អន្តរជាតិ
×![]()
មកទល់ពេលនេះ មនុស្សជិតបីពាន់នាក់ហើយ ដែលត្រូវបានសម្លាប់ក្នុងយុទ្ធនាការកណ្ដាប់ដៃដែកបោសសម្អាតគ្រឿងញៀនរបស់ប្រធានាធិបតីហ្វីលីពីន លោក Rodrigo Duterte។ ថ្វីដ្បិតតែយុទ្ធនាការប្រយុទ្ធប្រឆាំងគ្រឿងញៀននេះ រងការរិះគន់ខ្លាំងពីអន្តរជាតិជុំវិញការរំលោភសិទ្ធិមនុស្សក្ដី ប្រជាជនហ្វីលីពីន ហាក់សាទរខ្លាំងនឹងចំណាត់ការក្ដៅនេះ ហើយហ្វីលីពីន ក៏ចាត់ទុកនេះជាសមិទ្ធផលមួយផងដែរ។ 
រដ្ឋបាលលោកប្រធានាធិបតី Rodrigo Duterte បានប្រកាសពីជោគជ័យក្នុងសង្គ្រាមគ្រឿងញៀនដ៏ចម្រូងចម្រាស ដោយការផ្គត់ផ្គង់គ្រឿងញៀននៅហ្វីលីពីនបានធ្លាក់ចុះរហូតដល់៩០ភាគទៅហើយ ចាប់តាំងពីការបង្ក្រាបចាប់ផ្ដើមនៅដើមឆ្នាំនេះ។ សារព័ត៌មាន The Philippines Star រាយការណ៍ថា មនុស្ស២៩៥៦នាក់ ត្រូវបានសម្លាប់ក្នុងករណីពាក់ព័ន្ធគ្រឿងញៀន ហើយច្រើនជាងពាក់កណ្ដាលនៃចំនួននោះ ត្រូវសម្លាប់ដោយខ្មាន់កាំភ្លើងមិនមែនប៉ូលិស។
ចំណែករបាយការណ៍ប៉ូលិសជាតិហ្វីលីពីនបង្ហាញថា ជនសង្ស័យ១៤៦៦នាក់ ត្រូវបានសម្លាប់ក្នុងប្រតិបត្តិការរបស់ប៉ូលិស ខណៈ ចំនូន១៤៩០នាក់ផ្សេងទៀត គឺសម្លាប់ដោយខ្មាន់កាំភ្លើងផ្សេងទៀត។ នេះក៏ដោយសារតែ លោកប្រធានាធិបតី Duterte លើកទឹកចិត្តឲ្យប្រជាជនទាំងអស់ ត្រូវជួយប៉ូលិសក្នុងការបង្ក្រាបគ្រឿងញៀន និងថែមទាំងផ្ដល់សិទ្ធិឲ្យអ្នកមានកាំភ្លើង អាចបាញ់ជនសង្ស័យពាក់ព័ន្ធគ្រឿងញៀនបានទៀតផង។
នៅឯទីក្រុង Zamboanga វិញ ស្នងការប៉ូលិសជាតិហ្វីលីពីន លោក Ronald dela Rosa អះអាងដែរថា ការផ្គត់ផ្គងថ្នាំញៀន ត្រូវកាត់បន្ថយ៩០ភាគរយហើយ។ យ៉ាងណាក្ដី វិមានMalacañang របស់ប្រធានាធិបតីហ្វីលីពីន ក៏បង្ហាញការព្រួយបារម្ភចំពោះការបាញ់សម្លាប់នេះ និងបានប្រកាសថា ករណីទាំងនោះ នឹងត្រូវស៊ើបអង្កេតឲ្យដឹងជាក់ស្ដែង។
នៅក្នុងប្រតិបត្តិការបោសសម្អាតគ្រឿងញៀនរបស់លោក Duterte មនុស្សជាង១៦០០០នាក់ ត្រូវបានចាប់ខ្លួន និងជាង៧សែននាក់ទៀត ចុះចូលដោយស្ម័គ្រចិត្ត ដែលធ្វើគុកនៅហ្វីលីពីនពេញហូរហៀរដោយអ្នកទោសទៅហើយ។ លោក Martin Andanar រដ្ឋមន្ត្រីព័ត៌មានហ្វីលីននិយាយថា ប្រតិបត្តិការរបស់ប៉ូលិស គឺជាជោគជ័យមួយ ប៉ុន្តែការសម្លាប់ដែលពាក់ព័ន្ធនឹងជនអន្ធពាលដោយសារតែពួកគេមានគំនុំនឹងគ្នានោះ គឺក៏ជារឿងគួរឲ្យបារម្ភដែរ ហើយវាក៏មិនស្ថិតក្រោមច្បាប់នោះដែរ។
ដោយសារតែចំណាត់ការក្ដៅលើឈ្មួញ និងអ្នកប្រើគ្រឿងញៀននេះហើយ ទើបធ្វើឲ្យលោក Duterte ប្រទះសម្ដីខ្លាំងជាមួយមេដឹកនាំពិភពលោក ដែលរួមមានប្រធានាធិបតីអាមេរិក បារ៉ាក់ អូបាម៉ា និងប្រមុខអង្គការសហប្រជាជាតិ លោក បាន គីមូន ជាដើមនោះ។ លោក Duterte បានប្រើពាក្យមិនសមរម្យខ្លាំងដាក់លោក អូបាម៉ា ជុំវិញបញ្ហានេះ ដែលឈានដល់ការលុបចោលជំនួបទ្វេភាគីទៀតផង បើជាលោក Duterte បង្ហាញការសោកស្ដាយក៏ដោយចុះ៕
