រាជវាំងថៃ៖ ស្ថានភាពព្រះរាជសុខភាពព្រះមហាក្សត្រនៅមិនទាន់នឹងនរឡើយ

អន្តរជាតិ

នយោបាយអន្តរជាតិ

រាជវាំងថៃ៖ ស្ថានភាពព្រះរាជសុខភាពព្រះមហាក្សត្រនៅមិនទាន់នឹងនរឡើយ

12, Oct 2016 , 8:54 pm

រូបភាព

ដោយ: ថ្មីៗ

ស្ថានភាពសុខភាពព្រះមហាក្សត្រថៃ ភូមិបុល អាប់ដុលយ៉ាដេត មិនទាន់ត្រឡប់មករកភាពប្រសើរឡើងទេក្រោយពីទ្រង់ទទួលការលាងព្រះលោហិតដោយគ្រូពេទ្យនោះ។ នេះបើយោងតាមប្រភពព័ត៌មានច្បាស់ការណ៍ពីព្រះបរមរាជវាងំដែលស្រង់សម្តីដោយទីភ្នាក់ងារព័ត៌មាន Reuters។

រាជរាំងថៃបានប្រកាសថា ស្ថានភាពព្រះរាជសុខភាពព្រះមហាក្សត្រថៃព្រះចៅ ភូមិបុល អាប់ដុលយ៉ាដេត ដែលមានព្រះជន្មាយុ ៨៨ ព្រះវស្សាមិនទានត្រឡប់មករកភាពល្អប្រសើរឡើងវិញឡើយមកដល់ថ្ងៃ ១២ តុលានេះ។ ទោះជាបានទទួលការលាងព្រះលោហិតហើយក៏ដោយ ក៏សុខភាពទ្រង់ស្ថិតនៅក្នុងស្ថានភាពដុនដាបដដែល។

បើតាមសេចក្តីថ្លែងការណ៍របស់រាជរាំងថៃ ដែលចុះផ្សាយដោយទីភ្នាក់ងារព័ត៌មាន Reuters ព្រះរាជសុខភាពព្រះអង្គជារួមនៅមិនទាន់ត្រឡប់មករកភាពប្រក្រតីវិញឡើយ ហើយសម្ពាធឈាមធ្លាក់ចុះ ហើយទ្រង់ដកដង្ហើមញាប់ខ្លាំងផងដែរ។

តាមពិតទៅ ព្រះរាជសុខភាពរបស់ព្រះមហាក្សត្រ ភូមិបុល អាប់ដុលយ៉ាដេត បានធ្លាក់ចុះខ្លាំងរយៈពេលប៉ុន្មានថ្ងៃចុងក្រោយនេះ។ កាលពីថ្ងៃ ៩ ខែតុលា រាជវាំងថៃ ថា ក្រុមគ្រូពេទ្យព្យាបាលព្រះមហាក្សត្រ ភូមិបុល អាប់ឌុលយ៉ាដេត បានដាក់ឧបករណ៍ជំនួយការដកដង្ហើម ដើម្បីជំនួយព្រះមហាក្សត្រអង្គនេះក្នុងការដកដង្ហើម បន្ទាប់ពីព្រះអង្គទទួលការលាងលោហិតរួចមក។ រាជវាំងថៃបន្ថែមថា សុខភាពព្រះមហាក្សត្រ ភូមិបុល អាប់ឌុលយ៉ាដេត ដែលមានវ័យ៨៨វស្សាហើយនោះ បានធ្លាក់ចុះខ្លាំង។ តាមពិតទៅព្រះអង្គមានជំងឺច្រើនមុខក្នុងនោះក្នុងនោះមានជំងឺដង្ហើម, ទឹកដក់ក្នុងខួរក្បាល និងជំងឺផ្សេងទៀតផងដែរ។

តាមពិតទៅព្រះចៅ ភូមិបុល អាប់ឌុលយ៉ាដេត ដែលជាប្រមុខរដ្ឋគ្រងរាជ្យយូរជាងគេលើពិភពលោក ដោយគ្រងរាជ្យអស់រយៈពេល ៧០ ឆ្នាំមកហើយ។ ប៉ុន្តែទ្រង់បានចំណាយពេលវេលាភាគច្រើននៅក្នុងមន្ទីរពេទ្យ Siriraj ដើម្បីព្យាបាលព្រះរោគជាច្រើនមុខ។ បើតាមទីភ្នាក់ងារព័ត៌មាន AFP មហាក្សត្រអង្គនេះ បានបង្ហាញព្រះភក្ត្រចុងក្រោយកាលពីខែមករាដើមឆ្នាំ២០១៦នេះ ហើយចាប់ពីពេលនោះមក ព្រះអង្គក៏មិនដែលចេញព្រះភក្ត្រទៀតឡើយ៕