អន្តរជាតិ
កាន់តំណែងជិតបានបីខែ រដ្ឋបាលលោក Duterte ប្រកាសជោគជ័យទាំងកិច្ចការក្នុង និងក្រៅប្រទេស
ប្រធានាធិបតីហ្វីលីពីនជាមួយមេដឹកនាំអាស៊ាន នាកិច្ចប្រជុំកំពូលអាស៊ានក្រុងវៀងចន្ទន៍ (ប្រភពរូបភាព៖ Philippine Star)
×![]()
វត្តមានលើកដំបូងរបស់ប្រធានាធិបតីហ្វីលីពីន លោក រ៉ូឌ្រីហ្គូ ឌើទើតេ (Rodrigo Duterte) ក្នុងកិច្ចប្រជុំកំពូលអាស៊ានក្នុងក្រុងវៀងចន្ទន៍ ដែលមានឡាវជាប្រធានអាស៊ាននោះ បានទាក់ទាញការចាប់អារម្មណ៍ពីប្រព័ន្ធផ្សព្វផ្សាយក្នុងតំបន់ និងអន្តរជាតិ ដ្បិតឥរិយាបថ និងជំហរអត្តនោម័តរបស់លោក។ ក្រោយបញ្ចប់ជំនួបនេះ ក្រុងម៉ានីល ក៏បានប្រកាស ការចូលរួមរបស់លោកប្រធានាធិបតី Duterte នេះ ថាជា«ជោគជ័យមួយនៃគោលនយោបាយការបរទេសរបស់ហ្វីលីពីន» ដែលសំដៅ ហ្វីលីពីន មិនស្ថិតក្រោមអំណាចចក្រពត្តិនៃប្រទេសណាមួយឡើយ។ តើអំណាចក្រពត្តិនោះ សំដៅលើប្រទេសណា?
មន្ត្រីជាន់ខ្ពស់នៃវិមានប្រធានាធិបតីហ្វីលីពីន នៅថ្ងៃទី១១ ខែកញ្ញា ម្សិលមិញ បានពណ៌នាដំណើរទស្សនកិច្ចចូលរួមកិច្ចប្រជុំកំពូលក្នុងតំបន់របស់លោកប្រធានាធិបតី Rodrigo Duterte ថាជា«ជោគជ័យមួយដែលពុំធ្លាប់មានពីមុនមក»នៃនយោបាយការបរទេសហ្វីលីពីន។ មន្ត្រីជាន់ខ្ពស់រូបនោះ ក៏បានបង្ហើបឲ្យដឹងដែរថា លោក Rodrigo Duterte ក៏គ្រោងនឹងបំពេញទស្សនកិច្ចទៅកាន់បណ្តាប្រទេសពីរផ្សេងទៀត តែមិនទាន់បញ្ចេញឈ្មោះប្រទេសទាំងនោះនៅឡើយនោះទេ។ នេះបើយោងតាមការចុះផ្សាយរបស់សារព័ត៌មានហ្វីលីពីន Philstar។
តើអ្វីជាជោគជ័យការបរទេសរបស់លោក Duterte ក្នុងវត្តមានលើកដំបូងនៃកិច្ចប្រជុំកំពូលពាក់ព័ន្ធអាស៊ាន?
