អន្តរជាតិ
Duterte សារភាពថា«តាំងពីដើមរហូតដល់ពេលលោកក្លាយជាប្រធានាធិបតី ហ្វីលីពីនតែងធ្វើតាមការចង្អុលពីអាមេរិក»
×![]()
លោកប្រធានាធិបតីហ្វីលីពីន រ៉ូឌ្រីហ្គូ ឌើទើតេ (Rodrigo Duterte) បានបកស្រាយពីសេចក្តីថ្លែងការណ៍នៃការចែកផ្លូវរវាងហ្វីលីពីន និងអាមេរិករបស់លោកដែលបានប្រកាសនៅក្នុងក្រុងប៉េកាំង «មិនមែនមានន័យ ថា ហ្វីលីពីន កាត់ផ្តាច់ទំនាក់ទំនងការទូតជាមួយនឹងអាមេរិកឡើយ»។ លោក អះអាងថា ការប្រកាសនោះ គ្រាន់តែចង់បង្ហាញពីគោលនយោបាយការបរទេសឯករាជ្យរបស់លោកតែប៉ុណ្ណោះ។
នាសន្និសីទសារព័ត៌មានទាំងពាក់កណ្តាលអាធ្រាតនៃថ្ងៃទី២១ ខែតុលា លោក រ៉ូឌ្រីហ្គូ ឌើទើតេ បានថ្លែងប្រាប់អ្នកសារព័ត៌មានយ៉ាងដូច្នេះថា «អ្នកត្រូវយល់ពាក្យសម្តីរបស់ខ្ញុំនៅតាមបរិបទនៃអ្វីដែលខ្ញុំនិយាយ ! វា (ការប្រកាសរបស់លោក) មិនមែនជាការកាត់ផ្តាច់ចំណងនោះ ព្រោះប្រសិនការកាត់ផ្តាច់ចំណង គឺស្មើនឹងការកាត់ផ្តាច់ទំនាក់ទំនងការទូតយ៉ាងដូច្នេះឯង។ ខ្ញុំ មិនអាចធ្វើយ៉ាងដូច្នោះទេ»។
នាសន្និសីទទាំងតក់ក្រហល់ក្រោយបញ្ចប់ទស្សនកិច្ចបួនថ្ងៃនៅចិននោះដែរ លោកប្រធានាធិបតីរូបនោះ ក៏បានសង្កត់ធ្ងន់ដែរថា «ការចែកផ្លូវ ដែលលោកចង់សំដៅនោះគឺ ការចែកផ្លូវនៃគោលនយោបាយការបរទេសនោះទេ»។ លោកថែមទាំងនិយាយត្រង់ៗថា តាំងពីដើមរហូតដល់លោកក្លាយជាប្រធានាធិបតី ហ្វីលីពីន តែងតែដើរតាមការចង្អុលបង្ហាញរបស់អាមេរិកប៉ុណ្ណោះ។
សូមរម្លឹកផងដែរថា នៅថ្ងៃទី២០ ខែតុលាកន្លងទៅថ្មីៗនេះ លោកប្រធានាធិបតី រ៉ូឌ្រីហ្គូ ឌើទើតេ បានប្រកាសយ៉ាងដូច្នេះថា «ខ្ញុំ សូមប្រកាសពីការចាកចេញពីសហរដ្ឋអាមេរិកទាំងលើវិស័យយោធា និងសេដ្ឋកិច្ច...»។ លោកប្រធានាធិបតីរូបនោះ ថែមទាំងបន្ថែមថា លោក ជឿជាក់លើលំហូរនៃមនោគមន៍របស់ចិន ហើយ លោក នឹងបំពេញទស្សនកិច្ចទៅកាន់រុស្ស៊ីដើម្បីជជែកជាមួយនឹងលោក ពូទីនផងដែរ។ លោកបញ្ជាក់យ៉ាងដូច្នេះ « នឹងមានប្រទេសគឺ ចិន រុស្ស៊ី និងហ្វីលីពីនប្រឆាំងនឹងពិភពលោក»។
