អន្តរជាតិ
មេដឹកនាំអឺរ៉ុបជួបប្រជុំគ្នា តែមិនសូវខ្វល់ពីការចាកចេញរបស់អង់គ្លេសពីសហភាពអឺរ៉ុប
បណ្ដាមេដឹកនាំអឺរ៉ុប នាកិច្ចប្រជុំកំពូលនៅក្រុងព្រុចសែល (រូបភាព BBC)
×![]()
ដោយ: តន ចាន់រិទ្ធារ៉ា
បណ្ដាមេដឹកនាំអឺរ៉ុប នៅថ្ងៃទី២០ ខែតុលា បានជួបប្រជុំគ្នានៅទីក្រុងព្រុចសែលសម្រាប់ជំនួបកំពូលរបស់ខ្លួន។ នាយករដ្ឋមន្ត្រីអង់គ្លេស លោកស្រី Theresa May ក៏មានវត្តមានក្នុងចំណោមមេដឹកនាំអឺរ៉ុប ដែលនោះជាលើកដំបូងលោកស្រីជួបដៃគូមេដឹកនាំអឺរ៉ុប ចាប់តាំងពីអង់គ្លេសធ្វើប្រជាមតិចាកចេញពីអង្គការតំបន់នេះមក។ នាយករដ្ឋមន្ត្រីអង់គ្លេស ក៏បានប្រាប់មេដឹកនាំអឺរ៉ុបថា អង់គ្លេសនឹងនៅតែជាផ្នែកមួយរបស់អឺរ៉ុប រហូតដល់ការចាកចេញផ្លូវការ តែមេដឹកនាំអឺរ៉ុបព្រមានវិញថា ការចរចានឹងមិនមែនជារឿងងាយស្រួលឡើយ។
សូមស្ដាប់ព័ត៌មានលម្អិត៖
នាយករដ្ឋមន្ត្រីអង់គ្លេស លោកស្រី Theresa May បានជួបជាមួយមេដឹកនាំរដ្ឋសមាជិកអឺរ៉ុបទាំង២៧ ផ្សេងទៀត នៅក្រុងព្រុចសែល។ នេះជាជំនួបលើកទីមួយរបស់នាយករដ្ឋមន្ត្រីអង់គ្លេសជាមួយបណ្ដាមេដឹកនាំអឺរ៉ុប ដែលចង់ឲ្យអង់គ្លេសចាកចេញឲ្យបានឆាប់ៗនោះ។ បើទោះជាបញ្ហានៃការចាកចេញរបស់អង់គ្លេសមិនមែនជារបៀបវារៈសំខាន់ក្ដី លោកស្រី Theresa May ក៏ឆ្លៀតពេលនោះប្រាប់មេដឹកនាំអឺរ៉ុបពីជំហររបស់អង់គ្លេស ពាក់ព័ន្ធនឹងការចរចាលែងលះរវាងអឺរ៉ុប និងចក្រភពអង់គ្លេស។
នៅពេលចាប់ផ្ដើមនៃកិច្ចប្រជុំ លោកស្រី Theresa May បានប្រាប់មេដឹកនាំរដ្ឋសមាជិកអឺរ៉ុបទាំង២៧ ថា លោកស្រី នឹងមិនយល់ព្រមលើការសម្រេចណាមួយរបស់សហភាពងឺរ៉ុប ដែលមិនមានការចូលរួមរបស់ចក្រភពអង់គ្លេសឡើយ។ នាយករដ្ឋមន្ត្រីអង់គ្លេសបញ្ជាក់ថា ចក្រភពអង់គ្លេសនៅតែជាសមាជិកអឺរ៉ុប និងចូលរួមក្នុងការសម្រេចចិត្តលើបញ្ហាទាក់ទងនឹងផលប្រយោជន៍រួមសមាជិកសហភាពអឺរ៉ុបទាំង២៨ប្រទេស។
លោកស្រី May បន្តថា អង់គ្លេស នឹងនៅតែចូលរួមក្នុងជំនួបកំពូលអឺរ៉ុប និងការចរចានានារបស់អឺរ៉ុប ដ្បិតបើការចរចាពីការចាកចេញមិនទាន់បញ្ចប់ទេ ចក្រភពអង់គ្លេសនឹងនៅតែជាផ្នែកមួយរបស់សហភាពអឺរ៉ុបដដែល។ នាយករដ្ឋមន្ត្រីអង់គ្លេសរូបនេះធ្លាប់ប្រកាសហើយថា លោកស្រី នឹងអនុវត្តតាមមាត្រា៥០ សន្ធិសញ្ញា Lisbon នៅឆ្នាំ២០១៧ ដែលនេះមានន័យថា អង់គ្លេសនឹងចាកចេញពីអឺរ៉ុបផ្លូវការយ៉ាងហោចណាស់ក៏ឆ្នាំ២០១៩ដែរ។