ក្រោមការរិះគន់ដូចព្យុះភ្លៀងលើបញ្ហាសិទ្ធិមនុស្សពីសំណាក់អង្គការសហប្រជាជាតិ និងក្រុងវ៉ាស៊ីនតោន លើចំណាត់ការនៃការបោសសម្អាតបទល្មើស ជាពិសេសបញ្ហាគ្រឿងញៀន លោកប្រធានាធិបធិបតី រ៉ូឌ្រីហ្គូ ឌើទើតេ នៅតែអាចរក្សាគោលជំហរមិនប្រែប្រួលក្នុងឆាកអន្តរជាតិ។ ជាក់ស្តែងនោះ លោក មិនត្រឹមតែថ្លែងការណ៍ការពារតាមរយៈសារព័ត៌មានប៉ុណ្ណោះនោះទេ តែអ្នកដាក់ទណ្ឌកម្មរូបនេះ ថែមទាំងបង្ហាញតាមរយៈឥរិយាបថត្រង់ៗទៅកាន់អ្នករិះគន់រូបលោកក្នុងចំណាត់ការនេះទៀតផង។ ហើយនោះគឺ លោកប្រធានាធិបតី បានផ្តាំទៅកាន់អ្នករិះគន់លោក ថាមុននឹងរិះគន់បញ្ហាសិទ្ធិមនុស្ស គួរយល់ពីបរិបទជាមុនសិន។
អ្វីគួរកត់សម្គាល់នោះ លោកប្រធានាធិបតី បានគេចមិនចូលរួមកិច្ចប្រជុំអាស៊ាន-អាមេរិក និងអាស៊ាន-អង្គការសហប្រជាជាតិ ដែលមានវត្តមានលោកប្រធានាធិបតីអាមេរិកបារ៉ាក់ អូបាម៉ា ដែលលោក បានប្រើពាក្យជេរប្រមាថយ៉ាងខ្លាំងមុនពេលកិច្ចប្រជុំ និងអគ្គលេខាធិការអង្គការសហប្រជាជាតិ លោក បាន គីមូន។ ឥរិយាបថនេះហើយ ដែលក្រុងម៉ានីល ជឿជាក់ថា ជាសារមួយដ៏សំខាន់ដែលបានបង្ហាញទៅកាន់ឆាកអន្តរជាតិនៅអំឡុងពេលនៃកិច្ចប្រជុំកំពូលអាស៊ានពី «គោលនយោបាយការបរទេសឯករាជ្យរបស់ហ្វីលីពីន»។
បន្ថែមពីនេះ តាមប្រភពព័ត៌មាន Philstar ដដែលនោះ រដ្ឋមន្ត្រីទំនាក់ទំនងនៃការិយាល័យប្រធានាធិបតីហ្វីលីពីន លោក Andanar ក៏បានបញ្ជាក់ដែរថា «សុន្ទរកថារបស់លោកប្រធានាធិបតី Duterte បានធ្វើឲ្យប្រជាជនហ្វីលីពីនមានមោទនភាព ដ្បិត លោក បានបង្ហាញពីការប្រយុទ្ធប្រឆាំងដើម្បីសិទ្ធិរបស់ប្រជាជនហ្វីលីពីន។ លោករដ្ឋមន្ត្រី បន្ថែមថា ជំហរលោកប្រធានាធិបតី ក៏បង្ហាញពីជំងឺផ្នែកអារម្មណ៍ពាក់ព័ន្ធនឹងអំណាចចក្រពត្តិ និងម្ចាស់អាណានិគមដែលជាប់តាំងពីជាង៤០០ឆ្នាំហើយនោះ»។
បើទោះបីជាលោករដ្ឋមន្ត្រីទំនាក់ទំនងរូបនោះ មិនបញ្ចេញឈ្មោះប្រទេសចក្រពត្តិ ឬម្ចាស់អាណានិគមណាមួយរបស់ខ្លួនក៏ដោយ គេ បានដឹងច្បាស់ហើយថា ម្ចាស់អាណានិគមហ្វីលីពីន គឺមានតែអេស្ប៉ាញនឹងអាមេរិកប៉ុណ្ណោះ។ ហើយបើយើងក្រឡេកទៅមើលទំនាក់ទំនងរវាង អេស្ប៉ាញ និងហ្វីលីពីនបច្ចុប្បន្ន ក៏មិនសូវមានប៉ុន្មាននោះទេ ពោលគឺ ការព្យាយាមប្រយុទ្ធប្រឆាំងដើម្បីសិទ្ធិរបស់ខ្លួនពីចក្រពត្តិរបស់ហ្វីលីពីន សំដៅទៅលើអាមេរិកនោះឯង។
បើតាមការអះអាងរបស់អ្នកកាសែតហ្វីលីពីនមកកាន់សារព័ត៌មានថ្មីៗដែលសុំមិនបញ្ចេញឈ្មោះ បើទោះបីជាអាមេរិក បានដកចេញអាណានិគមពីហ្វីលីពីនក៏ដោយ អាមេរិកនៅតែចង់បន្តគ្រប់គ្រងហ្វីលីពីនតាមរយៈរូបភាពការទូតដដែល។ ជាជ្រុងមួយនៃការលើកឡើងនេះ គេអាចក្រឡេកមើលទំនាក់ទំនងភាគីទាំងពីរ គឺជាសម្ព័ន្ធមិត្តតាមកិច្ចព្រមព្រៀងដែលជាសន្ធិសញ្ញាអន្តរជាតិកំពូល ហើយពិសេសនោះ យោធាអាមេរិក ថែមទាំងអាចមានមូលដ្ឋានឈរជើងនៅហ្វីលីពីនទៀតផង។
លោក Duterte ទទួលបានជោគជ័យទាំងនយោបាយបរទេស និងនយោបាយក្នុងស្រុក?
