អន្តរជាតិ
លោកពូទីន៖ លោកខាងលិចទទួលខុសត្រូវចំពោះអស្ថិរភាពនៅមជ្ឈិមបូព៌ានិងភេរវកម្មនៅអឺរ៉ុប
×![]()
ដោយ: ថ្មីៗ
ប្រធានាធិបតីរុស្ស៊ីលោក វ្ល៉ាឌីមៀ ពូទីន បានអះអាងថា លោកខាងលិចត្រូវទទួលខុសត្រូវចំពោះបញ្ហាអស្ថិរភាពដែលកំពុងកើតមានឡើងនៅមជ្ឈបូព៌ា និងចលនាភេរវកម្មដែលកំពុងអុកឡុកអឺរ៉ុបថែមទៀតផង។ លោកលើកឡើងបែបនេះក្នុងបទសម្ភាសន៍ជាមួយទូរទស្សន៍បារាំង ក្រោយលោកលុបចោលដំណើរទស្សនកិច្ចទៅកាន់ប្រទេសបារាំងនោះ។ 
ក្នុងបទសម្ភាសន៍ជាមួយទូរទស្សន៍បារាំង TF1 ប្រធានាធិបតីរុស្ស៊ីលោក វ្ល៉ាឌីមៀ ពូទីន បានលើកឡើងថា លោកខាងលិចជាអ្នកទទួលខុសត្រូវរាល់បញ្ហាអស្ថិរភាពនៅមជ្ឈិមបូព៌ា និងចលនាភេរវកម្មដែលរំខានអឺរ៉ុបរាល់ថ្ងៃ។
យោងតាមបទសម្ភាសន៍ លោក វ្ល៉ាឌីមៀ ពូទីន ជាមួយទូទស្សន៍បារាំង TF1 ដែលចុះផ្សាយនៅក្នុងគេហទំព័រប្រធានាធិបតីរុស្ស៊ីថ្ងៃ ១២ តុលា លោក ពូទីនបានថ្លែងថា៖« ខ្ញុំជឿជាក់ថា ការទទួលខុសត្រូវមួយចំនួនចំពោះបញ្ហាដែលកើតមានឡើងនៅមជ្ឈិមបូព៌ានិយាយឲ្យចំស៊ីរីជារបស់ដៃគូរបស់លោកខាងលិចមានអាមេរិកនិងសម្ព័ន្ធមិត្តដូចជាមេដឹកនាំអឺរ៉ុបមួយចំនួនផង។ ចាំទេ នៅពេលដែលប្រទេសទាំងនេះ ប្រញាប់នាំគ្នាគាំទ្រ ចលនានិទាឃរដូវនៅអារ៉ាប់? តើវាបញ្ចប់យ៉ាងម៉េច? ហើយឯណាទៅសុទិដ្ឋិនិយមនោះ? មានចាំទេ ថាអ៊ីរ៉ាក់ និងលីប៊ី វាស្ថិតក្នុងស្ថានភាពបែបណាមុនពេលអាមេរិកនិងសម្ព័ន្ធមិត្តបំផ្លិចបំផ្លាញប្រទេសទាំងនេះនោះ?»។
ក្រៅពីបញ្ជាក់ពីបញ្ហាមជ្ឈិមបូព៌ា លោក វ្ល៉ាឌីមៀ ពូទីន ក៏ឆ្លៀតឱកាសភ្ជាប់សកម្មភាពបំពានច្បាប់អន្តរជាតិរបស់លោកខាងលិចទៅនឹងការកើនឡើងនៃចលនាភេរវកម្មដែលអុកឡុកនៅអឺរ៉ុបដែរ។
«មុនពេលចលនានិទាឃៈរដូវអារ៉ាប់កើតឡើង បណ្តាប្រទេសនៅមជ្ឈិមបូព៌ាមិនមានចលនាភេរវកម្មនិងមិនមែនជាគ្រោះថ្នាក់សម្រាប់រដ្ឋអឺរ៉ុបឡើយ។ ប៉ុន្តែឥឡូវនេះ ប្រទេសទាំងនេះប្រែក្លាយជាសំបុកភេរវជនដែលគំរាមកំហែងសន្តិសុខយើងគ្រប់គ្នា។ គោលដោរបស់យើងនៅពេលនេះ គឺធ្វើយ៉ាងណាទប់ស្កាត់កុំឲ្យស៊ីរីក្លាយជាសំបុក្រភេរវជនដូចដូចលីប៊ីនិងអ៊ីរ៉ាក់ទៀត»។
ទាក់ទិនវិបត្តិនៅមជ្ឈិមបូព៌ា ប្រធានាធិបតីរុស្ស៊ីរូបនេះក៏អះអាងផងដែរថា លោកខាងលិចមិនសូវផ្តោតសំខាន់លើការដោះស្រាយបញ្ហាជម្លោះស៊ីរីទេ តែប្រទេសទាំងនេះព្យាយាមប្រើប្រាស់សង្គ្រាមនេះជាល្បែងនយោបាយដើម្បីទាញយកផលចំណេញទៅវិញ។ បើសិនជាពួកគេមានឆន្ទៈជួយដោះស្រាយនិងបញ្ចប់បញ្ហានៅស៊ីរី ម្ល៉េះបញ្ហាមិនធ្លាក់ដល់ដំណាក់កាលនេះទេ។ តែលោកសង្កត់ធ្ងន់ថា លោកនៅតែបើកទ្វារស្វាគមន៍ការជជែកពិភាក្សានិងសហការដើម្បីដោះស្រាយជម្លោះស៊ីរីក្រោមឆ័ត្រអង្គការសហប្រជាតិដែរ។