ជុំវិញនៃការប្រកាសចែកផ្លូវនេះដែរ ក៏ត្រូវបានធ្វើក្រោយពីក្រុងវ៉ាស៊ីនតោន បានប្រកាសឲ្យមានការបកស្រាយឲ្យបានច្បាស់លាស់ ដ្បិត ក្រុងវ៉ាស៊ីនតោន មិនសូវដាក់ទម្ងន់លើពាក្យសម្តីរបស់លោកប្រធានធិបតីហ្វីលីពីនថ្មីរូបនេះប៉ុន្មាននោះទេ ហើយនោះ ក៏ព្រោះតែ លោក តែងតែនិយាយអ្វីតាមតែកំហឹងលោកប៉ុណ្ណោះ។
នៅថ្ងៃដែលលោកប្រធានាធិបតីហ្វីលីពីនប្រកាសចែកផ្លូវ ក្រសួងការបរទេសអាមេរិក ក៏បានធ្វើសន្និសីទសារព័ត៌មានមួយស្តីពីទំនាក់ទំនងរវាងអាមេរិក និងហ្វីលីពីនផងដែរ។ អ្នកនាំពាក្យក្រសួងការបរទេសអាមេរិក លោក John Kirby បានថ្លែងថា អាមេរិក នឹងរង់ចាំការបកស្រាយអ្វីឲ្យប្រាកដចំពោះសុន្ទរកថារបស់លោកប្រធានាធិបតីហ្វីលីពីន ដែលនិយាយថា «ចែកផ្លូវពីអាមេរិក»នោះ។ លោក បន្ថែម ថា វាហាក់ដូចជាមិនច្បាស់សោះសម្រាប់អាមេរិកពីការផ្តល់សុន្ទរកថាបែបនេះ។
អ្នកនាំពាក្យរូបនោះ បានបញ្ជាក់ធ្ងន់ជាមួយនឹងអ្នកសារព័ត៌មានយ៉ាងដូច្នេះថា «យើង នៅតែមិនមានការប្រែប្រួលចំពោះការប្តេជ្ញាចិត្តរបស់យើងនៅក្នុងសន្ធិសញ្ញាការពារជាតិ ដែលយើងមានជាមួយនឹងហ្វីលីពីននោះ។ វា(កិច្ចព្រមព្រៀង)គ្មានអ្វីផ្លាស់ប្តូរឡើយ។
សូមជម្រាបផងដែរថា ទំនាក់ទំនងស្អិតល្មួតដែលសន្សំទុកអស់រយៈពេលជាង៧ទសវត្សរ៍រវាងប្រទេសទាំងពីរ ស្រាប់តែធ្លាក់ចុះស្ទើរតែដល់កម្រិតសូន្យ ដោយសារតែការរិះគន់របស់ក្រុងវ៉ាស៊ីនតោនលើបញ្ហាសិទ្ធិមនុស្ស ជាពិសេសនោះ យុទ្ធនាការណ៍បង្ក្រាបគ្រឿងញៀនរបស់ប្រធានាធិបតីហ្វីលីពីនលោក រ៉ូឌ្រីហ្គូ ឌើទើតេ។ លោកប្រធានាធិបតី ឌើទើតេ បានកាន់តំណែងជាប្រធានាធិបតីហ្វីលីពីនទី១៦ជាផ្លូវការនៅថ្ងៃទី៣០ ខែមិថុនា។
ក្រោមរដ្ឋបាលរបស់លោក ឌើទើតេ មានអ្នកញៀនថ្នាំ និងអ្នកពាក់ព័ន្ធគ្រឿងញៀន ប្រមាណជាងបីពាន់នាក់ ត្រូវបានសម្លាប់ទាំងក្នុងប្រតិបត្តិការប៉ូលិស និងការសហការក្រៅប្រព័ន្ធតុលាការ ដែលចំណាត់នេះ បានរងការរិះគន់ងមិនត្រឹមតែពីអាមេរិកនោះទេ តែពីអង្គការសហប្រជាជាតិ និងស្ថាប័នធំៗផ្សេងទៀតផងដែរ។ តែតបនឹងការរិះគន់នេះ លោកប្រធានាធិបតី ឌើទើតេ បានព្រមានបញ្ចប់កិច្ចសហប្រតិបត្តិការជាមួយនឹងអាមេរិក និងថែមទាំងជេរប្រមាថលោកប្រធានាធិបតីអាមេរិក បារ៉ាក់ អូបាម៉ាទៀតផង៕