ងាកមកចាប់អារម្មណ៍គោលនយោបាយក្នុងស្រុកហ្វីលីពីនវិញម្តង ! វា ក៏ជាហេតុផលមួយដែលឲ្យសហគមន៍អន្តរជាតិស្គាល់លោកប្រធានាធិបតីកាន់តែច្រើន និងរហ័ស បើទោះបីជា លោក ទើបតែឡើងកាន់អំណាចមិនបានបីខែផងដែរនោះ។ ហើយគោលនយោបាយនោះគឺ ការបោសសម្អាតបទល្មើស និងបញ្ហាគ្រឿងញៀនពីសង្គមហ្វីលីពីននោះឯង។ លោក Duterte ធា្លប់សន្យាថា លោក នឹងធានាឲ្យអស់បញ្ហាត្រឹមតែរយៈពេលបីខែប៉ុណ្ណោះ ពេលលោក ឡើងកាន់អំណាចជាប្រធានាធិបតី។
មកទល់ពេលនេះ មនុស្សជិតបីពាន់នាក់ហើយ ដែលត្រូវបានសម្លាប់ក្នុងយុទ្ធនាការកណ្ដាប់ដៃដែកបោសសម្អាតគ្រឿងញៀនរបស់ប្រធានាធិបតីហ្វីលីពីន លោក Rodrigo Duterte។ ថ្វីដ្បិតតែយុទ្ធនាការប្រយុទ្ធប្រឆាំងគ្រឿងញៀននេះ រងការរិះគន់ខ្លាំងពីអន្តរជាតិជុំវិញការរំលោភសិទ្ធិមនុស្សក្ដី ប្រជាជនហ្វីលីពីន ហាក់សាទរខ្លាំងនឹងចំណាត់ការក្ដៅនេះ ហើយហ្វីលីពីន ក៏ចាត់ទុកនេះជាសមិទ្ធផលមួយផងដែរ។
រដ្ឋបាលលោកប្រធានាធិបតី Rodrigo Duterte បានប្រកាសពីជោគជ័យក្នុងសង្គ្រាមគ្រឿងញៀនដ៏ចម្រូងចម្រាស ដោយការផ្គត់ផ្គង់គ្រឿងញៀននៅហ្វីលីពីនបានធ្លាក់ចុះរហូតដល់៩០ភាគទៅហើយ ចាប់តាំងពីការបង្ក្រាបចាប់ផ្ដើមនៅដើមឆ្នាំនេះ។ សារព័ត៌មាន The Philippines Star រាយការណ៍ថា មនុស្ស២៩៥៦នាក់ ត្រូវបានសម្លាប់ក្នុងករណីពាក់ព័ន្ធគ្រឿងញៀន ហើយច្រើនជាងពាក់កណ្ដាលនៃចំនួននោះ ត្រូវសម្លាប់ដោយខ្មាន់កាំភ្លើងមិនមែនប៉ូលិស។
ចំណែករបាយការណ៍ប៉ូលិសជាតិហ្វីលីពីនបង្ហាញថា ជនសង្ស័យ១៤៦៦នាក់ ត្រូវបានសម្លាប់ក្នុងប្រតិបត្តិការរបស់ប៉ូលិស ខណៈចំនូន១៤៩០នាក់ផ្សេងទៀត គឺសម្លាប់ដោយខ្មាន់កាំភ្លើងផ្សេងទៀត។ នេះក៏ដោយសារតែ លោកប្រធានាធិបតី Duterte លើកទឹកចិត្តឲ្យប្រជាជនទាំងអស់ ត្រូវជួយប៉ូលិសក្នុងការបង្ក្រាបគ្រឿងញៀន និងថែមទាំងផ្ដល់សិទ្ធិឲ្យអ្នកមានកាំភ្លើង អាចបាញ់ជនសង្ស័យពាក់ព័ន្ធគ្រឿងញៀនបានទៀតផង៕
