អន្តរជាតិ
×![]()
តូក្យូ-ជប៉ុន៖ «LIVE JAPAN» ជាសេវាកម្មព័ត៌មានទេសចរណ៍នៅឈានមុខគេនៅក្នុងទីក្រុងតូក្យូ ដែលផ្តល់ព័ត៌មានទូទៅ និងចុងក្រោយបំផុតទាក់ទងនឹងទីតាំងទេសចរណ៍ ភោជនីយដ្ឋាន ផ្សារទំនិញ និងសណ្ឋាគារជាដើម។ តាមរយៈគេហទំព័រ livejapan.com អ្នកទេសចរណ៍អន្តរជាតិ អាចធ្វើដំណើរយ៉ាងងាយនៅជុំវិញទីក្រុងតូក្យូ។
ចាប់តាំងពីខែមេសា ឆ្នាំ២០១៦ មក ក្រុមហ៊ុន Gurunavi, Inc., Tokyu Corporation និង Tokyo Metro Co., Ltd. បានរួមគ្នាបង្កើតវេបសាយទេសចរណ៍ «LIVE JAPAN, PERFECT GUIDE TOKYO» ក្នុងបំណងសម្រួលដល់ភ្ញៀវទេសចរណ៍អន្តរជាតិក្នុងដំណើរទស្សនកិច្ចរបស់ពួកគេនៅក្នុងទីក្រុងតូក្យូ។ ក្រៅពីស្ថាប័នរដ្ឋ ក្រុមហ៊ុនឯកជនចំនួន២២ រួមទាំងក្រុមហ៊ុនអាកាសចរណ៍ ANA ផងដែរនោះ បានចូលរួមក្នុងដំណើរការរបស់មគ្គុទេសក៏អនឡាញមួយនេះ។
បច្ចុប្បន្ន LIVE JAPAN ផ្តល់ព័ត៌មានទេសចរណ៍អំពីក្រុងតូក្យូ ចំនួន៨ភាសា រួមមានជប៉ុន អង់គ្លេស ចិន (ធម្មតា និងបុរាណ) កូរ៉េ ម៉ាឡេស៊ី ឥណ្ឌូនេស៊ី និងថៃ។ ទោះបីជាយ៉ាងណាក៏ដោយ ព័ត៌មានជាភាសាថៃ ម៉ាឡេស៊ី និងឥណ្ឌូនេស៊ី មិនទាន់មានលក្ខណៈសម្បូរបែបឡើយ។
លោក Hirotaka Mizuno និងលោក Hiroto Sumida ថ្នាក់ដឹកនាំក្រុមហ៊ុន Gurunavi Global Group ដែលផ្តល់សេវាកម្មព័ត៌មានទាក់ទងនឹងម្ហូបអាហារ បានអះអាងថា «LIVE JAPAN» គឺជាផ្នែកមួយក្នុងការលើកកម្ពស់វិស័យទេសចរណ៍នៅក្នុងប្រទេសជប៉ុន។
ពួកលោកបានអះអាងថា ក្រៅពីព័ត៌មានទាក់ទងនឹងទីតាំងទេសចរណ៍ ភោជនីយដ្ឋាន ផ្សារទំនិញ និងសណ្ឋាគារជាដើមនោះ អ្នកទេសចរណ៍អាចគ្រប់គ្រងដំណើររបស់ខ្លួនមកកាន់ទីក្រុងតូក្យូ បានយ៉ាងងាយស្រួល។ «តាមរយៈ LIVE JAPAN អ្នកទេសចរណ៍អាចដឹងពីសេវាកម្មដឹកជញ្ជូនពីអាកាសយានដ្ឋានទៅសណ្ឋាគារ ឬកន្លែងផ្សេងៗ រួមទាំងសេវាកម្មដទៃទៀត»។ នេះបើតាមការបញ្ជាក់របស់ថ្នាក់ដឹកនាំក្រុមហ៊ុន Gurunavi Global Group។
បន្ថែមពីលើនេះ លោក Masuda Takuya ប្រធានការិយាល័យទំនាក់ទំនងសាធារណៈ និងបច្ចេកវិទ្យា នៃក្រុមហ៊ុន Tokyo Metro បានគូសបញ្ជាក់ថា សេវាកម្ម LIVE JAPAN រួមចំណែកយ៉ាងសំខាន់ក្នុងការផ្តល់ព័ត៌មានថ្មីៗ ទាក់ទងនឹងទីតាំងនានា ជាពិសេសបញ្ជីរាយនាមមុខម្ហូបនៅតាមបណ្តាភោជនីយដ្ឋាន។
លោកបានមានប្រសាសន៍ថា៖ «នៅក្បែរចំណតនៃស្ថានីយ៍រថភ្លើងក្រោមដៃនីមួយៗ ពោរពេញទៅដោយភោជនីយដ្ឋាន និងទីតាំងសំខាន់ៗ ដូច្នេះភ្ញៀវពិតជាចង់ដឹងណាស់នូវអ្វីដែលថ្មី។ ព័ត៌មានអនឡាញ អាចត្រូវបានអាប់ដេតគ្រប់ពេល មិនដូចជាខិត្តបណ្ណនោះឡើយព្រោះ ព័ត៌មានខ្លះនៅតាមខិត្តបណ្ណអាចកែប្រែ»៕