នាសន្និសីទសារព័ត៌មានទាំងពាក់កណ្តាលអាធ្រាតនៃថ្ងៃទី២១ ខែតុលា លោក រ៉ូឌ្រីហ្គូ ឌើទើតេ បានថ្លែងប្រាប់អ្នកសារព័ត៌មានយ៉ាងដូច្នេះថា «អ្នកត្រូវយល់ពាក្យសម្តីរបស់ខ្ញុំនៅតាមបរិបទនៃអ្វីដែលខ្ញុំនិយាយ ! វា (ការប្រកាសរបស់លោក) មិនមែនជាការកាត់ផ្តាច់ចំណងនោះ ព្រោះប្រសិនការកាត់ផ្តាច់ចំណង គឺស្មើនឹងការកាត់ផ្តាច់ទំនាក់ទំនងការទូតយ៉ាងដូច្នេះឯង។ ខ្ញុំ មិនអាចធ្វើយ៉ាងដូច្នោះទេ»។
នាសន្និសីទទាំងតក់ក្រហល់ក្រោយបញ្ចប់ទស្សនកិច្ចបួនថ្ងៃនៅចិននោះដែរ លោកប្រធានាធិបតីរូបនោះ ក៏បានសង្កត់ធ្ងន់ដែរថា «ការចែកផ្លូវ ដែលលោកចង់សំដៅនោះគឺ ការចែកផ្លូវនៃគោលនយោបាយការបរទេសនោះទេ»។ លោកថែមទាំងនិយាយត្រង់ៗថា តាំងពីដើមរហូតដល់លោកក្លាយជាប្រធានាធិបតី ហ្វីលីពីន តែងតែដើរតាមការចង្អុលបង្ហាញរបស់អាមេរិកប៉ុណ្ណោះ។
សូមរម្លឹកផងដែរថា នៅថ្ងៃទី២០ ខែតុលាកន្លងទៅថ្មីៗនេះ លោកប្រធានាធិបតី រ៉ូឌ្រីហ្គូ ឌើទើតេ បានប្រកាសយ៉ាងដូច្នេះថា «ខ្ញុំ សូមប្រកាសពីការចាកចេញពីសហរដ្ឋអាមេរិកទាំងលើវិស័យយោធា និងសេដ្ឋកិច្ច...»។ លោកប្រធានាធិបតីរូបនោះ ថែមទាំងបន្ថែមថា លោក ជឿជាក់លើលំហូរនៃមនោគមន៍របស់ចិន ហើយ លោក នឹងបំពេញទស្សនកិច្ចទៅកាន់រុស្ស៊ីដើម្បីជជែកជាមួយនឹងលោក ពូទីនផងដែរ។ លោកបញ្ជាក់យ៉ាងដូច្នេះ « នឹងមានប្រទេសគឺ ចិន រុស្ស៊ី និងហ្វីលីពីនប្រឆាំងនឹងពិភពលោក»។
ជុំវិញនៃការប្រកាសចែកផ្លូវនេះដែរ ក៏ត្រូវបានធ្វើក្រោយពីក្រុងវ៉ាស៊ីនតោន បានប្រកាសឲ្យមានការបកស្រាយឲ្យបានច្បាស់លាស់ ដ្បិត ក្រុងវ៉ាស៊ីនតោន មិនសូវដាក់ទម្ងន់លើពាក្យសម្តីរបស់លោកប្រធានធិបតីហ្វីលីពីនថ្មីរូបនេះប៉ុន្មាននោះទេ ហើយនោះ ក៏ព្រោះតែ លោក តែងតែនិយាយអ្វីតាមតែកំហឹងលោកប៉ុណ្ណោះ។