១. បារាំង ព្រមានអង់គ្លេសថា ការចរចានឹងពិបាក បើអង់គ្លេសជ្រើសការចាកចេញតែបន្តប្រើទីផ្សារអឺរ៉ុប
នៅក្នុងជំនួបកំពូលនៅក្រុងព្រុចសែល បណ្ដាមេដឹកនាំអឺរ៉ុប បានបង្ហាញជំហររឹងត្អឹងទាក់ទងនឹងការចរចាជាមួយចក្រភពអង់គ្លេស និងជំហររបស់ប្រទេសនេះ។ មេដឹកនាំអឺរ៉ុបភាគច្រើន មិនពេញចិត្តនឹងការចង់បានរបស់នាយករដ្ឋមន្ត្រី Theresa May ដែលចង់បន្តការប្រើប្រាស់ទីផ្សាររួមរបស់សហភាពអឺរ៉ុប នៅពេលដែលខ្លួនចាកចេញលែងជាសមាជិកសហភាពអឺរ៉ុបជាផ្លូវការនោះ។
ជាមួយគ្នានោះដែរ ប្រធានាធិបតីបារាំង ហ្វ្រង់ស្វ័រ ហូឡង់ (Francois Hollande) ក៏បានព្រមាននាយករដ្ឋមន្ត្រីអង់គ្លេសជុំវិញបញ្ហានេះដែរ។ អង់គ្លេស នឹងប្រឈមមុខជំហរតឹងតែងរបស់អឺរ៉ុប បើអង់គ្លេសប្រកាន់ជំហរតឹងតែងក្នុងការចរចា ដែលចាប់ផ្ដើមនៅឆ្នាំក្រោយនោះ។ លោក ហូឡង់ បញ្ជាក់ច្បាស់ថា លោកស្រី Theresa May មកប្រជុំនៅព្រុចសែល ក្នុងនាមជាសមាជិកក្រុមប្រឹក្សាអឺរ៉ុប។
ប្រធានាធិបតីបារាំងនិយាយទៀតថា នាយករដ្ឋមន្ត្រី Theresa May មិនទាន់ ប្រកាស អនុវត្តតាមមាត្រា៥០ សន្ធិសញ្ញា Lisbon នៅឡើយទេ ដូច្នេះលោកស្រីនឹងនៅតែជាផ្នែកនៃការពិភាក្សារបស់អឺរ៉ុបដដែល ហើយដរាបណាអង់គ្លេសមិនទាន់ចាកចេញ អង់គ្លេសគឺនៅជាសមាជិកសហភាពអឺរ៉ុប។ ប៉ុន្តែលោកព្រមានថា ប្រសិនបើអង់គ្លេសចង់បានការចាកចេញដ៏តឹងតែងនោះ ការចរចាលើការចាកចេញនេះ ក៏មិនស្រួលនោះដែរ។
នាយករដ្ឋមន្ត្រីអង់គ្លេសធ្លាប់បានបង្ហាញសញ្ញាថា លោកស្រីពិចារណាដកសមាជិកភាពរបស់ចក្រភពអង់គ្លេសពីទីផ្សាររួម និងតំបន់ពន្ធរួមគ្នារបស់អឺរ៉ុប សម្រាប់ជាផ្នែកមួយនៃការចាកចេញ។ ជំនួសមកវិញនោះ អង់គ្លេស អាចមានសិទ្ធិគ្រប់គ្រងលើការងារព្រំដែនរបស់ខ្លួន ក៏ដូចជាគោលនយោបាយអន្តោប្រវេសន៍ដែរ។ លើសពីនោះ អង់គ្លេស ក៏បានសិទ្ធិដើម្បីធ្វើពាណិជ្ជកម្មដោយសេរីជាមួយប្រទេសមិនមែនសមាជិកអឺរ៉ុបដែរ។
២. ការចាកចេញរបស់អង់គ្លេស មិនមែនជារបៀបវារៈសំខាន់
