អន្តរជាតិ
អាមេរិក-ជប៉ុន ត្រៀមធ្វើសមយុទ្ធយោធាទ្រង់ទ្រាយធំជាលើកដំបូង ខណៈស្ថានភាពអាស៊ីបូព៌ាកំពុងតែតានតឹង
សមាជិកកងទ័ពស្វ័យការពារជប៉ុន (Japan Times)
×![]()
ក្រសួងការពារជាតិជប៉ុន បានប្រកាសថា កងទ័ពស្វ័យការពារជប៉ុន (SDF) និងកងទ័ពអាមេរិក នឹងធ្វើសមយុទ្ធរួមគ្នាជាលើកដំបូងនៅចុងខែតុលារហូតដល់ដើមខែវិច្ឆិកាខាងមុខដ៏ខ្លីនេះ ដោយយោងតាមច្បាប់សន្តិសុខថ្មីដែលបានអនុម័តនៅឆ្នាំមុននោះ។ សមយុទ្ធនេះ ក៏រាប់បញ្ចូលទាំងសមយុទ្ធយោធាប្រឆាំងនឹងមីស៊ីលបាលីស្ទីកផងដែរ។ 
កងទ័ពស្វ័យការពារជប៉ុន និងកងទ័ពអាមេរិក នឹងធ្វើលំហាត់យោធារួមដែលមានឈ្មោះថា «Keen Sword» ចាប់ពីថ្ងៃទី៣០ខែតុលា ដល់ថ្ងៃទី១១ ខែវិច្ឆិកា ដែលនឹងមានការចូលរួមដោយកងទ័ពជើងគោក ទ័ពជើងទឹក និងទ័ពអាកាសជប៉ុន សរុប២៥០០០នាក់ និងទ័ពអាមេរិក ១១ ០០០នាក់។ Keen Sword គឺជាប្រភេទនៃលំហាត់យោធាមួយរបស់អាមេរិក និងជប៉ុន ដែលត្រូវបានធ្វើឡើងដើម្បីហ្វឹកហាត់ពីការការពារពីការឈ្លានពានពីខាងក្រៅ។ នេះបើយោងតាមការចុះផ្សាយរបស់សារព័ត៌មាន Japan Times នៅថ្ងៃទី២២ ខែតុលានេះ។
តាមប្រភពព័ត៌មានដដែល លំហាត់យោធានោះ នឹងផ្តោតលើការហ្វឹកហ្វឺនជាច្រើនរួមមានទាំងការសង្គ្រោះ និងរុករកបន្ទាន់ ការឆ្លើយតបនឹងសកម្មភាពបន្ទាន់ និងជាពិសេសនោះ កងទ័ពទាំងពីរ ក៏នឹងធ្វើសមយុទ្ធយោធាក្នុងការចាត់វិធានការឆ្លើយតបទៅនឹងមីស្ទីលបាលីស្ទីកផងដែរ។
សូមជម្រាបផងដែរថា តាមច្បាប់សន្តិសុខថ្មីរបស់ជប៉ុនដែលបានអនុម័តជាផ្លូវការកាលពីឆ្នាំមុន កងទ័ពស្វ័យការពាររបស់ជប៉ុន (Self-Defense Forces) អាចមានលទ្ធភាពក្នុងអនុវត្តប្រតិបត្តិការយោធាជាច្រើនរួមមានទាំងភស្តុភា និងផ្គត់ផ្គង់អាមេរិកកងទ័ពអាមេរិក និងកងទ័ពបរទេស និងប្រតិបត្តិការសង្គ្រោះ និងអន្តរាគមន៍លើបញ្ហាសន្តិសុខក្រៅប្រទេសផងដែរ។
អ្វីគួរកត់សម្គាល់នោះ សមយុទ្ធយោធារវាងជប៉ុន និងអាមេរិកនេះ ត្រូវធ្វើឡើងស្របពេលដែលស្ថានភាពនៅតំបន់អាស៊ីបូព៌ាកំពុងតែមានភាពតានតឹងស្រាប់នោះ។ ស្ថានភាពតានតឹងនោះ គឺការបាញ់សាកល្បង និងការអភិវឌ្ឍអាវុធនុយក្លេអ៊ែរកូរ៉េខាងជើងនោះឯង។ ក្នុងឆ្នាំ២០១៦នេះ កូរ៉េខាងជើង បានបាញ់សាកល្បងអាវុធនុយក្លេអ៊ែរ ដែលរួមទាំងមីស៊ីលបាលីស្ទីកជាច្រើនលើកច្រើនសារមកហើយ។ ក្នុងនោះ កូរ៉េខាងជើង ក៏ធា្លប់បាញ់សាកល្បងមីស៊ីល ធ្លាក់ចូលដែនទឹករបស់ជប៉ុន ដែលលោកនាយករដ្ឋមន្ត្រីជប៉ុន ស៊ិនហ្សូ អាបេ ចាត់ទុកថាជាសកម្មភាពព្រហើន និងព្រមានមិនលើកលែងឲ្យវិញផងដែរ៕