ទំនាក់ទំនងលោកខាងលិចនិងរុស្ស៊ីធ្លាក់ចុះខ្លាំងរយៈពេលចុងក្រោយ ពោលគឺក្រោយបទឈប់បាញ់ទីពីរដែលត្រូវបានបង្កើតឡើងដោយអាមេរិក និងរុស្ស៊ីនៅដើមខែកញ្ញានោះបរាជ័យក្រោយអនុវត្តបានត្រឹមមួយសប្តាហ៍ប៉ុណ្ណោះ។ ហើយអ្វីដែលគួរឲ្យកត់សម្គាល់ ហេតុផលដែលបណ្តាលឲ្យបទឈប់បាញ់នេះបរាជ័យ ដោយសារអាមេរិកវាយប្រហារលើទាហានលោក បាសា អាសាដ កាលពី ដោយសម្លាប់ទាហានទាំងនោះអស់ប្រហែល ជាង៦០នាក់និងបណ្តាលឲ្យជាង១០០នាក់ផ្សេងទៀតរងរបួសផងដែរ។ ប៉ុន្តែអាមេរិកខំអះអាងថា កងទ័ពខ្លួនភាន់ច្រឡំដោយសារតែមានបញ្ហាបច្ចេកទេសប៉ុណ្ណោះ។ ដូច្នេះហើយទើបរដ្ឋាភិបាលស៊ីរីសម្រេចបញ្ឈប់ការអនុវត្តបទឈប់បាញ់ជាលក្ខណៈឯកតោភាគី។
រឿងរឹតតែស្មុគស្មាញនៅពេលដែល ប្រធានាធិបតីបារាំងលោក ហ្វ្រង់ស្វ័រ ហូឡង់, រដ្ឋមន្ត្រីការបរទេសអង់គ្លេស Boris Johnson និងរដ្ឋមន្ត្រីការបរទេសអាមេរិកលោក ចន ឃែរី នាំគ្នាចោទប្រកាន់រុស្ស៊ីពាក់ព័ន្ធការប្រព្រឹត្តបទឧក្រិដ្ឋសង្គ្រាមនៅស៊ីរីដោយការទម្លាក់គ្រាប់បែកប្រឆាំងជនស៊ីវិល។ ហើយប្រទេសបណ្តាមហាអំណាចទាំងនេះបានស្នើសឲ្យមានការស៊ើបអង្កេតបទឧក្រិដ្ឋសង្គ្រាមផងដែរ៕
ក្នុងបទសម្ភាសន៍ជាមួយទូរទស្សន៍បារាំង TF1 ប្រធានាធិបតីរុស្ស៊ីលោក វ្ល៉ាឌីមៀ ពូទីន បានលើកឡើងថា លោកខាងលិចជាអ្នកទទួលខុសត្រូវរាល់បញ្ហាអស្ថិរភាពនៅមជ្ឈិមបូព៌ា និងចលនាភេរវកម្មដែលរំខានអឺរ៉ុបរាល់ថ្ងៃ។
យោងតាមបទសម្ភាសន៍ លោក វ្ល៉ាឌីមៀ ពូទីន ជាមួយទូទស្សន៍បារាំង TF1 ដែលចុះផ្សាយនៅក្នុងគេហទំព័រប្រធានាធិបតីរុស្ស៊ីថ្ងៃ ១២ តុលា លោក ពូទីនបានថ្លែងថា៖« ខ្ញុំជឿជាក់ថា ការទទួលខុសត្រូវមួយចំនួនចំពោះបញ្ហាដែលកើតមានឡើងនៅមជ្ឈិមបូព៌ានិយាយឲ្យចំស៊ីរីជារបស់ដៃគូរបស់លោកខាងលិចមានអាមេរិកនិងសម្ព័ន្ធមិត្តដូចជាមេដឹកនាំអឺរ៉ុបមួយចំនួនផង។ ចាំទេ នៅពេលដែលប្រទេសទាំងនេះ ប្រញាប់នាំគ្នាគាំទ្រ ចលនានិទាឃរដូវនៅអារ៉ាប់? តើវាបញ្ចប់យ៉ាងម៉េច? ហើយឯណាទៅសុទិដ្ឋិនិយមនោះ? មានចាំទេ ថាអ៊ីរ៉ាក់ និងលីប៊ី វាស្ថិតក្នុងស្ថានភាពបែបណាមុនពេលអាមេរិកនិងសម្ព័ន្ធមិត្តបំផ្លិចបំផ្លាញប្រទេសទាំងនេះនោះ?»។