ថ្វីបើប្រធានបទនៃការចាកចេញរបស់ចក្រភពអង់គ្លេសត្រូវបានលើកឡើងក្នុងជំនួបកំពូលមេដឹកនាំអឺរ៉ុប បញ្ហានេះក៏មិនមែនជារបៀបវារៈសំខាន់ ដែលត្រូវឲ្យមេដឹកនាំប្រទេសអឺរ៉ុបទាំង ២៧ប្រទេសពិភាក្សាផុលផុសដែរ។ ចំណែកអធិការបតីអាល្លឺម៉ង់ លោកស្រី Angela Merkel ក៏បានបញ្ជាក់ដែរថា ការចាកចេញរបស់ចក្រភពអង់គ្លេស គឺជាប្រធានបទតូចតាចប៉ុណ្ណោះ អំឡុងពេលនៃកិច្ចប្រជុំកំពូលមេដឹកនាំអឺរ៉ុប។
ទន្ទឹមគ្នានោះ សារព័ត៌មាន Express ផ្សាយថា ប្រធានក្រុមប្រឹក្សាអឺរ៉ុប លោក Donald Tusk ក៏ចាត់ទុកជំនួបកំពូលនេះ មិនមែនជាពេលវេលាសក្តិសមដើម្បីចាប់ផ្ដើមការចរចាឡើយ។ លោកអះអាងថា នេះជាសំណើរបស់នាយករដ្ឋមន្ត្រីអង់គ្លេសខ្លួនឯងផ្ទាល់ ដែលចង់ត្រឹមប្រើកិច្ចប្រជុំនេះ ដើម្បីបង្ហាញជំហររបស់លោកស្រីលើការចាកចេញ មិនមែនចាប់ផ្ដើមការចរចាអ្វីឡើយ។
ប្រធានក្រុមប្រឹក្សាអឺរ៉ុបរូបនេះបន្តថា គេត្រូវរង់ចាំរហូតដល់អង់គ្លេស ប្រកាសអនុវត្តតាមមាត្រា៥០ សន្ធិសញ្ញា Lisbon សិន ទើបការចរចាណាមួយអាចចាប់ផ្ដើមបាន។ បើដូច្នេះមែន គេប្រហែលជាត្រូវចាំដល់ឆ្នាំ២០១៧ ទើបការចរចាផ្លូវការរវាងសហភាពអឺរ៉ុប និងចក្រភពអង់គ្លេសលើការចាកចេញ ចេញដំណើរបាន ហើយការចរចា នឹងត្រូវប្រើពេលពីរឆ្នាំ ដែលអាចបញ្ចប់នៅឆ្នាំ២០១៩។
ជាការពិត ទាំងអឺរ៉ុប និងចក្រភពអង់គ្លេស កំពុងយកចិត្តទុកដាក់លើលក្ខខណ្ឌដែលត្រូវប្រើក្នុងការចរចា ដោយភាគីទាំងពីរសុទ្ធតែអះអាងការពារផលប្រយោជន៍រៀងៗខ្លួន។ អង់គ្លេស ចង់បន្តសិទ្ធិប្រើប្រាស់ទីផ្សាររួមរបស់អឺរ៉ុប និងចង់ធ្វើរកស៊ីជាមួយប្រទេសដទៃ តែអឺរ៉ុបចង់ឲ្យអង់គ្លេសចេញឲ្យផុត។ ជំហរផ្សេងគ្នានេះ គឺបញ្ហាដែលអាចរាំងស្ទះការចរចានៅពេលខាងមុខ៕
សូមស្ដាប់ព័ត៌មានលម្អិត៖
នាយករដ្ឋមន្ត្រីអង់គ្លេស លោកស្រី Theresa May បានជួបជាមួយមេដឹកនាំរដ្ឋសមាជិកអឺរ៉ុបទាំង២៧ ផ្សេងទៀត នៅក្រុងព្រុចសែល។ នេះជាជំនួបលើកទីមួយរបស់នាយករដ្ឋមន្ត្រីអង់គ្លេសជាមួយបណ្ដាមេដឹកនាំអឺរ៉ុប ដែលចង់ឲ្យអង់គ្លេសចាកចេញឲ្យបានឆាប់ៗនោះ។ បើទោះជាបញ្ហានៃការចាកចេញរបស់អង់គ្លេសមិនមែនជារបៀបវារៈសំខាន់ក្ដី លោកស្រី Theresa May ក៏ឆ្លៀតពេលនោះប្រាប់មេដឹកនាំអឺរ៉ុបពីជំហររបស់អង់គ្លេស ពាក់ព័ន្ធនឹងការចរចាលែងលះរវាងអឺរ៉ុប និងចក្រភពអង់គ្លេស។