កងទ័ពស្វ័យការពារជប៉ុន និងកងទ័ពអាមេរិក នឹងធ្វើលំហាត់យោធារួមដែលមានឈ្មោះថា «Keen Sword» ចាប់ពីថ្ងៃទី៣០ខែតុលា ដល់ថ្ងៃទី១១ ខែវិច្ឆិកា ដែលនឹងមានការចូលរួមដោយកងទ័ពជើងគោក ទ័ពជើងទឹក និងទ័ពអាកាសជប៉ុន សរុប២៥០០០នាក់ និងទ័ពអាមេរិក ១១ ០០០នាក់។ Keen Sword គឺជាប្រភេទនៃលំហាត់យោធាមួយរបស់អាមេរិក និងជប៉ុន ដែលត្រូវបានធ្វើឡើងដើម្បីហ្វឹកហាត់ពីការការពារពីការឈ្លានពានពីខាងក្រៅ។ នេះបើយោងតាមការចុះផ្សាយរបស់សារព័ត៌មាន Japan Times នៅថ្ងៃទី២២ ខែតុលានេះ។
តាមប្រភពព័ត៌មានដដែល លំហាត់យោធានោះ នឹងផ្តោតលើការហ្វឹកហ្វឺនជាច្រើនរួមមានទាំងការសង្គ្រោះ និងរុករកបន្ទាន់ ការឆ្លើយតបនឹងសកម្មភាពបន្ទាន់ និងជាពិសេសនោះ កងទ័ពទាំងពីរ ក៏នឹងធ្វើសមយុទ្ធយោធាក្នុងការចាត់វិធានការឆ្លើយតបទៅនឹងមីស្ទីលបាលីស្ទីកផងដែរ។
សូមជម្រាបផងដែរថា តាមច្បាប់សន្តិសុខថ្មីរបស់ជប៉ុនដែលបានអនុម័តជាផ្លូវការកាលពីឆ្នាំមុន កងទ័ពស្វ័យការពាររបស់ជប៉ុន (Self-Defense Forces) អាចមានលទ្ធភាពក្នុងអនុវត្តប្រតិបត្តិការយោធាជាច្រើនរួមមានទាំងភស្តុភា និងផ្គត់ផ្គង់អាមេរិកកងទ័ពអាមេរិក និងកងទ័ពបរទេស និងប្រតិបត្តិការសង្គ្រោះ និងអន្តរាគមន៍លើបញ្ហាសន្តិសុខក្រៅប្រទេសផងដែរ។
អ្វីគួរកត់សម្គាល់នោះ សមយុទ្ធយោធារវាងជប៉ុន និងអាមេរិកនេះ ត្រូវធ្វើឡើងស្របពេលដែលស្ថានភាពនៅតំបន់អាស៊ីបូព៌ាកំពុងតែមានភាពតានតឹងស្រាប់នោះ។ ស្ថានភាពតានតឹងនោះ គឺការបាញ់សាកល្បង និងការអភិវឌ្ឍអាវុធនុយក្លេអ៊ែរកូរ៉េខាងជើងនោះឯង។ ក្នុងឆ្នាំ២០១៦នេះ កូរ៉េខាងជើង បានបាញ់សាកល្បងអាវុធនុយក្លេអ៊ែរ ដែលរួមទាំងមីស៊ីលបាលីស្ទីកជាច្រើនលើកច្រើនសារមកហើយ។ ក្នុងនោះ កូរ៉េខាងជើង ក៏ធា្លប់បាញ់សាកល្បងមីស៊ីល ធ្លាក់ចូលដែនទឹករបស់ជប៉ុន ដែលលោកនាយករដ្ឋមន្ត្រីជប៉ុន ស៊ិនហ្សូ អាបេ ចាត់ទុកថាជាសកម្មភាពព្រហើន និងព្រមានមិនលើកលែងឲ្យវិញផងដែរ៕
Tag:
ជប៉ុន
អាមេរិក
© រក្សាសិទ្ធិដោយ thmeythmey.com