មន្ត្រីជាន់ខ្ពស់នៃវិមានប្រធានាធិបតីហ្វីលីពីន នៅថ្ងៃទី១១ ខែកញ្ញា ម្សិលមិញ បានពណ៌នាដំណើរទស្សនកិច្ចចូលរួមកិច្ចប្រជុំកំពូលក្នុងតំបន់របស់លោកប្រធានាធិបតី Rodrigo Duterte ថាជា«ជោគជ័យមួយដែលពុំធ្លាប់មានពីមុនមក»នៃនយោបាយការបរទេសហ្វីលីពីន។ មន្ត្រីជាន់ខ្ពស់រូបនោះ ក៏បានបង្ហើបឲ្យដឹងដែរថា លោក Rodrigo Duterte ក៏គ្រោងនឹងបំពេញទស្សនកិច្ចទៅកាន់បណ្តាប្រទេសពីរផ្សេងទៀត តែមិនទាន់បញ្ចេញឈ្មោះប្រទេសទាំងនោះនៅឡើយនោះទេ។ នេះបើយោងតាមការចុះផ្សាយរបស់សារព័ត៌មានហ្វីលីពីន Philstar។
តើអ្វីជាជោគជ័យការបរទេសរបស់លោក Duterte ក្នុងវត្តមានលើកដំបូងនៃកិច្ចប្រជុំកំពូលពាក់ព័ន្ធអាស៊ាន?
ក្រោមការរិះគន់ដូចព្យុះភ្លៀងលើបញ្ហាសិទ្ធិមនុស្សពីសំណាក់អង្គការសហប្រជាជាតិ និងក្រុងវ៉ាស៊ីនតោន លើចំណាត់ការនៃការបោសសម្អាតបទល្មើស ជាពិសេសបញ្ហាគ្រឿងញៀន លោកប្រធានាធិបធិបតី រ៉ូឌ្រីហ្គូ ឌើទើតេ នៅតែអាចរក្សាគោលជំហរមិនប្រែប្រួលក្នុងឆាកអន្តរជាតិ។ ជាក់ស្តែងនោះ លោក មិនត្រឹមតែថ្លែងការណ៍ការពារតាមរយៈសារព័ត៌មានប៉ុណ្ណោះនោះទេ តែអ្នកដាក់ទណ្ឌកម្មរូបនេះ ថែមទាំងបង្ហាញតាមរយៈឥរិយាបថត្រង់ៗទៅកាន់អ្នករិះគន់រូបលោកក្នុងចំណាត់ការនេះទៀតផង។ ហើយនោះគឺ លោកប្រធានាធិបតី បានផ្តាំទៅកាន់អ្នករិះគន់លោក ថាមុននឹងរិះគន់បញ្ហាសិទ្ធិមនុស្ស គួរយល់ពីបរិបទជាមុនសិន។
អ្វីគួរកត់សម្គាល់នោះ លោកប្រធានាធិបតី បានគេចមិនចូលរួមកិច្ចប្រជុំអាស៊ាន-អាមេរិក និងអាស៊ាន-អង្គការសហប្រជាជាតិ ដែលមានវត្តមានលោកប្រធានាធិបតីអាមេរិកបារ៉ាក់ អូបាម៉ា ដែលលោក បានប្រើពាក្យជេរប្រមាថយ៉ាងខ្លាំងមុនពេលកិច្ចប្រជុំ និងអគ្គលេខាធិការអង្គការសហប្រជាជាតិ លោក បាន គីមូន។ ឥរិយាបថនេះហើយ ដែលក្រុងម៉ានីល ជឿជាក់ថា ជាសារមួយដ៏សំខាន់ដែលបានបង្ហាញទៅកាន់ឆាកអន្តរជាតិនៅអំឡុងពេលនៃកិច្ចប្រជុំកំពូលអាស៊ានពី «គោលនយោបាយការបរទេសឯករាជ្យរបស់ហ្វីលីពីន»។