នៅពេលចាប់ផ្ដើមនៃកិច្ចប្រជុំ លោកស្រី Theresa May បានប្រាប់មេដឹកនាំរដ្ឋសមាជិកអឺរ៉ុបទាំង២៧ ថា លោកស្រី នឹងមិនយល់ព្រមលើការសម្រេចណាមួយរបស់សហភាពងឺរ៉ុប ដែលមិនមានការចូលរួមរបស់ចក្រភពអង់គ្លេសឡើយ។ នាយករដ្ឋមន្ត្រីអង់គ្លេសបញ្ជាក់ថា ចក្រភពអង់គ្លេសនៅតែជាសមាជិកអឺរ៉ុប និងចូលរួមក្នុងការសម្រេចចិត្តលើបញ្ហាទាក់ទងនឹងផលប្រយោជន៍រួមសមាជិកសហភាពអឺរ៉ុបទាំង២៨ប្រទេស។
លោកស្រី May បន្តថា អង់គ្លេស នឹងនៅតែចូលរួមក្នុងជំនួបកំពូលអឺរ៉ុប និងការចរចានានារបស់អឺរ៉ុប ដ្បិតបើការចរចាពីការចាកចេញមិនទាន់បញ្ចប់ទេ ចក្រភពអង់គ្លេសនឹងនៅតែជាផ្នែកមួយរបស់សហភាពអឺរ៉ុបដដែល។ នាយករដ្ឋមន្ត្រីអង់គ្លេសរូបនេះធ្លាប់ប្រកាសហើយថា លោកស្រី នឹងអនុវត្តតាមមាត្រា៥០ សន្ធិសញ្ញា Lisbon នៅឆ្នាំ២០១៧ ដែលនេះមានន័យថា អង់គ្លេសនឹងចាកចេញពីអឺរ៉ុបផ្លូវការយ៉ាងហោចណាស់ក៏ឆ្នាំ២០១៩ដែរ។
១. បារាំង ព្រមានអង់គ្លេសថា ការចរចានឹងពិបាក បើអង់គ្លេសជ្រើសការចាកចេញតែបន្តប្រើទីផ្សារអឺរ៉ុប
នៅក្នុងជំនួបកំពូលនៅក្រុងព្រុចសែល បណ្ដាមេដឹកនាំអឺរ៉ុប បានបង្ហាញជំហររឹងត្អឹងទាក់ទងនឹងការចរចាជាមួយចក្រភពអង់គ្លេស និងជំហររបស់ប្រទេសនេះ។ មេដឹកនាំអឺរ៉ុបភាគច្រើន មិនពេញចិត្តនឹងការចង់បានរបស់នាយករដ្ឋមន្ត្រី Theresa May ដែលចង់បន្តការប្រើប្រាស់ទីផ្សាររួមរបស់សហភាពអឺរ៉ុប នៅពេលដែលខ្លួនចាកចេញលែងជាសមាជិកសហភាពអឺរ៉ុបជាផ្លូវការនោះ។
ជាមួយគ្នានោះដែរ ប្រធានាធិបតីបារាំង ហ្វ្រង់ស្វ័រ ហូឡង់ (Francois Hollande) ក៏បានព្រមាននាយករដ្ឋមន្ត្រីអង់គ្លេសជុំវិញបញ្ហានេះដែរ។ អង់គ្លេស នឹងប្រឈមមុខជំហរតឹងតែងរបស់អឺរ៉ុប បើអង់គ្លេសប្រកាន់ជំហរតឹងតែងក្នុងការចរចា ដែលចាប់ផ្ដើមនៅឆ្នាំក្រោយនោះ។ លោក ហូឡង់ បញ្ជាក់ច្បាស់ថា លោកស្រី Theresa May មកប្រជុំនៅព្រុចសែល ក្នុងនាមជាសមាជិកក្រុមប្រឹក្សាអឺរ៉ុប។
ប្រធានាធិបតីបារាំងនិយាយទៀតថា នាយករដ្ឋមន្ត្រី Theresa May មិនទាន់ ប្រកាស អនុវត្តតាមមាត្រា៥០ សន្ធិសញ្ញា Lisbon នៅឡើយទេ ដូច្នេះលោកស្រីនឹងនៅតែជាផ្នែកនៃការពិភាក្សារបស់អឺរ៉ុបដដែល ហើយដរាបណាអង់គ្លេសមិនទាន់ចាកចេញ អង់គ្លេសគឺនៅជាសមាជិកសហភាពអឺរ៉ុប។ ប៉ុន្តែលោកព្រមានថា ប្រសិនបើអង់គ្លេសចង់បានការចាកចេញដ៏តឹងតែងនោះ ការចរចាលើការចាកចេញនេះ ក៏មិនស្រួលនោះដែរ។