នៅថ្ងៃដែលលោកប្រធានាធិបតីហ្វីលីពីនប្រកាសចែកផ្លូវ ក្រសួងការបរទេសអាមេរិក ក៏បានធ្វើសន្និសីទសារព័ត៌មានមួយស្តីពីទំនាក់ទំនងរវាងអាមេរិក និងហ្វីលីពីនផងដែរ។ អ្នកនាំពាក្យក្រសួងការបរទេសអាមេរិក លោក John Kirby បានថ្លែងថា អាមេរិក នឹងរង់ចាំការបកស្រាយអ្វីឲ្យប្រាកដចំពោះសុន្ទរកថារបស់លោកប្រធានាធិបតីហ្វីលីពីន ដែលនិយាយថា «ចែកផ្លូវពីអាមេរិក»នោះ។ លោក បន្ថែម ថា វាហាក់ដូចជាមិនច្បាស់សោះសម្រាប់អាមេរិកពីការផ្តល់សុន្ទរកថាបែបនេះ។
អ្នកនាំពាក្យរូបនោះ បានបញ្ជាក់ធ្ងន់ជាមួយនឹងអ្នកសារព័ត៌មានយ៉ាងដូច្នេះថា «យើង នៅតែមិនមានការប្រែប្រួលចំពោះការប្តេជ្ញាចិត្តរបស់យើងនៅក្នុងសន្ធិសញ្ញាការពារជាតិ ដែលយើងមានជាមួយនឹងហ្វីលីពីននោះ។ វា(កិច្ចព្រមព្រៀង)គ្មានអ្វីផ្លាស់ប្តូរឡើយ។
សូមជម្រាបផងដែរថា ទំនាក់ទំនងស្អិតល្មួតដែលសន្សំទុកអស់រយៈពេលជាង៧ទសវត្សរ៍រវាងប្រទេសទាំងពីរ ស្រាប់តែធ្លាក់ចុះស្ទើរតែដល់កម្រិតសូន្យ ដោយសារតែការរិះគន់របស់ក្រុងវ៉ាស៊ីនតោនលើបញ្ហាសិទ្ធិមនុស្ស ជាពិសេសនោះ យុទ្ធនាការណ៍បង្ក្រាបគ្រឿងញៀនរបស់ប្រធានាធិបតីហ្វីលីពីនលោក រ៉ូឌ្រីហ្គូ ឌើទើតេ។ លោកប្រធានាធិបតី ឌើទើតេ បានកាន់តំណែងជាប្រធានាធិបតីហ្វីលីពីនទី១៦ជាផ្លូវការនៅថ្ងៃទី៣០ ខែមិថុនា។
ក្រោមរដ្ឋបាលរបស់លោក ឌើទើតេ មានអ្នកញៀនថ្នាំ និងអ្នកពាក់ព័ន្ធគ្រឿងញៀន ប្រមាណជាងបីពាន់នាក់ ត្រូវបានសម្លាប់ទាំងក្នុងប្រតិបត្តិការប៉ូលិស និងការសហការក្រៅប្រព័ន្ធតុលាការ ដែលចំណាត់នេះ បានរងការរិះគន់ងមិនត្រឹមតែពីអាមេរិកនោះទេ តែពីអង្គការសហប្រជាជាតិ និងស្ថាប័នធំៗផ្សេងទៀតផងដែរ។ តែតបនឹងការរិះគន់នេះ លោកប្រធានាធិបតី ឌើទើតេ បានព្រមានបញ្ចប់កិច្ចសហប្រតិបត្តិការជាមួយនឹងអាមេរិក និងថែមទាំងជេរប្រមាថលោកប្រធានាធិបតីអាមេរិក បារ៉ាក់ អូបាម៉ាទៀតផង៕
Tag:
ហ្វីលីពីន
អាមេរិក
អាស៊ាន
© រក្សាសិទ្ធិដោយ thmeythmey.com