បន្ថែមពីនេះ តាមប្រភពព័ត៌មាន Philstar ដដែលនោះ រដ្ឋមន្ត្រីទំនាក់ទំនងនៃការិយាល័យប្រធានាធិបតីហ្វីលីពីន លោក Andanar ក៏បានបញ្ជាក់ដែរថា «សុន្ទរកថារបស់លោកប្រធានាធិបតី Duterte បានធ្វើឲ្យប្រជាជនហ្វីលីពីនមានមោទនភាព ដ្បិត លោក បានបង្ហាញពីការប្រយុទ្ធប្រឆាំងដើម្បីសិទ្ធិរបស់ប្រជាជនហ្វីលីពីន។ លោករដ្ឋមន្ត្រី បន្ថែមថា ជំហរលោកប្រធានាធិបតី ក៏បង្ហាញពីជំងឺផ្នែកអារម្មណ៍ពាក់ព័ន្ធនឹងអំណាចចក្រពត្តិ និងម្ចាស់អាណានិគមដែលជាប់តាំងពីជាង៤០០ឆ្នាំហើយនោះ»។
បើទោះបីជាលោករដ្ឋមន្ត្រីទំនាក់ទំនងរូបនោះ មិនបញ្ចេញឈ្មោះប្រទេសចក្រពត្តិ ឬម្ចាស់អាណានិគមណាមួយរបស់ខ្លួនក៏ដោយ គេ បានដឹងច្បាស់ហើយថា ម្ចាស់អាណានិគមហ្វីលីពីន គឺមានតែអេស្ប៉ាញនឹងអាមេរិកប៉ុណ្ណោះ។ ហើយបើយើងក្រឡេកទៅមើលទំនាក់ទំនងរវាង អេស្ប៉ាញ និងហ្វីលីពីនបច្ចុប្បន្ន ក៏មិនសូវមានប៉ុន្មាននោះទេ ពោលគឺ ការព្យាយាមប្រយុទ្ធប្រឆាំងដើម្បីសិទ្ធិរបស់ខ្លួនពីចក្រពត្តិរបស់ហ្វីលីពីន សំដៅទៅលើអាមេរិកនោះឯង។
បើតាមការអះអាងរបស់អ្នកកាសែតហ្វីលីពីនមកកាន់សារព័ត៌មានថ្មីៗដែលសុំមិនបញ្ចេញឈ្មោះ បើទោះបីជាអាមេរិក បានដកចេញអាណានិគមពីហ្វីលីពីនក៏ដោយ អាមេរិកនៅតែចង់បន្តគ្រប់គ្រងហ្វីលីពីនតាមរយៈរូបភាពការទូតដដែល។ ជាជ្រុងមួយនៃការលើកឡើងនេះ គេអាចក្រឡេកមើលទំនាក់ទំនងភាគីទាំងពីរ គឺជាសម្ព័ន្ធមិត្តតាមកិច្ចព្រមព្រៀងដែលជាសន្ធិសញ្ញាអន្តរជាតិកំពូល ហើយពិសេសនោះ យោធាអាមេរិក ថែមទាំងអាចមានមូលដ្ឋានឈរជើងនៅហ្វីលីពីនទៀតផង។
លោក Duterte ទទួលបានជោគជ័យទាំងនយោបាយបរទេស និងនយោបាយក្នុងស្រុក?
