលោកស្រីចង់សន្លប់បែបនេះ។
យ៉ាងណាមិញ ក្រុមឃោសនាបេក្ខជនប្រធានាធិបតីបក្សប្រជាធិបតេយ្យ តែងតែអះអាងថា លោកស្រី ហ៊ីឡារី គ្លីនតុន មានសុខភាពល្អណាស់ ហើយគេមិនដឹងថាពួកគេព្យាយាមលាក់បាំងជំងឺលោកស្រីយូរប៉ុណ្ណាហើយឡើយ ទម្រាំទម្លាយឲ្យគេដឹងពេលនេះ។
២.ហ៊ីឡារីគ្លីនតុន លុបចោលការឃោសនានៅរដ្ឋកាលីហ្វ័រនីញ៉ា
មកដល់ពេលនេះអ្វីដែលគេកត់សម្គាល់ខ្លាំងគឺ លោកស្រី គ្លីនតុន បានសម្រេចលុបចោលការឃោសនានៅរដ្ឋកាលីហ្វ័រនីញ៉ាដែលត្រូវចាប់ផ្តើមពីថ្ងៃចន្ទដល់ថ្ងៃអង្គារ។ វាបញ្ជាក់ច្បាស់ថា បញ្ហា«សុខភាព»កំពុងក្លាយជាឧបសគ្គសម្រាប់ការឃោសនារកសំឡេងឆ្នោតរបស់បេក្ខជនប្រធានាធិបតីបក្សប្រជាធិបតេយ្យនេះ ខណៈដែលការបោះឆ្នោតនឹងមកដល់ក្នុងរយៈពេលជិតពីរខែទៀតប៉ុណ្ណោះ។
បើតាមកាលវិភាគនៃការឃោសនា លោកស្រីត្រូវចូលរួមការឃោសនា និងផ្តល់សុន្ទរកថាក្នុងរយៈពេលពីរថ្ងៃដោយសុន្ទរកថាផ្តោតសំខាន់លើបញ្ហាសេដ្ឋកិច្ច។ ហើយសកម្មឃោសនានេះក៏ រួមមានទាំងការរៃអង្គាសលុយគាំទ្រការឃោសនាបក្សដែរ។ គេមិនដឹងច្បាស់ថា លោកស្រីនឹងត្រូវផ្អាកសកម្មភាពឃោសនាច្រើនទៀតឬអត់ឡើយ ទម្រាំសុខភាពលោកស្រី ប្រសើរឡើងដូចធម្មតាវិញ។
២.បញ្ហាសុខភាពជាបញ្ហាធំសម្រាប់បេក្ខជន ដូណាល់ត្រាំ និងលោកស្រី គ្លីនតុន
គូបដិបក្ខលោកស្រី ពោលគឺបេក្ខជនប្រធានាធិបតីបក្សសាធាណរដ្ឋ និងលោក ដូណាល់ ត្រាំ ផ្ទាល់កន្លងមកឆ្លៀតឱកាសលើកយកបញ្ហាសុខភាពលោកស្រីជាឧបករណ៍ទម្លាក់ប្រជាប្រិយភាពលោកស្រី គ្លីនតុន។ ហើយការលេចចេញវីដេអូ និងព័ត៌មានថាលោកស្រី មានជំងឺរលាកសួតនោះ ក៏រឹតតែប៉ះពាល់ដល់ប្រជាប្រិយភាពលោកស្រី ថែមទៀត។
ជាធម្មតា ចង់មិនចង់ អ្នកគាំទ្រលោកស្រី និងអ្នកមិនទាន់សម្រេចថាបោះឲ្យអ្នកណានោះ ត្រូវពិចារណឡើងវិញ ចំពោះបេក្ខជនប្រធានាធិបតីទាំងពីរ។ គេដឹងច្បាស់ថា តំណែងប្រធានាធិបតីអាមេរិកគួរតែត្រូវកាន់កាប់ដោយអ្នកនយោបាយដែលមានសុខភាពបរិបូរណ៍ និងមានកម្លាំងពលំមាំមួន ព្រោះវាជាកិច្ចការធំនិងស្មុគស្មាញបំផុត។ តែនិយាយទៅ បេក្ខជនទាំងពីររូបសុទ្ធតែមានបញ្ហាសុខភាព ហើយវ័យកាន់តែជ្រេខ្លាំងណាស់ទៅហើយ។
លោកស្រី ហ៊ីឡារី គ្លីនតុន មានវ័យ៦៨ ឆ្នាំ ខណៈលោក ដូណាល់ ត្រាំ មានវ័យ ៧០ឆ្នាំ។ ហើយបើសិនជាលោកជាប់ឆ្នោត លោកនឹងក្លាយជាប្រធានាធិបតីវ័យចំណាស់ជាងគេដែលស្បថចូលកាន់តំណែងជាប្រធានាធិបតីក្នុងអាណត្តិទីមួយ។ ចំណែកលោកស្រី ហ៊ីឡារី គ្លីនតុន នឹងក្លាយជាបេក្ខជនចំណាស់បំផុតទី២ បន្ទាប់ពីលោក ដូណាល់ ត្រាំ។ ដូច្នេះហើយ អ្នកទាំងពីរនឹងប្រឈមបញ្ហានិងសមា្ពធខ្លាំងដូចគ្នានៅពេលដែលនិយាយដល់រឿងសុខភាពនេះ៕
Tag:
ហ៊ីឡារី គ្លីនតុន
ដូណាល់ ត្រាំ
© រក្សាសិទ្ធិដោយ thmeythmey.com