ចាប់តាំងពីខែមេសា ឆ្នាំ២០១៦ មក ក្រុមហ៊ុន Gurunavi, Inc., Tokyu Corporation និង Tokyo Metro Co., Ltd. បានរួមគ្នាបង្កើតវេបសាយទេសចរណ៍ «LIVE JAPAN, PERFECT GUIDE TOKYO» ក្នុងបំណងសម្រួលដល់ភ្ញៀវទេសចរណ៍អន្តរជាតិក្នុងដំណើរទស្សនកិច្ចរបស់ពួកគេនៅក្នុងទីក្រុងតូក្យូ។ ក្រៅពីស្ថាប័នរដ្ឋ ក្រុមហ៊ុនឯកជនចំនួន២២ រួមទាំងក្រុមហ៊ុនអាកាសចរណ៍ ANA ផងដែរនោះ បានចូលរួមក្នុងដំណើរការរបស់មគ្គុទេសក៏អនឡាញមួយនេះ។
បច្ចុប្បន្ន LIVE JAPAN ផ្តល់ព័ត៌មានទេសចរណ៍អំពីក្រុងតូក្យូ ចំនួន៨ភាសា រួមមានជប៉ុន អង់គ្លេស ចិន (ធម្មតា និងបុរាណ) កូរ៉េ ម៉ាឡេស៊ី ឥណ្ឌូនេស៊ី និងថៃ។ ទោះបីជាយ៉ាងណាក៏ដោយ ព័ត៌មានជាភាសាថៃ ម៉ាឡេស៊ី និងឥណ្ឌូនេស៊ី មិនទាន់មានលក្ខណៈសម្បូរបែបឡើយ។
លោក Hirotaka Mizuno និងលោក Hiroto Sumida ថ្នាក់ដឹកនាំក្រុមហ៊ុន Gurunavi Global Group ដែលផ្តល់សេវាកម្មព័ត៌មានទាក់ទងនឹងម្ហូបអាហារ បានអះអាងថា «LIVE JAPAN» គឺជាផ្នែកមួយក្នុងការលើកកម្ពស់វិស័យទេសចរណ៍នៅក្នុងប្រទេសជប៉ុន។
ពួកលោកបានអះអាងថា ក្រៅពីព័ត៌មានទាក់ទងនឹងទីតាំងទេសចរណ៍ ភោជនីយដ្ឋាន ផ្សារទំនិញ និងសណ្ឋាគារជាដើមនោះ អ្នកទេសចរណ៍អាចគ្រប់គ្រងដំណើររបស់ខ្លួនមកកាន់ទីក្រុងតូក្យូ បានយ៉ាងងាយស្រួល។ «តាមរយៈ LIVE JAPAN អ្នកទេសចរណ៍អាចដឹងពីសេវាកម្មដឹកជញ្ជូនពីអាកាសយានដ្ឋានទៅសណ្ឋាគារ ឬកន្លែងផ្សេងៗ រួមទាំងសេវាកម្មដទៃទៀត»។ នេះបើតាមការបញ្ជាក់របស់ថ្នាក់ដឹកនាំក្រុមហ៊ុន Gurunavi Global Group។
បន្ថែមពីលើនេះ លោក Masuda Takuya ប្រធានការិយាល័យទំនាក់ទំនងសាធារណៈ និងបច្ចេកវិទ្យា នៃក្រុមហ៊ុន Tokyo Metro បានគូសបញ្ជាក់ថា សេវាកម្ម LIVE JAPAN រួមចំណែកយ៉ាងសំខាន់ក្នុងការផ្តល់ព័ត៌មានថ្មីៗ ទាក់ទងនឹងទីតាំងនានា ជាពិសេសបញ្ជីរាយនាមមុខម្ហូបនៅតាមបណ្តាភោជនីយដ្ឋាន។
លោកបានមានប្រសាសន៍ថា៖ «នៅក្បែរចំណតនៃស្ថានីយ៍រថភ្លើងក្រោមដៃនីមួយៗ ពោរពេញទៅដោយភោជនីយដ្ឋាន និងទីតាំងសំខាន់ៗ ដូច្នេះភ្ញៀវពិតជាចង់ដឹងណាស់នូវអ្វីដែលថ្មី។ ព័ត៌មានអនឡាញ អាចត្រូវបានអាប់ដេតគ្រប់ពេល មិនដូចជាខិត្តបណ្ណនោះឡើយព្រោះ ព័ត៌មានខ្លះនៅតាមខិត្តបណ្ណអាចកែប្រែ»៕
Tag:
ទេសចរណ៍
JapanTour
© រក្សាសិទ្ធិដោយ thmeythmey.com