ងាកមកចាប់អារម្មណ៍គោលនយោបាយក្នុងស្រុកហ្វីលីពីនវិញម្តង ! វា ក៏ជាហេតុផលមួយដែលឲ្យសហគមន៍អន្តរជាតិស្គាល់លោកប្រធានាធិបតីកាន់តែច្រើន និងរហ័ស បើទោះបីជា លោក ទើបតែឡើងកាន់អំណាចមិនបានបីខែផងដែរនោះ។ ហើយគោលនយោបាយនោះគឺ ការបោសសម្អាតបទល្មើស និងបញ្ហាគ្រឿងញៀនពីសង្គមហ្វីលីពីននោះឯង។ លោក Duterte ធា្លប់សន្យាថា លោក នឹងធានាឲ្យអស់បញ្ហាត្រឹមតែរយៈពេលបីខែប៉ុណ្ណោះ ពេលលោក ឡើងកាន់អំណាចជាប្រធានាធិបតី។
មកទល់ពេលនេះ មនុស្សជិតបីពាន់នាក់ហើយ ដែលត្រូវបានសម្លាប់ក្នុងយុទ្ធនាការកណ្ដាប់ដៃដែកបោសសម្អាតគ្រឿងញៀនរបស់ប្រធានាធិបតីហ្វីលីពីន លោក Rodrigo Duterte។ ថ្វីដ្បិតតែយុទ្ធនាការប្រយុទ្ធប្រឆាំងគ្រឿងញៀននេះ រងការរិះគន់ខ្លាំងពីអន្តរជាតិជុំវិញការរំលោភសិទ្ធិមនុស្សក្ដី ប្រជាជនហ្វីលីពីន ហាក់សាទរខ្លាំងនឹងចំណាត់ការក្ដៅនេះ ហើយហ្វីលីពីន ក៏ចាត់ទុកនេះជាសមិទ្ធផលមួយផងដែរ។
រដ្ឋបាលលោកប្រធានាធិបតី Rodrigo Duterte បានប្រកាសពីជោគជ័យក្នុងសង្គ្រាមគ្រឿងញៀនដ៏ចម្រូងចម្រាស ដោយការផ្គត់ផ្គង់គ្រឿងញៀននៅហ្វីលីពីនបានធ្លាក់ចុះរហូតដល់៩០ភាគទៅហើយ ចាប់តាំងពីការបង្ក្រាបចាប់ផ្ដើមនៅដើមឆ្នាំនេះ។ សារព័ត៌មាន The Philippines Star រាយការណ៍ថា មនុស្ស២៩៥៦នាក់ ត្រូវបានសម្លាប់ក្នុងករណីពាក់ព័ន្ធគ្រឿងញៀន ហើយច្រើនជាងពាក់កណ្ដាលនៃចំនួននោះ ត្រូវសម្លាប់ដោយខ្មាន់កាំភ្លើងមិនមែនប៉ូលិស។
ចំណែករបាយការណ៍ប៉ូលិសជាតិហ្វីលីពីនបង្ហាញថា ជនសង្ស័យ១៤៦៦នាក់ ត្រូវបានសម្លាប់ក្នុងប្រតិបត្តិការរបស់ប៉ូលិស ខណៈចំនូន១៤៩០នាក់ផ្សេងទៀត គឺសម្លាប់ដោយខ្មាន់កាំភ្លើងផ្សេងទៀត។ នេះក៏ដោយសារតែ លោកប្រធានាធិបតី Duterte លើកទឹកចិត្តឲ្យប្រជាជនទាំងអស់ ត្រូវជួយប៉ូលិសក្នុងការបង្ក្រាបគ្រឿងញៀន និងថែមទាំងផ្ដល់សិទ្ធិឲ្យអ្នកមានកាំភ្លើង អាចបាញ់ជនសង្ស័យពាក់ព័ន្ធគ្រឿងញៀនបានទៀតផង៕
Tag:
ហ្វីលីពីន
អាស៊ាន
© រក្សាសិទ្ធិដោយ thmeythmey.com