នាយករដ្ឋមន្ត្រីអង់គ្លេសធ្លាប់បានបង្ហាញសញ្ញាថា លោកស្រីពិចារណាដកសមាជិកភាពរបស់ចក្រភពអង់គ្លេសពីទីផ្សាររួម និងតំបន់ពន្ធរួមគ្នារបស់អឺរ៉ុប សម្រាប់ជាផ្នែកមួយនៃការចាកចេញ។ ជំនួសមកវិញនោះ អង់គ្លេស អាចមានសិទ្ធិគ្រប់គ្រងលើការងារព្រំដែនរបស់ខ្លួន ក៏ដូចជាគោលនយោបាយអន្តោប្រវេសន៍ដែរ។ លើសពីនោះ អង់គ្លេស ក៏បានសិទ្ធិដើម្បីធ្វើពាណិជ្ជកម្មដោយសេរីជាមួយប្រទេសមិនមែនសមាជិកអឺរ៉ុបដែរ។
២. ការចាកចេញរបស់អង់គ្លេស មិនមែនជារបៀបវារៈសំខាន់
ថ្វីបើប្រធានបទនៃការចាកចេញរបស់ចក្រភពអង់គ្លេសត្រូវបានលើកឡើងក្នុងជំនួបកំពូលមេដឹកនាំអឺរ៉ុប បញ្ហានេះក៏មិនមែនជារបៀបវារៈសំខាន់ ដែលត្រូវឲ្យមេដឹកនាំប្រទេសអឺរ៉ុបទាំង ២៧ប្រទេសពិភាក្សាផុលផុសដែរ។ ចំណែកអធិការបតីអាល្លឺម៉ង់ លោកស្រី Angela Merkel ក៏បានបញ្ជាក់ដែរថា ការចាកចេញរបស់ចក្រភពអង់គ្លេស គឺជាប្រធានបទតូចតាចប៉ុណ្ណោះ អំឡុងពេលនៃកិច្ចប្រជុំកំពូលមេដឹកនាំអឺរ៉ុប។
ទន្ទឹមគ្នានោះ សារព័ត៌មាន Express ផ្សាយថា ប្រធានក្រុមប្រឹក្សាអឺរ៉ុប លោក Donald Tusk ក៏ចាត់ទុកជំនួបកំពូលនេះ មិនមែនជាពេលវេលាសក្តិសមដើម្បីចាប់ផ្ដើមការចរចាឡើយ។ លោកអះអាងថា នេះជាសំណើរបស់នាយករដ្ឋមន្ត្រីអង់គ្លេសខ្លួនឯងផ្ទាល់ ដែលចង់ត្រឹមប្រើកិច្ចប្រជុំនេះ ដើម្បីបង្ហាញជំហររបស់លោកស្រីលើការចាកចេញ មិនមែនចាប់ផ្ដើមការចរចាអ្វីឡើយ។
ប្រធានក្រុមប្រឹក្សាអឺរ៉ុបរូបនេះបន្តថា គេត្រូវរង់ចាំរហូតដល់អង់គ្លេស ប្រកាសអនុវត្តតាមមាត្រា៥០ សន្ធិសញ្ញា Lisbon សិន ទើបការចរចាណាមួយអាចចាប់ផ្ដើមបាន។ បើដូច្នេះមែន គេប្រហែលជាត្រូវចាំដល់ឆ្នាំ២០១៧ ទើបការចរចាផ្លូវការរវាងសហភាពអឺរ៉ុប និងចក្រភពអង់គ្លេសលើការចាកចេញ ចេញដំណើរបាន ហើយការចរចា នឹងត្រូវប្រើពេលពីរឆ្នាំ ដែលអាចបញ្ចប់នៅឆ្នាំ២០១៩។
ជាការពិត ទាំងអឺរ៉ុប និងចក្រភពអង់គ្លេស កំពុងយកចិត្តទុកដាក់លើលក្ខខណ្ឌដែលត្រូវប្រើក្នុងការចរចា ដោយភាគីទាំងពីរសុទ្ធតែអះអាងការពារផលប្រយោជន៍រៀងៗខ្លួន។ អង់គ្លេស ចង់បន្តសិទ្ធិប្រើប្រាស់ទីផ្សាររួមរបស់អឺរ៉ុប និងចង់ធ្វើរកស៊ីជាមួយប្រទេសដទៃ តែអឺរ៉ុបចង់ឲ្យអង់គ្លេសចេញឲ្យផុត។ ជំហរផ្សេងគ្នានេះ គឺបញ្ហាដែលអាចរាំងស្ទះការចរចានៅពេលខាងមុខ៕
Tag:
អឺរ៉ុប
Brexit
Theresa May
© រក្សាសិទ្ធិដោយ thmeythmey.com