ក្រៅពីបញ្ជាក់ពីបញ្ហាមជ្ឈិមបូព៌ា លោក វ្ល៉ាឌីមៀ ពូទីន ក៏ឆ្លៀតឱកាសភ្ជាប់សកម្មភាពបំពានច្បាប់អន្តរជាតិរបស់លោកខាងលិចទៅនឹងការកើនឡើងនៃចលនាភេរវកម្មដែលអុកឡុកនៅអឺរ៉ុបដែរ។
«មុនពេលចលនានិទាឃៈរដូវអារ៉ាប់កើតឡើង បណ្តាប្រទេសនៅមជ្ឈិមបូព៌ាមិនមានចលនាភេរវកម្មនិងមិនមែនជាគ្រោះថ្នាក់សម្រាប់រដ្ឋអឺរ៉ុបឡើយ។ ប៉ុន្តែឥឡូវនេះ ប្រទេសទាំងនេះប្រែក្លាយជាសំបុកភេរវជនដែលគំរាមកំហែងសន្តិសុខយើងគ្រប់គ្នា។ គោលដោរបស់យើងនៅពេលនេះ គឺធ្វើយ៉ាងណាទប់ស្កាត់កុំឲ្យស៊ីរីក្លាយជាសំបុក្រភេរវជនដូចដូចលីប៊ីនិងអ៊ីរ៉ាក់ទៀត»។
ទាក់ទិនវិបត្តិនៅមជ្ឈិមបូព៌ា ប្រធានាធិបតីរុស្ស៊ីរូបនេះក៏អះអាងផងដែរថា លោកខាងលិចមិនសូវផ្តោតសំខាន់លើការដោះស្រាយបញ្ហាជម្លោះស៊ីរីទេ តែប្រទេសទាំងនេះព្យាយាមប្រើប្រាស់សង្គ្រាមនេះជាល្បែងនយោបាយដើម្បីទាញយកផលចំណេញទៅវិញ។ បើសិនជាពួកគេមានឆន្ទៈជួយដោះស្រាយនិងបញ្ចប់បញ្ហានៅស៊ីរី ម្ល៉េះបញ្ហាមិនធ្លាក់ដល់ដំណាក់កាលនេះទេ។ តែលោកសង្កត់ធ្ងន់ថា លោកនៅតែបើកទ្វារស្វាគមន៍ការជជែកពិភាក្សានិងសហការដើម្បីដោះស្រាយជម្លោះស៊ីរីក្រោមឆ័ត្រអង្គការសហប្រជាតិដែរ។
ទំនាក់ទំនងលោកខាងលិចនិងរុស្ស៊ីធ្លាក់ចុះខ្លាំងរយៈពេលចុងក្រោយ ពោលគឺក្រោយបទឈប់បាញ់ទីពីរដែលត្រូវបានបង្កើតឡើងដោយអាមេរិក និងរុស្ស៊ីនៅដើមខែកញ្ញានោះបរាជ័យក្រោយអនុវត្តបានត្រឹមមួយសប្តាហ៍ប៉ុណ្ណោះ។ ហើយអ្វីដែលគួរឲ្យកត់សម្គាល់ ហេតុផលដែលបណ្តាលឲ្យបទឈប់បាញ់នេះបរាជ័យ ដោយសារអាមេរិកវាយប្រហារលើទាហានលោក បាសា អាសាដ កាលពី ដោយសម្លាប់ទាហានទាំងនោះអស់ប្រហែល ជាង៦០នាក់និងបណ្តាលឲ្យជាង១០០នាក់ផ្សេងទៀតរងរបួសផងដែរ។ ប៉ុន្តែអាមេរិកខំអះអាងថា កងទ័ពខ្លួនភាន់ច្រឡំដោយសារតែមានបញ្ហាបច្ចេកទេសប៉ុណ្ណោះ។ ដូច្នេះហើយទើបរដ្ឋាភិបាលស៊ីរីសម្រេចបញ្ឈប់ការអនុវត្តបទឈប់បាញ់ជាលក្ខណៈឯកតោភាគី។
រឿងរឹតតែស្មុគស្មាញនៅពេលដែល ប្រធានាធិបតីបារាំងលោក ហ្វ្រង់ស្វ័រ ហូឡង់, រដ្ឋមន្ត្រីការបរទេសអង់គ្លេស Boris Johnson និងរដ្ឋមន្ត្រីការបរទេសអាមេរិកលោក ចន ឃែរី នាំគ្នាចោទប្រកាន់រុស្ស៊ីពាក់ព័ន្ធការប្រព្រឹត្តបទឧក្រិដ្ឋសង្គ្រាមនៅស៊ីរីដោយការទម្លាក់គ្រាប់បែកប្រឆាំងជនស៊ីវិល។ ហើយប្រទេសបណ្តាមហាអំណាចទាំងនេះបានស្នើសឲ្យមានការស៊ើបអង្កេតបទឧក្រិដ្ឋសង្គ្រាមផងដែរ៕
© រក្សាសិទ្ធិដោយ thmeythmey.com