រដ្ឋបាលលោកប្រធានាធិបតី Rodrigo Duterte បានប្រកាសពីជោគជ័យក្នុងសង្គ្រាមគ្រឿងញៀនដ៏ចម្រូងចម្រាស ដោយការផ្គត់ផ្គង់គ្រឿងញៀននៅហ្វីលីពីនបានធ្លាក់ចុះរហូតដល់៩០ភាគទៅហើយ ចាប់តាំងពីការបង្ក្រាបចាប់ផ្ដើមនៅដើមឆ្នាំនេះ។ សារព័ត៌មាន The Philippines Star រាយការណ៍ថា មនុស្ស២៩៥៦នាក់ ត្រូវបានសម្លាប់ក្នុងករណីពាក់ព័ន្ធគ្រឿងញៀន ហើយច្រើនជាងពាក់កណ្ដាលនៃចំនួននោះ ត្រូវសម្លាប់ដោយខ្មាន់កាំភ្លើងមិនមែនប៉ូលិស។
ចំណែករបាយការណ៍ប៉ូលិសជាតិហ្វីលីពីនបង្ហាញថា ជនសង្ស័យ១៤៦៦នាក់ ត្រូវបានសម្លាប់ក្នុងប្រតិបត្តិការរបស់ប៉ូលិស ខណៈ ចំនូន១៤៩០នាក់ផ្សេងទៀត គឺសម្លាប់ដោយខ្មាន់កាំភ្លើងផ្សេងទៀត។ នេះក៏ដោយសារតែ លោកប្រធានាធិបតី Duterte លើកទឹកចិត្តឲ្យប្រជាជនទាំងអស់ ត្រូវជួយប៉ូលិសក្នុងការបង្ក្រាបគ្រឿងញៀន និងថែមទាំងផ្ដល់សិទ្ធិឲ្យអ្នកមានកាំភ្លើង អាចបាញ់ជនសង្ស័យពាក់ព័ន្ធគ្រឿងញៀនបានទៀតផង។
នៅឯទីក្រុង Zamboanga វិញ ស្នងការប៉ូលិសជាតិហ្វីលីពីន លោក Ronald dela Rosa អះអាងដែរថា ការផ្គត់ផ្គងថ្នាំញៀន ត្រូវកាត់បន្ថយ៩០ភាគរយហើយ។ យ៉ាងណាក្ដី វិមានMalacañang របស់ប្រធានាធិបតីហ្វីលីពីន ក៏បង្ហាញការព្រួយបារម្ភចំពោះការបាញ់សម្លាប់នេះ និងបានប្រកាសថា ករណីទាំងនោះ នឹងត្រូវស៊ើបអង្កេតឲ្យដឹងជាក់ស្ដែង។
នៅក្នុងប្រតិបត្តិការបោសសម្អាតគ្រឿងញៀនរបស់លោក Duterte មនុស្សជាង១៦០០០នាក់ ត្រូវបានចាប់ខ្លួន និងជាង៧សែននាក់ទៀត ចុះចូលដោយស្ម័គ្រចិត្ត ដែលធ្វើគុកនៅហ្វីលីពីនពេញហូរហៀរដោយអ្នកទោសទៅហើយ។ លោក Martin Andanar រដ្ឋមន្ត្រីព័ត៌មានហ្វីលីននិយាយថា ប្រតិបត្តិការរបស់ប៉ូលិស គឺជាជោគជ័យមួយ ប៉ុន្តែការសម្លាប់ដែលពាក់ព័ន្ធនឹងជនអន្ធពាលដោយសារតែពួកគេមានគំនុំនឹងគ្នានោះ គឺក៏ជារឿងគួរឲ្យបារម្ភដែរ ហើយវាក៏មិនស្ថិតក្រោមច្បាប់នោះដែរ។
ដោយសារតែចំណាត់ការក្ដៅលើឈ្មួញ និងអ្នកប្រើគ្រឿងញៀននេះហើយ ទើបធ្វើឲ្យលោក Duterte ប្រទះសម្ដីខ្លាំងជាមួយមេដឹកនាំពិភពលោក ដែលរួមមានប្រធានាធិបតីអាមេរិក បារ៉ាក់ អូបាម៉ា និងប្រមុខអង្គការសហប្រជាជាតិ លោក បាន គីមូន ជាដើមនោះ។ លោក Duterte បានប្រើពាក្យមិនសមរម្យខ្លាំងដាក់លោក អូបាម៉ា ជុំវិញបញ្ហានេះ ដែលឈានដល់ការលុបចោលជំនួបទ្វេភាគីទៀតផង បើជាលោក Duterte បង្ហាញការសោកស្ដាយក៏ដោយចុះ៕
Tag:
ហ្វីលីពីន
Rodrigo Duterte
គ្រឿងញៀន
© រក្សាសិទ្ធិដោយ thmeythmey.com
